Fréttablaðið - 19.12.2011, Page 16

19. desember 2011 MÁNUDAGUR16
MYNDASYRPA: Jólaskemmtun Félags Litháa á Íslandi
Félag Litháa á Íslandi hélt árlega jólaskemmtun sína í
fjórða skiptið í Ártúnsskóla um helgina. Jólaskemmtunin
var með litháísku þema og því mætti litháíski jólasveinn-
inn og dansaði með börnunum í kringum jólatréð og gaf
þeim gjafir. Börnin sýndu Sveinka litháískt ævintýri um
Froskadrottninguna og dýrin í mýrinni. Haraldur Guðjóns-
son, ljósmyndari Fréttablaðsins, fangaði stemninguna.
Jólaskemmtun
Litháa á Íslandi
SÝNDU DANS Alans og Katrín hafa lært að dansa og sýndu listir sínar á skemmtun-
inni. Þau dönsuðu saman þrjá dansa fyrir gestina.
FJÖR Það voru allir í góðu skapi á jólaskemmtuninni því jólasveinninn mætti og gaf öllum þægum börnum gjafir.
STÁLU JÓLASVEININUM Refurinn og úlfurinn stálu jólasveininum þegar hann stoppaði og athugaði hvort hann væri ekki með allar
gjafirnar handa öllum börnunum. Rebbi og vinur hans úlfurinn ætluðu að borða hann í leikritinu sem litháíski leikhópurinn Gija
sýndi en hin dýrin í skóginum komu jólasveininum til bjargar.
SVEINKI LEITAR AÐ GJÖFUM Öll börnin fengu gjöf frá jólasveininum sem spjallaði
örlítið við börnin og dansaði með þeim í kringum jólatréð.
SÝNDU LEIKRIT Litháísku börnin sýndu litháískt leikrit um Froskadrottninguna. FRÉTTABLAÐIÐ/HAG
SEGIR SÖGUR Sveinki sagði börnunum sögur af því hvernig ferðin til byggða gekk.
Börnin hlustuðu spennt á sögurnar áður en þau dönsuðu með honum í kringum
tréð og sungu. Í Litháen er jólasveinninn kallaður Faðir jólanna eða Afi Frost.