Morgunblaðið - 16.09.2010, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 16. SEPTEMBER 2010
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Baldur Arnarson
baldura@mbl.is
„Þetta eru gögn sem eru opin þeim
sem áhuga hafa. Hvað kemur út úr
því veit maður ekki. Við útilokum
ekkert á þessari stundu,“ segir Óm-
ar Valdimarsson, framkvæmdastjóri
Samkaupa, aðspurður hvort fyrir-
tækið hafi áhuga á að kaupa 10-11
verslanakeðjuna út úr Högum.
Arion banki tók yfir 1998 ehf.,
móðurfélag Haga, sem á og rekur
10-11 verslanirnar, og hefur nú tek-
ið ákvörðun um að kljúfa reksturinn
frá Hagkaupum og Bónus.
Ómar ítrekar að of snemmt sé að
fullyrða nokkuð um hvort kaupin
verði íhuguð frekar en ljóst er að
með þeim myndi hlutdeild Sam-
kaupa á markaðnum aukast úr um
15% í 19%, sé stuðst við nýlegar töl-
ur Samkeppniseftirlitsins.Sam-
kvæmt þeim var hlutur Haga 55%
árið 2008, hlutur Kaupáss 19%,
Samkaupa 15% og annarra aðila
11%. Næðu Samkaup því jafnstöðu
við Kaupás með fyrirvara um
breytta markaðshlutdeild síðan.
Spurður hvort Kaupás, sem á og
rekur Nóatún, Krónuna og 11-11
keðjuna, hafi áhuga á 10-11 keðj-
unni svarar Eysteinn Helgason,
framkvæmdastjóri fyrirtækisins,
því til að hann tjái sig ekki að svo
stöddu.
Samkaup skoða kaup á
10-11 verslanakeðjunni
Morgunblaðið/Ómar
Fyllt í hillur Frá versluninni Sam-
kaupum strax í Búðakór í Kópavogi.
 Myndu ná jafn-
stöðu við Kaupás
Samvinna
» Samkaup eru upprunnin í
verslunum kaupfélaganna.
» Stærstu eigendur eru Kaup-
félag Suðurnesja og Kaupfélag
Borgfirðinga.
» Undir Samkaup heyra Sam-
kaup úrval, Samkaup strax,
Nettó, Kaskó, Hyrnan, Kram-
búðin og Hólmgarður.
Kristján Jónsson
kjon@mbl.is
Mun fleiri hafa nú skráð sig á námskeið í fimleikum á
haustönn hjá íþróttafélögum á höfuðborgarsvæðinu en í
fyrra og margir á biðlista hjá sumum þeirra. Talsmenn
fimleikadeildanna eru að sjálfsögðu harðánægðir með
þessa þróun sem sumir álíta að megi að hluta til rekja til
vinsælla sjónvarpsþátta á RÚV um fimleikafólk, Make it or
Break it.
„Það er gaman að heyra að fólk sé að leggja áherslu á
börnin sín,“ segir Vilborg Ævarsdóttir, formaður fim-
leikadeildar Ármanns, en þar hefur fjölgað um 280 nem-
endur. „Ég held að fólk sé kannski farið að spara við sig
ýmsa dýrari hluti eins og utanlandsferðir en leyfa sér þá
frekar eitthvað hérna heima, leyfa börnunum að stunda
það sem þau vilja.
Barn sem æfir tvisvar í viku borgar 26 þúsund krónur
fyrir önnina fram að áramótum. Þau sem æfa mest,
kannski 16-20 sinnum vikulega, borga 54 þúsund. En
við rukkum ekki fyrir meira en 14 tíma þó að þau æfi
meira.
Á laugardögum erum við með krílahópa fyrir yngstu
krakkana, þriggja ára til fimm ára, þetta eru alls um 200
börn. Svo er mikil ásókn í tíma fyrir 5-7 ára börn sem eru
tvisvar í viku. Síðan eru hjá okkur eldri nemendur alveg
upp í tvítugt. Við vorum með alls um 700 nemendur í fyrra
en nú nálgast þetta þúsund.“
Stjarnan í Garðabæ tók í notkun nýtt og glæsilegt
fimleikahús um sl. áramót og segir Sigrún Dan Róberts-
dóttir, formaður fimleikadeildar, það vafalaust hafa ýtt
undir áhugann í bænum. Vafalaust hafi sjónvarpsþættirnir
líka haft áhrif, allt áhugafólk um fimleika hafi horft á þá.
Verðið á æfingatímunum er mjög svipað og hjá Ármanni.
„Við vorum með um 350 nemendur á vorönn í fyrra en
nú erum við búin að skrá yfir 530 á haustönn,“ segir Sig-
rún. „Við erum að reyna að taka inn fleiri krakka og búa til
nýja hópa. Þau yngstu eru þriggja ára og reyndar erum við
með einn fullorðinshóp líka en flestir nemendur eru á aldr-
inum þriggja til 13 eða 14 ára.
Byrjendurnir eru einu sinni í viku en þegar þeir eru
orðnir fimm ára fá þeir tvo tíma í viku. Síðan fer þetta svo-
lítið eftir getu en eykst yfirleitt hægt og rólega.“
Mun fleiri börn vilja
æfa fimleika en í fyrra
 Um 280 fleiri skráningar á haustönn hjá Ármanni
 Einnig mikil aukning hjá fimleikadeild Stjörnunnar
Morgunblaðið/Kristinn
Fimleikaæfing Margt var um manninn á fimleikaæfingu hjá Ármanni í gærkvöldi og alvaran mikil.
