Morgunblaðið - 16.11.2010, Side 18

Veður reyk í Speglinum
Umfjöllun Sigrúnar
Davíðsdóttur í Spegli
RÚV þann 9. nóvember
sl. var full af alhæf-
ingum og rangfærslum
varðandi meinta hags-
muni lífeyrissjóðanna í
landinu þegar hún
sagði frá umdeildum
viðskiptum íslenskra
banka og nafngreindra
eignarhaldsfélaga.
Lýsingin á samskiptum um-
ræddra banka og fyrirtækja er ekki
falleg, ef rétt reynist. Ég hef enga
skoðun á þeim og þekki málavexti
ekki.
Það sem ég er ósáttur við í umfjöll-
un Sigrúnar er að hún reynir í gegn-
um allan pistilinn að gera íslenska
lífeyrissjóði tortryggilega vegna
þessara viðskipta sem voru þeim
með öllu óviðkomandi. Auk þess
dregur hún rangar ályktanir og væn-
ir lífeyrissjóðina um að hafa ekki að-
hafst varðandi rannsóknir eða hags-
munagæslu vegna þeirra atburða
sem urðu hér á landi árið 2008.
Ólíðandi vinnu-
brögð
Ljóst er að Sigrún
Davíðsdóttir hefur ekki
haft fyrir því að kynna
sér hvað lífeyrissjóð-
irnir hafa aðhafst á
þessu sviði og hún leyf-
ir sér að fullyrða út í
loftið og gerast dómari
og refsinorn í frétta-
þætti útvarpsins á
grundvelli fullyrðinga
sem eru rangar. Vinnu-
brögð af þessu tagi eru ólíðandi og
því verður ekki tekið þegjandi að
svona sé unnið hjá Ríkisútvarpinu
sem okkur öllum er gert að greiða
fyrir rekstur á.
Ein af röngum ályktunum Sigrún-
ar Davíðsdóttur birtist svona orðrétt
í lok umfjöllunar hennar:
„Lífeyrissjóðirnir hafa komið sér
saman um framtakssjóð til fjárfest-
inga. En af hverju hafa þeir ekki kom-
ið sér saman um öflugt rannsóknar-
teymi til að gaumgæfa fjárfestingar
sjóðanna, spyrja gagnrýninna spurn-
inga í stað þess að taka nauðasamn-
ingum og hugsanlega til að endur-
heimta fé í málssóknum gegn þeim
sem ollu þeim ómældu tapi?“
Rannsókn í gangi
Ef Sigrún hefði haft fyrir því að
afla upplýsinga og staðreynda um
málið sem hún var með í vinnslu,
hefði hún komist að eftirfarandi:
1. Landssamtök lífeyrissjóða létu
taka saman skýrslu um þann lærdóm
sem lífeyrissjóðirnir geta dregið af
hruninu og aðdraganda þess. Sú
skýrsla var kynnt og gerð opinber
vorið 2010.
2. Lífeyrissjóðirnir fólu sáttasemj-
ara ríkisins að velja 3 hæfa, óháða og
sérhæfða aðila til að framkvæma
rannsókn á fjárfestingarstefnu líf-
eyrissjóðanna undanfarin ár og sam-
skiptum við fjármálastofnanir í að-
draganda hrunsins. Þessi
rannsóknarnefnd er starfandi undir
formennsku Hrafns Bragasonar,
fyrrverandi hæstaréttardómara.
Hún skilar vonandi niðurstöðu
snemma á nýju ári. Tilkynnt var um
skipan þessarar nefndar fyrir mörg-
um mánuðum og hefur tilvist hennar
ekki farið leynt.
3. Nokkrir af þeim lífeyrissjóðum
sem voru með gjaldeyrisvarnar-
samninga við stóru bankana hafa í
samstarfi við Landssamtök lífeyris-
sjóða ráðið hóp reyndra lögmanna til
að meta réttarstöðu lífeyrissjóðanna
vegna meintrar markaðsmisnotk-
unar. Lífeyrissjóðirnir gerðu slíka
samninga á fullkomlega faglegum
grundvelli til að draga úr áhættu og
til að læsa inni fengna ávöxtun. Hjá
lífeyrissjóðunum voru menn í góðri
trú og gátu með engu móti séð fyrir
að áhrifaaðilar tækju stöðu gegn ís-
lensku krónunni, eins og haldið hefur
verið fram, sem leiddi til gengis-
fellingar. Lífeyrissjóðirnir munu að
sjálfsögðu gæta hagsmuna sinna og
sækja að þeim sem kunna að hafa
brotið gegn sjóðunum.
Eins og sjá má af framangreindu
þarf Sigrún Davíðsdóttir, eða aðrir
sem fjalla um málefni lífeyrissjóð-
anna á misyfirvegaðan hátt, ekki að
hafa áhyggjur af því að menn séu
ekki að „koma sér saman um“ nauð-
synlegar rannsóknir eða lögfræði-
lega hagsmunagæslu þar sem við á.
