Morgunblaðið - 07.10.2010, Page 16
BAKSVIÐ
Ágúst Ingi Jónsson
aij@mbl.is
Á heimasíðu Óss í Vestmannaeyjum
er talið niður þangað til ný Þórunn
Sveinsdóttir VE verður afhent eig-
endum. 45 dagar stóð þar í gær, en nú
er reiknað með að Sigurjón Ósk-
arsson útgerðarmaður og hans fólk
fái þetta glæsilega togskip 20. nóv-
ember næstkomandi. Á ýmsu hefur
gengið frá því að samningar um skip-
ið voru undirritaðir á miðju ári 2007
og ekki víst að útgerðin hefði ráðist í
nýsmíðina hefðu ráðamenn þar vitað
hvað var framundan.
Ekki aðeins beið útgerðarinnar
glíma eftir hrun banka og íslensku
krónunnar. Erfiðleikar steðjuðu líka
að í Póllandi þar sem skrokkur skips-
ins var smíðaður, en nú sér fyrir end-
ann á þessari byggingasögu. „Já
þetta nálgast, hún kemur örugglega
fyrir jól. Ætli þetta verði ekki stærsti
jólapakkinn að þessu sinni,“ segir
Sigurjón Óskarsson. Skipið átti upp-
haflega að afhendast 20. september í
fyrra og seinkar afhendingunni því
um 14 mánuði.
Ný Þórunn Sveinsdóttir er 39,5
metra löng og 11,2 metrar á breidd,
hið fullkomnasta skip á allan hátt og
meðal annars búið þremur öflugum
spilum. Gamla Þórunn var seld Ís-
félaginu í Vestmannaeyjum í apríl
2007 og heitir nú Suðurey.
Nokkrum sinnum staðið tæpt
„Þetta hefur nokkrum sinnum
staðið tæpt,“ segir Sigurjón. „Við
gerðum samning við Karstensen
Shipyard A/S í Skagen í Danmörku
árið 2007 um smíði skipsins. Danirnir
hafa þann háttinn á að þeir smíða yf-
irleitt ekki skrokkana og var skrokk-
ur Þórunnar smíðaður í Póllandi og
síðan dreginn til Skagen. Í Póllandi
fóru tvær skipasmíðastöðvar svo gott
sem á hausinn og í um fimm mánuði
sást ekki kjaftur við vinnu um borð í
skipinu. Á endanum tókst að koma
samningnum yfir á móðurfélag
stöðvarinnar sem kláraði verkið.
Þegar íslensku bankarnir hrundu
varð ákveðið uppnám í fjármögnun
þessa verkefnis og ég stoppaði vinnu
við smíðina í tvo mánuði meðan geng-
ið var frá nýjum samningum við Ís-
landsbanka. Frá því að skipið kom
til Danmerkur hafa tímasetningar
staðist og samskiptin verið góð.
Núna er Kastersen með sex ný-
smíðar í farvatninu, flest upp-
sjávarskip fyrir Íra, Skota og
Norðmenn.“
Sigurjón vill ekki greina frá verði
nýja skipsins, en gera má ráð fyrir að
það sé á annan milljarð króna. „Þetta
er hjá mér eins og öðrum, allar upp-
hæðir hafa tvöfaldast á síðustu þrem-
ur árum,“ segir Sigurjón. „Útgerðin
hefur keypt skip á um 20 ára fresti,
en ætli það verði ekki 30 ár í næstu
endurnýjun, ef það verður þá ekki
búið að taka þetta allt af manni, en
þeir hljóta þá að taka skuldirnar
líka.“
Hörmung hvað kvótar
hafa skroppið saman
Ós á um 2.500 þorskígildistonn,
sem bíða nýja skipsins. Sigurjón seg-
ir hörmung hversu mikið kvótar hafi
skroppið saman og nefnir sem dæmi
að útgerðin hafi mest átt um 1600
tonn af ýsu, en ýsukvótinn sé núna
770 tonn. Ufsakvótinn hafi verið 11-
1200 tonn í hittifyrra, en sé núna 840
tonn. Þorskkvótinn hafi verið yfir
þúsund tonn, en sé núna 830 tonn.
