Morgunblaðið - 26.08.2010, Blaðsíða 31

Menning 31FRÉTTIR
MORGUNBLAÐIÐ FIMMTUDAGUR 26. ÁGÚST 2010
Styrktartónleikar verða haldn-
ir í Fíladelfíu í kvöld kl. 20.00
þar sem fram koma Stefán
Hilmarsson, Guðrún Gunn-
arsdóttir, Gunnar Þórðarson,
Jóhann Helgason, Eyólfur
Kristjánsson, Edgar Smári og
Gospelkór Reykjavíkur undir
stjórn Óskars Einarssonar.
Safnað verður fyrir glænýj-
um vinnustað/kaffihúsi, Kaffi
Flóka, en ungir geðfatlaðir ein-
staklingar munu sjá um reksturinn þar sem kaffi
og léttar veitingar verða til sölu.
Markmiðið með stofnun matstofunnar er að
skapa tækifæri fyrir geðfatlaða einstaklinga til at-
vinnuþátttöku.
Tónlist
Styrktartónleikar
í Fíladelfíukirkju
Stefán
Hilmarsson
Síðustu stofutónleikar sumars-
ins á Gljúfrasteini verða næst-
komandi sunnudag þegar Ást-
ríður Alda Sigurðardóttir
píanóleikari flytur verk eftir
Chopin. Tónleikarnir hefjast
kl. 16.00.
Ástríður Alda lauk einleik-
araprófi frá Tónlistarskólanum
í Reykjavík og stundaði síðan
nám við Indiana University í
Bloomington. Ástríður hefur
sótt fjöldann allan af námskeiðum og tímum í pí-
anóleik og kammertónlist, m.a. hjá Geörgy Sebök,
Ludwig Hoffmann, Janos Starker, Jürgen Schrö-
der og Olaf Dressler. Hún hefur komið víða fram
á tónleikum, ýmist sem einleikari eða með öðrum
Tónlist
Síðustu stofutón-
leikar sumarsins
Ástríður Alda
Sigurðardóttir
Marta Jónsdóttir sýnir nú ab-
strakt málverk, sem hún vinn-
ur bæði á striga og pappír, í
Gallerí Ágúst. Sýningin nefnist
Augnlokin svigna. Marta Jóns-
dóttir nam myndlist við Mynd-
listar- og handíðaskóla Íslands
og útskrifaðist árið 1998 úr
málaradeild. Hún útskrifaðast
með MA í myndlist frá Gold-
smiths College í London árið
2000.
Marta hefur sýnt verk sín víða hér á landi, með-
al annars í Listasafninu á Akureyri og í Slunka-
ríki, en nýlega sýndi hún í Kling og Bang og í
Listasal Mosfellsbæjar. Hún hefur einnig tekið
þátt í sýningum erlendis.
Myndlist
Marta Jónsdóttir
í Gallerí Ágúst
Úr einu verka
Mörtu Jónsdóttur
Árni Matthíasson
arnim@mbl.is
Það starfsár Sinfóníuhljómsveitar Íslands sem
hefst 10. september næstkomandi verður sögulegt,
því undir lok þess flytur hljómsveitin sig um set,
kemur sér fyrir í tónlistar- og ráðstefnuhúsinu
Hörpu og er þá loks komin með fast aðsetur í húsi
sem sérstaklega var byggt til tónlistarflutnings.
Sitthvað fleira setur svip sinn á starfsemi Sinfóní-
unnar í vetur, það helst að nýr aðalhljómsveit-
arstóri verður kynntur. Annars munu óvenjumarg-
ir gestastjórnendur munda tónsprotann í vetur í
tónleikadagskrá sem er einkar metnaðarfull; tvær
Mahler-sinfóníur verða fluttar, Porgy & Bess eftir
Gershwin, Rómeó og Júlía eftir Prokofíev, Svo
mælti Zaraþústra eftir Richard Strauss og stór
hljómsveitarverk eftir Beethoven, Bruckner og
Sjostakovitsj.
