Morgunblaðið - 26.08.2010, Blaðsíða 2

2 FréttirINNLENT
MORGUNBLAÐIÐ FIMMTUDAGUR 26. ÁGÚST 2010
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Helgi Bjarnason
helgi@mbl.is
„Það er óendanlega óréttlátt hvernig
þetta hefur þróast. Skatturinn kemur
eftir á, það kemur sér mjög illa,“ seg-
ir Kjartan Hrafn Kjartansson. Þau
hjónin eru krafin um skatt af sjúk-
dómatryggingu sem talin var und-
anþegin skatti.
Kona hans, María Sigurð-
ardóttir íþróttakennari, greindist
með krabbamein á síðasta ári og
missti sjö mánuði úr vinnu en þar
sem þau voru með sjúkdómatrygg-
ingu fékk hún bætur. „Það kom sér
vel vegna vinnutapsins,“ segir Kjart-
an. Tryggingafélögin töldu að bætur
vegna sjúkdómatrygginga væru
skattfrjálsar og Kjartan segir að þau
hafi fengið leiðbeiningar um það við
útborgun og farið eftir þeim þegar
þau útfylltu skattframtal sitt.
Þegar þau komu heim úr fríi í
sumar beið þeirra bréf frá skattinum
þar sem fram kom að gerðar yrðu
breytingar á framtali þeirra og bæt-
urnar látnar koma til hækkunar á
tekjuskattsstofni. Það hafði það í för
með sér að í stað þess að fá nokkur
hundruð þúsund kr. til baka frá skatt-
inum vegna vaxtabóta þurftu þau að
greiða eina og hálfa milljón.
Málaferli eru um skattskyldu
bóta af þessu tagi og beðið er dóms
Hæstaréttar. Kjartani og Maríu gefst
hins vegar ekki kostur á að bíða með
greiðslur eftir niðurstöðunni heldur
þurfa þau að greiða alla upphæðina á
fimm mánuðum. Þá reiknast bæt-
urnar heldur ekki sem tekjur hjá
Maríu við útreikning fæðingarorlofs.
Óendanlega óréttlát þróun mála
 Þurfa að greiða skatt af bótum
sem sagðar voru undanþegnar
Morgunblaðið/Árni Sæberg
Fimm manna fjölskylda Kjartan Hrafn Kjartansson og María Sigurð-
ardóttir heima hjá sér með börnin þrjú, Orra Hrafn sem er 8 ára, Kjartan
Karl tveggja mánaða og Söru Soffíu sem er 6 ára.
Íslenskum múslimum var boðið til kvöldverðar í
bandaríska sendiráðinu í gærkvöldi í tilefni ram-
adan-mánaðar. Múslimar fasta þann mánuð frá
morgni til kvölds og var sólseturs því beðið áður
en matast var. Sólin settist klukkan 21:11 og var
fastan þá rofin með döðlum og mjólk.
Kvöldmáltíðin þegar ramadan stendur yfir
nefnist „iftar“ en Barack Obama, forseti Banda-
ríkjanna, hélt slíka í Hvíta húsinu 13. ágúst.
Fastan rofin í bandaríska sendiráðinu
Morgunblaðið/Árni Sæberg
Önundur Páll Ragnarsson
onundur@mbl.is
Seinkun á flugi flugfélagsins Astraeus til og frá Bretlandi
var talsvert mikil í júnímánuði, samkvæmt nýrri skýrslu
frá flugmálastjórn þar í landi, CAA. Astraeus rekur flug-
vélarnar sem fljúga undir merki Iceland Express.
Að meðaltali varð 110 mínútna, eða næstum tveggja
klukkustunda seinkun að meðaltali á komu véla félagsins
til Gatwick-flugvallar frá Keflavík, en tæprar klukku-
stundar töf að jafnaði á brottför þaðan til Keflavíkur.
Seinkunin var hins vegar talsvert minni á Stansted-flug-
velli. Þar varð að jafnaði 37 mínútna seinkun á komu
Astraeus frá Keflavík, en um 40 mínútna seinkun á brott-
för þaðan til Keflavíkur.
Sjö til tíu mínútna seinkun hjá Icelandair
Helsti keppinautur Iceland Express, Icelandair, flýgur
hins vegar til Heathrow í Lundúnaflugi sínu. Samkvæmt
sömu skýrslu CAA var meðaltalsseinkun á komu flugvéla
Icelandair frá Keflavík til Heathrow sjö mínútur, en að
meðaltali var 10 mínútna seinkun á brottför véla Ice-
landair þaðan til Keflavíkur.
Ekki náðist í Matthías Imsland, framkvæmdastjóra
Iceland Express, við vinnslu fréttarinnar í gær.
Mikil seinkun hjá Astraeus
að meðaltali í júnímánuði
Morgunblaðið/Ómar
Í vélinni Hvimleitt getur verið að þurfa að bíða lengi í
flugvélum eða á flugvöllum, eftir brottför og komu.
 Að jafnaði 110 mínútna
seinkun á flugi til Gatwick
Skattyfirvöld hafa ekki breytt
skattlagningu bóta sjúkdóma-
trygginga. Skúli Eggert Þórð-
arson ríkisskattstjóri segir að
bæturnar séu ekki undanþegnar
skatti samkvæmt lögum. Þess
vegna séu greiðslur skattlagðar
þegar upplýsingar liggi fyrir.
Tryggingafélögin hafa talið
þessar greiðslur skattfrjálsar
og ekki talið þær fram. Skúli
Eggert bendir á að til umræðu
hafi komið að breyta lögunum
og mikilvægt að fá niðurstöðu
um málið.
Engin und-
anþága
LÖGIN ÓBREYTT
Um 100 manns mættu á íbúafund á
Veitingastofunni Brekkunni á Stöðv-
arfirði í gær til að ræða um mál sem
brenna á íbúum bæjarins, þar á með-
al fyrirhugaða lokun Landsbankans
og pósthúss.
Að sögn Alberts Geirssonar var
hljóðið þungt í fundarmönnum og
lýstu þeir yfir miklum áhyggjum
með stöðu mála. Þingmennirnir
Björn Valur Gíslason, Jónína Rós
Guðmundsdóttir og Kristján Þór
Júlíusson sóttu fundinn ásamt mest-
um hluta bæjarstjórnar Fjarða-
byggðar.
Sparað á öllum sviðum
Samþykkt var ályktun á fundinum
þar sem skorað var á bæjarstjórn og
þingmenn að taka þessi mál upp.
Enginn fulltrúi var frá Lands-
bankanum á fundinum en fulltrúi frá
Póstinum mætti og varði þá ákvörð-
un að þjónusta yrði minnkuð við íbúa
Stöðvarfjarðar enda þyrfti að spara
á öllum sviðum.
„Í raun voru fundarmenn sam-
mála um að gera ætti meiri kröfur til
ríkisvaldsins – að það sjái til þess að
þessi þjónusta sé fyrir hendi og hún
sé í verklýsingum fyrirtækjanna sem
eiga í hlut,“ sagði Albert.
Þungt hljóð
í íbúum á
Stöðvarfirði