„Við hefðum sennilega ekki farið út
í þessa endurnýjun hefðum við séð
þróun mála fyrir,“ segir Sigurjón.
„Gengið og kvótinn hafa ruglað alla
útreikninga og svo er þessi ótrúlega
umræða um fyrningu í gangi. Hverj-
um dettur í hug að hægt sé að koma
eftir á og hirða hluti af venjulegu fólki
sem það hefur keypt fyrir tugi eða
hundruð milljóna? Ég held það myndi
heyrast hærra í því heldur en útgerð-
armönnum, sem hafa keypt sér nýt-
ingarrétt á auðlindinni. Hvernig á að
vera hægt að gera áætlanir við þessar
aðstæður og standa í fjárfestingum?“
spyr Sigurjón að lokum.
Allar áætlanir erfiðar
Lagt á ráðin Það er margt spjallað á kaffistofunni og fiskveiðar og fótbolti eru örugglega ofarlega á baugi. Frá vinstri: Sölvi Harðarson, Matthías Sveins-
son, vélstjóri og frændi Sigurjóns sem hefur verið hjá útgerðinni í tugi ára, Sigurjón Óskarsson og Guðmundur Guðlaugsson.
45 dagar Eftir fjórtán mánaða töf nálgast afhendingardagur þessa nýja og öfluga togskips óðfluga. Áður en að
honum kemur fær Þórunn Sveinsdóttir VE liti útgerðarinnar og verður máluð frá botni í brú.
16 FRÉTTIRInnlent
MORGUNBLAÐIÐ FIMMTUDAGUR 7. OKTÓBER 2010
ÁTVR hefur ákveðið að loka vín-
búðinni við Garðatorg í Garðabæ
frá og með 1. janúar 2011. ÁTVR
segir að staðsetning og stærð hús-
næðisins henti illa fyrir verslun af
þessu tagi og á síðustu misserum
hafi mikið af verslun flust af svæð-
inu. Sala í vínbúðinni í Garðabæ
hafi dregist hægt og rólega aftur úr
almennri þróun sölu og magnsala
vínbúðarinnar í Garðabæ sé um 40-
50% minni en meðalsala vínbúða
með svipað umfang og afgreiðslu-
tíma.
„Í framhaldi af lokun Vínbúð-
arinnar í Garðabæ verður hugað að
framtíðarskipulagi vínbúða á þessu
svæði með það að markmiði að
staðsetning og aðkoma verði sem
best fyrir viðskiptavini,“ segir í
frétt á heimasíðu ÁTVR.
Viðskiptavinum er bent á vínbúð-
ir á Dalvegi og í Smáralind í Kópa-
vogi og Firði í Hafnarfirði.
Morgunblaðið/Heiddi
Vínbúð ÁTVR í
Garðabæ lokað
Í dag, fimmtudag, og á morgun,
föstudag, verður flutningasýningin
„Flutningar 2010“ haldin á Grand
hóteli Reykjavík. Sýningin verður
opin kl. 12-16 báða dagana. Á sýn-
ingunni kynna fyrirtæki á
flutningasviði allt það nýjasta á
sviði sjó-, land- og loftflutninga og
auk þess m.a. vörustjórnun og lag-
erhald.
Á sýningunni verður líka fyr-
irlestradagskrá þar sem rætt verð-
ur um þróun flutninga til og frá Ís-
landi, hvaða áhrif magnbreytingar
hafa á flutningamarkaðinn, kynn-
ing á tolla- og flutningakerfi og
gagnaöryggi og skoðuð flotastýr-
ing og eftirlit, rekjanleiki og
gagnsæi svo eitthvað sé nefnt.
Frítt er inn á sýninguna og fyr-
irlestrana.
