Fréttablaðið - 11.11.2011, Blaðsíða 38

KYNNING − AUGLÝSINGJólakort FÖSTUDAGUR 11. NÓVEMBER 20114
KORTIN Í PÓST
Póstkassa má finna víða um
bæinn og þægilegt og jólalegt
er að geta rölt með jólakortin
að póstkassa í hverfinu. Yfir 250
póstkassa er að finna á landinu
og á heimasíðu Póstsins, postur.
is má finna lista yfir þá kassa með
nákvæmum staðsetningum, til
að mynda við hvaða inngang
viðkomandi póstkassi er á bygg-
ingum og hvort þeir eru fleiri
en einn, sem er gott að vita fyrir
þá sem eru með talsvert magn
jólakorta. Sá vefur er líka einkar
gagnlegur fyrir ýmislegt annað
tengt jólakortavertíðinni, til dæmis
lista með póstnúmerum landsins.
KORTIN NOTUÐ Í
SKREYTINGAR
Jólakortin sem berast heim
má vel nota í jólaskreytingar
á heimilinu þegar þeim fer að
fjölga. Þannig er ein hugmyndin
að klemma þau hvert og eitt
á lítil klemmuspjöld sem þessi
og láta þau standa í þyrpinu á
stofuborðinu, á hillu eða ofan á
píanóinu fram að jólum. Klemmu-
spjöldin sjálf má svo skreyta með
einhverju jólalegu, bjöllum og
borðum, greni eða öðru.
HJÁLPIN ER NÆRRI
Jólakortalistinn getur verið
yfirþyrmandi við upphaf verks. Það
er ekkert sem segir að klára verði
staflann á einu kvöldi, vel má dreifa
álaginu á nokkur kvöld og byrja þá
frekar fyrr í mánuðinum. Þá mætti
einnig virkja annað heimilisfólk í
verkið.
Einnig má létta sér vinnuna á
ýmsan máta. Til dæmis mætti skrifa
eitt bréf um það helsta sem drifið
hefur á daga viðkomandi, fjölrita og
stinga inn í fallegt jólakortið með persónulegri undirskrift.
KORTIN Á STALL
Jólakort eru flest falleg á að líta. Því er leiðinlegt að stinga þeim ofan í
skúffu eða þar til gerðan jólakortapoka þar sem þau sjá aldrei dagsljósið.
Ein leiðin til að gera þau sýnileg gestum, gangandi og ekki síst heimilis-
fólki er að strengja band á góðan stað í stofu, eldhúsi eða forstofu og
hengja jólakortin á það um leið og þau berast.
JÓLAKORTAPOKINN
Gamli góði jólapokinn,
gjarnan einhver sem amma eða
langamma útbjó og skreytti með
eigin handbragði, er mörgum
kær. Ekki gleyma honum milli
ára og þegar jólin eru afstaðin
er gott að setja hann á vísan
stað og skrifa í dagbók heim-
ilisins hvar hann er geymdur.
Reyndar er mjög gott almennt
með jólaskraut að skrifa í sérstaka
minnisbók hvar seríur, jólatrés-
fótur, jólakúlur og annað er
geymt nákvæmlega og merkja
kassana að utan.