Morgunblaðið - 20.08.2010, Blaðsíða 12

Jón Bjarnason sjávarútvegsráðherra skrifaði í vikunni formanni
starfshóps um endurskoðun fiskiveiðistjórnunar bréf þar sem
segir m.a. að ráðuneytið leggi mikla áherslu á að hópurinn skili
niðurstöðum svo fljótt sem verða má.
Í bréfinu segir m.a.: „Í erindisbréfi starfshópsins var jafn-
framt gert ráð fyrir að hann skilaði af sér álitsgerð fyrir 1. nóv-
ember 2009. Ráðuneytinu er ljóst að ýmsar ófyrirséðar að-
stæður hafa orðið þess valdandi að ekki var hægt að standa við
þá dagsetningu og hefur þurft að taka mun meiri tíma í þetta
verkefni en áður var ætlað.
Nú er hins vegar svo komið málum að vart verður lengur beð-
ið enda augljóst að ráðuneytið þarf á tíma að halda til þess að
undirbúa lagabreytingar og annað í framhaldi málsins enda
nýtt þing að hefjast. Ráðuneytið leggur því mikla áherslu á að
hópurinn skili svo fljótt sem verða má. Því er þeim tilmælum
beint til yðar sem formanns vinnuhópsins að þér gerið ráðu-
neytinu sem fyrst grein fyrir hvenær skil á álitsgerð starfshóps-
ins til ráðuneytisins muni verða.“
Jón Bjarnason sagði í gær að mjög brýnt væri að niðurstaða
kæmi sem allra fyrst frá starfshópnum. „Þegar starfshópurinn
hefur skilað af sér til ráðherra verður málið unnið áfram í sjáv-
arútvegsráðuneytinu sjálfu,“ segir Jón. „Vinnu starfshópsins
verður fylgt eftir hér í ráðuneytinu með frum-
vörpum og öðrum aðgerðum, bæði með
næsta fiskveiðiár í huga og eins til lengri
framtíðar.“
Ráðherra sagði að á þessu ári og í fyrra
hefðu þegar verið tekin mikilvæg skref í að
móta nýja stefna í málefnum sjávarútvegs-
ins. Sterk viðbrögð í samfélaginu sl. vetur
sýndu að þetta væri staðreynd. Hann
nefndi ákvæði í skötuselsfrumvarpinu, lög-
festingu strandveiða, nýskipan í veiðum á
makríl og frelsi í veiðum á úthafsrækju.
12 FréttirINNLENT
MORGUNBLAÐIÐ FÖSTUDAGUR 20. ÁGÚST 2010
Fitulítil og
próteinrík . . .
… og passar með öllu
www.ms.is
H
V
ÍT
A
H
Ú
S
IÐ
/
S
ÍA
BAKSVIÐ
Ágúst Ingi Jónsson
aij@mbl.is
Stefnt er að því að störfum starfshóps um end-
urskoðun fiskveiðilöggjafarinnar ljúki í lok
næstu viku. Tvær meginhugmyndir um inn-
köllun og úthlutun aflaheimilda hafa einkum
verið ræddar síðustu daga; tilboðsleið og
samningsleið. Í báðum tilvikum er gert ráð fyr-
ir leigu af afnotarétti. Búist er við að meginnið-
urstaða komi frá hópnum þar sem hugsanlega
verði mælt með annarri hvorri leiðinni. Fast-
lega má gera ráð fyrir að fulltrúar ólíkra hópa í
starfshópnum skýri afstöðu sína með sérstök-
um bókunum. Útgerðarmenn hafa tekið þátt í
störfum hópsins síðustu vikur.
Guðbjartur Hannesson, formaður starfs-
hópsins, segir að á fundi á þriðjudag hafi tvær
meginhugmyndir verið lagðar fram. Í tilboðs-
leið, sem unnin var af Þorkeli Helgasyni og
Jóni Steinssyni að beiðni formanns starfshóps-
ins, sé gert ráð fyrir innköllun og endurúthlut-
un í gegnum tilboðsmarkað.
Þeir taka m.a. dæmi um að 8% aflaheimilda
verði á hverju ári tekin og sett á tilboðsmark-
að. Þar geti útgerðir bætt sér upp skerðinguna
og gjaldið sem greitt væri á markaðnum kæmi
sem gjald fyrir afnot af auðlindinni. Bæti út-
gerðir sé ekki upp skerðinguna fjari kvóti
þeirra smátt og smátt út. Í raun er þarna um
útfærslu á eldri hugmyndum um fyrningarleið
að ræða.
Samningsleiðin er unnin af lögmönnunum
Karli Axelssyni og Lúðvík Bergvinssyni og þar
er gert ráð fyrir að nýting fiskimiðanna tengist
auðlindapólitík almennt. Að sögn Guðbjarts er
meginhugmyndin að ganga til samninga við þá
sem hafa haft rétt til nýtingar á auðlindinni.
Ein hugmyndin sé að greitt sé grunngjald fyrir
samning og síðan ákveðin auðlindarenta. Eftir
sé að taka tafstöðu til þess hvað samningur feli
í sér, til hve langs tíma samið verði, um endur-
nýjun samnings, kvaðir og fleiri atriði.