Árni Heimir Ingólfsson, tónlistarstjóri Sinfóní-
unnar, tekur undir það að tímamót séu framundan
þegar Sinfónían flytur í Hörpu næsta vor og segir
að þess sjái líka stað í prógrammi vetrarins. „Við
erum að búa okkur undir flutninginn og ætlum að
opna nýja húsið í feykigóðu formi.“
Aðspurður hvað helst einkenni næsta starfsár
hljómsveitarinnar segir Árni Heimir að hljómsveit-
arstjóraval sé óvenjugott að þessu sinni, sem sýni í
hversu miklum metum hljómsveitin sé á alþjóð-
legum vettvangi. „Við fáum í vetur hljómsveit-
arstjóra af feikilega háu kalíberi, stjörnur eins og
Osmo Vanska fyrrum aðalstjórnanda Sinfóníunnar,
sem hefur ekki stjórnað hér í sex ár, Gennadíj Ros-
destvenskíj, sem er goðsögn í lifanda lífi, Louis
Langrée aðalstjórnanda Mostly Mozart-hátíð-
arinnar og fleiri hljómsveitarstjóra sem eru á
toppnum á sínum ferli.
Erlendir einleikarar eru einnig í fremstu röð og
þar má helst nefna Isabelle Faust sem er stað-
arlistamaður okkar og kemur tvisvar til landsins,
og Kirill Gerstein sem hlaut hin virtu Gilmore-
píanóverðlaun fyrr á árinu. Við erum líka mjög stolt
af því að geta haldið áfram að vera vettvangur fyrir
íslenska einleikara í fremstu röð, enda er mikilvægt
fyrir þá að fá þessa reynslu,“ segir Árni Heimir og
nefnir sem dæmi að þau Víkingur Heiðar Ólafsson,
Ari Þór Vilhjálmsson, Gréta Guðnadóttir, Helga
Þóra Björgvinsdóttir og Rúnar Óskarsson muni
leika með hljómsveitinni í vetur.
Flutningurinn í Hörpu hefst eftir áramót og
Árni Heimir segir að skrifstofur verði fluttar í
mars og þá muni hljómsveitin líka flytja æfingar
sínar í Hörpu til að hljóðhönnuðir hússins geti
stillt salinn fyrir hljómsveitina. „Salurinn í
Háskólabíói hefur staðið sig vel og var
stundum talaður niður meira en hann átti
skilið, en við erum samt óskaplega fegin
að komast í sal sem er hannaður fyrir
tónlist, þetta á eftir að breyta svo
mörgu í íslensku tónlistarlífi. Síðasta
ár var að mörgu leyti ákaflega gott
fyrir Sinfóníuna, við fengum af-
skaplega góðar undirtektir og áskrift-
arsala jókst um 40% milli ára. Við finn-
um fyrir miklum meðbyr í þjóðfélaginu
og von okkar er sú að næsta starfsár takist
enn betur. Það verður alltaf að vera vöxtur,
framþróun, við verðum að sýna að við gerum
betur í dag en í gær og treystum því að það tak-
ist með metnaðarfullu verkefnavali og þeim frá-
bæru listamönnum sem við fáum til að vinna með
okkur.“
Morgunblaðið/Golli
Metnaður Sinfóníuhljómsveit Íslands kveður brátt Háskólabíó þar sem hljómsveitin hefur verið með aðsetur undanfarna ártugi. Hún hélt upp á sextíu ára
afmæli sitt á fjölsóttum hátíðartónleikum í bíóinu sl. vetur og þá voru yfir 130 manns á sviðinu þegar önnur sinfónía Gustavs Mahlers var flutt.