Hjá fimleikadeild Ármanns í Reykjavík
er aukningin um 280 nemendur á haust-
önn miðað við sl. ár og verða þar alls
um þúsund nemendur. En ávallt má
samt gera ráð fyrir að einhverjir
hætti við og því ekki öll von úti fyr-
ir þá sem eru á biðlista. Hjá
Stjörnunni í Garðabæ eru ekki
biðlistar, a.m.k. ekki ennþá.
Hundruð bætast við
hjá stóru félögunum
FIMLEIKAÁHUGINN
Agnes Bragadóttir
agnes@mbl.is
Þingflokksfundi Samfylkingarinnar
með Ingibjörgu Sólrúnu Gísladóttur,
fyrrverandi formanni flokksins, sem
halda átti í gærkvöldi var frestað.
Til stendur að fara yfir á því sem
Samfylkingin nefnir óformlegan
þingflokksfund og ræða þingsálykt-
unartillögu tveggja þingmanna Sam-
fylkingarinnar í þingmannanefnd-
inni um málshöfðun gegn þremur
fyrrverandi ráðherrum, þar á meðal
Ingibjörgu Sólrúnu Gísladóttur,
fyrrverandi utanríkisráðherra.
Samkvæmt upplýsingum Morgun-
blaðsins bárust þeim Björgvini G.
Sigurðssyni, fyrrverandi viðskipta-
ráðherra, og Ingibjörgu Sólrúnu boð
frá Þórunni Sveinbjarnardóttur, for-
manni þingflokks Samfylkingarinn-
ar, sl. sunnudag, um að koma til
þingflokksfundar og ræða málin við
þingmenn flokksins, heyra þeirra
sjónarmið og gera grein fyrir eigin
sjónarmiðum.
Björgvin mun fljótlega hafa af-
þakkað boðið, enda gerir þingsálykt-
unartillaga fulltrúa Samfylkingar-
innar ekki ráð fyrir því að hann verði
ákærður.
Ingibjörg Sólrún mun á hinn bóg-
inn hafa ákveðið að þekkjast boðið,
eftir að hafa hugleitt það um hríð.
Samkvæmt upplýsingum Morgun-
blaðsins stóð til að þingflokkur Sam-
fylkingarinnar fundaði í gær með
þeim lögmönnum sem unnu með
þingmannanefndinni og að í kjölfar
þess fundar yrði síðan óformlegur
þingflokksfundur með Ingibjörgu
Sólrúnu. Ekki náðist að halda fund-
inn með lögmönnunum í gær og mun
hann ráðgerður fyrir hádegi í dag.
Fundi með
Ingibjörgu
Sólrúnu var
frestað
Formenn Ingibjörg Sólrún Gísla-
dóttir og Jóhanna Sigurðardóttir,
fyrrverandi og núverandi formaður
Samfylkingarinnar.
Ásakanir hafa komið fram í Hol-
landi á hendur Johannes Gijsen,
fyrrverandi biskupi kaþólskra á Ís-
landi, um að hann hafi sýnt piltum
kynferðislega áreitni fyrir nokkr-
um áratugum. Hollenskir fjölmiðlar
fjölluðu um málið í gær en Gijsen
vísar þessum ásökunum á bug.
Fram kemur í blaðinu The Te-
legraaf að biskupsdæmið í Roer-
mond, þar sem Gijsen þjónaði í tvo
áratugi áður en hann kom til Ís-
lands, hafi vitað um kvartanir
vegna hans. Gijsen varð biskup
kaþólskra hér á landi árið 1996 og
gegndi því embætti í nærri 12 ár,
eða til 2008. Hann er 78 ára að
aldri.
Að minnsta kosti tveir karlmenn
hafa lagt fram kærur vegna Gijsen.
Fram kemur í blaðinu NRC Hand-
elsblad að 63 ára karlmaður hafi
kært kynferðislega áreitni sem
hann hafi sætt í skóla í Rolduc á ár-
unum 1959-1961. Hafi annar prest-
ur nauðgað sér þrívegis og einnig
hafi Gijsen sýnt honum og fleiri
drengjum kynferðislega áreitni.
Fyrrverandi biskup
kaþólskra kærður
fyrir kynferðisbrot
Samkomulag hefur náðst um að
þriðja endurskoðun efnahagsáætl-
unar Íslands verði tekin fyrir í
framkvæmdastjórn Alþjóðagjald-
eyrissjóðsins 29. september næst-
komandi.
Íslensk stjórnvöld hafa sent
sjóðnum endurnýjaða viljayfirlýs-
ingu í samræmi við reglur sjóðsins.
Á vef efnahags- og viðskipta-
ráðuneytisins segir, að þriðja end-
urskoðun efnahagsáætlunarinnar
sé mikilvægur áfangi í endurreisn
íslenska hagkerfisins.
Þriðja endurskoðun
í lok september
Maðurinn sem úrskurðaður var í
gæsluvarðhald til föstudags grun-
aður um skemmdarverk og lífláts-
hótanir í garð feðga af kúbverskum
uppruna, var látinn laus úr haldi í
gærkvöldi.
Lögreglan lítur svo á að hót-
anirnar sem feðgarnir urðu fyrir
séu ofsóknir vegna kynþátta-
fordóma. Þeir fóru úr landi á mánu-
dag þar sem þeir óttuðust um ör-
yggi sitt.
Hákon Sigurjónsson lögreglu-
fulltrúi sagði í gær að ágætlega
gengi að upplýsa málið.
Laus úr haldi
lögreglunnar