Flutningasýning
á Grand hóteli
Forvarna- og fræðslusjóðurinn ÞÚ
GETUR! gengst fyrir styrktartón-
leikum í Vídalínskirkju í Garðabæ í
kvöld og hefjast þeir klukkan 20.00.
Frú Vigdís Finnbogadóttir, fyrr-
verandi forseti Íslands, verður
heiðursgestur tónleikanna og er
verndari þeirra. Allt tónlistarfólkið
gefur vinnuframlag sitt á tónleik-
unum, sem Ragnheiður Guðfinna
Guðnadóttir, verkefnisstjóri sjóðs-
ins, skipuleggur. Miðar á tón-
leikana eru til sölu í verslunum
Lyfju og í Vídalínskirkju.
Styrktartónleikar
Á laugardag nk.
kl. 11-14.30 ætlar
körfuknattleiks-
deild ÍR að halda
stórhátíð í
íþróttahúsi Selja-
skóla, þar sem
öllum Breiðhylt-
ingum, börnum
og fullorðnum er
boðið að koma og
kynna sér starfsemi deildarinnar.
Boðið verður upp á körfubolta-
þrautir, troðslukeppni og skot-
keppni. Gestir geta fylgst með æf-
ingu meistaraflokks félagsins, Ingó
veðurguð kemur fram og margt
fleira. Hægt verður að kaupa mat
og drykki á vægu verði. Þá er öllum
börnum boðið á æfingar hjá körfu-
boltadeildinni til 24. október nk.
Stórhátíð körfu-
knattleiksdeildar ÍR
Ingó veðurguð.
STUTT
Sigurjón byrjaði ungur til sjós með föður sínum, Óskari Matthíassyni, á
Leó VE 400 sem háseti, vélstjóri og stýrimaður og varð skipstjóri á
Leó sumarið 1967. Árið 1971 lét Óskar smíða Þórunni Sveinsdóttir VE
401 í Stálvík í Garðabæ og var með hana fyrstu vertíðina, en eftir það
tók Sigurjón við. Nafnið sótti Óskar til móður sinnar, Þórunnar Sveins-
dóttur, og nú er þriðja Þórunnin að koma, föðuramma Sigurjóns.
Sigurjón varð aflakóngur Eyjanna sem skipstjóri ellefu sinnum á 19
árum. Sem skipstjóri bjargaði Sigurjón áhöfn þriggja skipa úr sjáv-
arháska. Hann var 2-3 ár með Þórunni númer tvö sem kom árið 1991,
en síðan hefur hann stjórnað útgerðinni.
Guðmundur Guðlaugsson verður með nýja skipið, en hon-
um til trausts og halds verða Gylfi og Viðar synir Sig-
urjóns og konu hans Sigurlaugar Alfreðsdóttur. Þriðja
barn þeirra er Þóra Hrönn og starfar hún á skrif-
stofunni hjá þessu fjölskyldufyrirtæki í Eyjum.
„Við höfum alltaf haft mjög gott fólk með okkur,
það er gæfa þessa fyrirtækis,“ segir Sigurjón.
Einn þessara samherja Sigurjóns er Matthías
Sveinsson, sem byrjaði á sjó með Sigurjóni á
Leó VE árið 1966. Hann heldur úti heimasíðu
Óss, sem reyndar hefur allt yfirbragð þess
ágæta fótboltafélags Manchester United.
Daglega eru færðar fréttir inn á síðuna
um framvindu smíðanna. „Þetta er víst
samskiptamátinn,“ segir Sigurjón.
„Þegar pabbi var að láta smíða
skip árið 1959 kom bréf heim á
þriggja mánaða fresti, en nú vilja
menn fréttir daglega.“
Nafn ömmu á nýja skipinu
AFLAKÓNGUR Í FJÖLDA ÁRA
Ungur maður á uppleið
Sigurjón Óskarsson var í
fjölda ára aflakóngur.
Ný Þórunn Sveinsdóttir til Vestmannaeyja fyrir jól, 14 mánuðum á eftir áætlun
„Sennilega ekki farið út í þessa endurnýjun hefðum við séð þróun mála fyrir“