Verðum að sýna að við
gerum betur í dag en í gær
 Stór hljómsveitarverk og frægir gestastjórnendur á nýju starfsári Sinfóníunnar
Menningarhúsið Hof á Akureyri
verður opnað með viðhöfn um næstu
helgi. Meðal viðburða þar eru hátíð-
artónleikar Sinfóníuhljómsveitar
Norðurlands á sunnudag. Uppselt er
á tónleikana, en á þeim verður frum-
fluttur hátíðarforleikurinn Hymnos
eftir Hafliða Hallgrímsson tónskáld
sem samið var sérstaklega í tilefni
opnunarinnar. Þess má geta að Haf-
liði er fæddur á Akureyri og hóf þar
sitt tónlistarnám, en hann hefur búið
í Skotlandi undanfarna áratugi.
Víkingur Heiðar Ólafsson leikur
síðan einleik í píanókonsert eftir
Edvard Grieg og að lokum verður
flutt sinfónía nr. 9, „Frá Nýja heim-
inum“, eftir Dvorák. Víkingur lauk
námi frá Juilliard-skólanum í New
York vorið 2008 og hefur síðan feng-
ist við margvísleg verkefni í tónlist,
ferðast sem einleikari og kammer-
músíkant, umritað íslensk sönglög
fyrir einleikspíanó, haldið meist-
aranámskeið og komið víða fram.
Meðal hljómsveita sem Víkingur
hefur leikið einleik með eru Sinfón-
íuhljómsveit Íslands, Sinfóníu-
hljómsveit Juilliard-skólans og Fíl-
harmóníusveitin í Turku.
Hátíðartónleikarnir marka upp-
haf 18. starfsárs hljómsveitarinnar
og eru í senn tímamót í sögu hennar
þar sem hún fær fastan samastað í
Hofi og spilar í fyrsta sinn í húsi sem
hannað er fyrir tónlistarflutning.
Stjórnandi á tónleikunum er Guð-
mundur Óli Gunnarsson.
Uppselt á
hátíðar-
tónleika
Tímamót í Hofi næst-
komandi sunnudag
Hátíð Víkingur Heiðar Ólafsson.
„Þú lést mig líta
heimskulega út.“
„Nei,“ svaraði Lurie. „Guð sá
til þess.“34
»
Mikil spenna er
vestan hafs fyrir
nýrri skáldsögu
Jonathans Fran-
zens, Freedom,
sem kemur út á
þriðjudag. Bæði
er að gagnrýn-
endur hafa
keppst við að lofa
bókina og svo
hafa ýmsir amast
við því að svo mikið sé gert úr bók
sem ekki er komin út. Svo mikil er
spennan fyrir bókinni að Franzen
komst á forsíðu Time, og er aðeins sá
tólfti sem fær þann sess síðustu sjö-
tíu ár. Níu ár eru frá síðustu skáld-
sögu Franzens (The Corrections).
Óþreyja eftir
nýrri bók
Franzens
Jonathan
Franzen
Meðal verkefna vetrarins eru tónleikar í nóv-
ember með Páli Óskari Hjálmtýssyni. Árni
Heimir segir að þeir undirstriki það að
hljómsveitin sé þjóðarhljómsveit. „Við
sinnum ólíkum hópum með glöðu geði og
auk þess að bjóða upp á tónleikana með
Páli Óskari verða líka flutt lykilverk 20.
aldar sem við vitum að ungt fólk
vill heyra, verk eftir Penderecki,
Ligeti og Steve Reich.
Það er gaman að geta sinnt
þessum fjölbreytta hópi og
ýta undir meiri áhuga popp-
áhugamanna á klassískri
tónlist og meiri áhuga á
popptónlist hjá þeim sem
hlusta á klassík. Ef það tekst
þá lítum við svo á að við höf-
um uppfyllt eitt af hlutverkum
okkar. Tilgangurinn með því að
reka sinfóníuhljómsveit er að gefa
landsmönnum tækifæri til að upp-
lifa eitthvað sem er sterkt og
áhrifamikið, að opna fólki nýja sýn
gegnum listina og víkka huga þess.“
Páll Óskar og
lykilverk 20. aldar
SINFÓNÍAN ER ÞJÓÐARHLJÓMSVEIT
Páll Óskar
Hjálmtýsson