Aðlögun að nýju kerfi
„Báðar þessar tillögur ganga út á að það sé
skýrt að auðlindin sé þjóðareign, að úthlutað
verði samkvæmt skilgreindum reglum og þjóð-
in fái auðlindagjald með einhverjum hætti,“
segir Guðbjartur. Hann segir að þegar
skýrsla starfshópsins liggi fyrir
verði henni skilað til sjávarútvegs-
ráðherra. Þá verði nánari útfærsla
hugmynda eftir, en hugsanlega
verði nýjar aðferðir við úthlutun
aflaheimilda tilbúnar með komu
nýs fiskveiðiárs 1. septem-
ber 2011.
Óvissuþættir séu
hins vegar margir í
sjávarútvegi og ljóst
að greinin muni fá
aðlögun að nýju
kerfi.
Tvær leiðir um
leigu á afnotarétti
 Skýrsla starfshóps um fiskveiðistjórnun í lok næstu viku
Ljósmynd/Alfons
Vænn Arnar Laxdal með rígvænan þorsk á síðustu vetrarvertíð.
Vart verður lengur beðið
JÓN BJARNASON SJÁVARÚTVEGSRÁÐHERRA
Guðbjartur
Hannesson
Jón
Bjarnason
Eyrún Magnúsdóttir
eyrun@mbl.is
Hátt verðlag á ferðamannastöðum
hefur verið talsvert til umræðu í
netheimum í sumar. Á okursíðu Dr.
Gunna má finna sögur fólks af háu
verðlagi á ferðamannastöðum. Fáar
formlegar kvartanir berast þó um
verðlag til aðila eins og Neytenda-
stofu, Verðlagseftirlits ASÍ og
Neytendasamtakanna vegna slíkra
mála enda er verðlagning frjáls og
Neytendastofa hefur engar laga-
heimildir til að grípa til aðgerða
gegn ríflegri álagningu á ferða-
mannastöðum. Allir þessir aðilar
segjast þó hafa fengið einhverjar
ábendingar um hátt verðlag í sum-
ar.
Íspinni á 500 kr. í Skaftafelli
Ein ábending barst t.a.m. til
Neytendastofu í sumar um verð á
íspinnum í Skaftafelli. Íslenskum
ferðamanni blöskraði þegar hann
mátti reiða fram 1.000 krónur fyrir
tvo íspinna.
Verðlagseftirlit ASÍ gerir reglu-
lega kannanir á verðlagi en verð á
ferðamannastöðum hefur ekki verið
kannað sérstaklega nýverið. Henný
Hinz, hagfræðingur hjá ASÍ, segir
að inn á þeirra borð berist ýmsar
athugasemdir, þar á meðal um
verðlag á ferðamannastöðum.
Neytendur velji með buddunni
Hún bendir á að hugsanlega
skýringu á háu verðlagi á fjölsótt-
um ferðamannastöðum sé að finna í
lögmálinu um framboð og eftir-
spurn. „Kaupmáttur útlendinga hér
á landi er alveg ágætur þannig að
fyrir þá er þetta ekki endilega svo
hátt verðlag. Kaupmáttur okkar Ís-
lendinga hefur hins vegar rýrnað
mjög mikið og þarna birtist hann
okkur í okkar eigin landi. Á þessum
stöðum er hins vegar oft nóg af öðr-
um neytendum með betri kaupmátt
en við og seljendur sjá kannski
tækifæri í því.
Það eina sem hinn almenni neyt-
andi getur gert er að velja með
buddunni,“ segir Henný.
Greiddi 8.800 fyrir grjóna-
graut, súpu og kók í Flatey
Á afskekktum stöðum geta þær
vörur sem í boði eru verið af skorn-
um skammti og því hefur neytand-
inn lítið val. Notandi okursíðunnar
(www.okursidan.blogspot.com)
kvartar undað verðlagi á veitinga-
stað í Flatey. Þar kveðst viðkom-
andi hafa greitt samtals 8.800 krón-
ur fyrir þrjár súpur, tvo skammta
af grjónagraut fyrir börn og þrjár
kók. Súpan kostaði 1.800 og grjóna-
grautsskammturinn 950 krónur.
Annar notandi kveðst hafa greitt
1.400 krónur fyrir súpu dagsins á
hóteli í Skógum undir Eyjafjöllum
en mælti með því við lesendur síð-
unnar að þeir legðu frekar leið sína
á veitingastað Byggðasafnsins þar
sem mætti fá súpu á 900 krónur.
Þá gera nokkrir athugasemdir
við verðlag á kaffibollum á hinum
ýmsu stöðum sem ætlaðir eru
ferðamönnum og eru nefnd dæmi
um kaffibolla á allt að 750 krónur.
Kvartað undan
okri á ferða-
mannastöðum
 Meiri kaupmáttur túrista möguleg
skýring á verðlagi á ferðamannastöðum
Morgunblaðið/RAX
Út í veður og vind Ferðalög innan-
lands geta kostað skildinginn.
Dýrt að ferðast
» Verðlagning er frjáls og því
ekkert við háu verðlagi að gera
» Fyrir þúsundkall fæst einn
skammtur af grjónagraut í
Flatey og tveir íspinnar í
Skaftafelli
» Dæmi um kaffibolla á 750
krónur