Þetta hefur þegar verið gert og auð-
velt hefði verið að fá það staðfest ef
vandað hefði verið til verka við gerð
umrædds pistils í Speglinum.
Ástæða væri til að víkja að fleiri
atriðum í pistli Sigrúnar en ég læt
það vera að sinni. Sumt af því eru
augljósar dylgjur og órökstuddir
sleggjudómar og annað illskiljanlegt.
Ég hvet Sigrúnu Davíðsdóttur hins
vegar til að hafa samband við fram-
kvæmdastjóra Landssamtaka lífeyr-
issjóða eða einstakra lífeyrissjóða
áður en hún leggur aftur út á þá
braut að fjalla um málefni íslenskra
lífeyrissjóða. Með því gæti hún losað
sig við villur og rangfærslur sem eru
reyndum fjölmiðlamanni ekki til
sóma en í umræddum Spegilsþætti
sýndi Sigrún Davíðsdóttir yfirgrips-
mikla vanþekkingu á umfjöllunar-
efninu.
Eftir Helga
Magnússon » Ljóst er að Sigrún
Davíðsdóttir hefur
ekki haft fyrir því að
kynna sér hvað lífeyris-
sjóðirnir hafa aðhafst á
þessu sviði …
Helgi Magnússon
Höfundur er formaður stjórnar Líf-
eyrissjóðs verslunarmanna.
18 UMRÆÐAN
MORGUNBLAÐIÐ ÞRIÐJUDAGUR 16. NÓVEMBER 2010
Mæðrastyrksnefnd
Reykjavíkur
Þeir sem vilja leggja nefndinni lið vinsamlega
hafið samband á skrifstofutíma í síma 551 4349
eða á netfangið maedur@simnet.is.
Einnig er hægt að leggja framlög inn á reikning
nr. 0101-26-35021, kt. 470269-1119.
Það er merkilegt hvað við mann-
fólkið erum ófullkomin, og auð-
plötuð. Það er greinilegt að við er-
um ekki komin
langt á þroska-
brautinni. Við
föllum fyrir alls
konar vitleysu,
og látum hina
margvíslegustu
hluti taka af
okkur völdin.
Fólk fellur fyrir
brennivíni, vímu-
efnum af ýmsum
toga og jafnvel látum við óvandaða
stjórnmálamenn teyma okkur á
asnaeyrunum. Það er dagljóst að
þeir stjórnmálaflokkar sem sitja á
alþingi eru ekki að vinna að hags-
munum fólksins. Við erum svo
óþroskuð að við látum foringja
þessara flokka leiða okkur út í
kviksyndið, og jafnvel lofum við þá
í hástert, þó við séum að sökkva.
Þetta er auðvitað heilaþvottur, og
merkilegt hvað þessum lítt geð-
þekku stjórnmálamönnum verður
ágengt.
Ég á til dæmis góðan vin sem er
ákveðinn að fylgja Samspillingunni
þar til hann gefur upp öndina,
jafnvel þó núverandi stjórn hafi
gert hann að ölmusumanni. Þetta
eru hlekkir sálarinnar sem stjórn-
málamönnum er einkar lagið að
leggja á fólk. Ég er ekkert öðru-
vísi en þú, ég var líka plataður.
Það er nefnilega þannig að þegar
maður skoðar hlutina, þá eru
stjórnmálin bara Morfískeppni. Sá
sem er öflugasti ræðumaðurinn
vinnur, þó ekkert sé að marka það
sem hann segir. Ef við skoðum
það sem næst okkur er í tíma þá
er mjög athyglisvert að skoða um-
mæli Steingríms Joð, fyrir búsá-
haldabyltinguna, og fyrir síðustu
kosningar. Ég fékk alveg merki-
lega niðurstöðu. Hann hefur ekki
staðið við eitt einasta af stóru mál-
unum sem hann lofaði. Ekki eitt
einasta. Afnema kvótann, ekki
sækja um aðild að ESB. Ekki að
borga Icesave, bæta kjör eldri-
borgara og aldraðra, reisa skjald-
borg um heimilin, og svo mætti
lengi telja.
Niðurstaðan er að hann hefur
ekki staðið við eitt einasta af þess-
um málum, heldur þvert á móti.
Steingrímur Joð hefur hinsvegar
unnið nokkrar Morfískeppnir, hef-
ur sett upp glottið og sagt „Sjáðu
hvernig ég tók hann.“ Skyldu kjós-
Við vorum plötuð
Frá Ómari Sigurðssyni
Ómar Sigurðsson
Bréf til blaðsins
Lítil frétt birtist
fyrir nokkru um
minnkun ut-
anvegaksturs vegna
átaks Umhverf-
isstofnunar og vísað
til verkefnis á þeirra
vegum. Þar sagði:
„Helstu ástæður
þessa eru taldar vera
mikil og góð umfjöll-
un Morgunblaðsins
og Ríkisútvarpsins
um utanvegaakstur snemmsumars,
góð upplýsingagjöf Landsbjargar
til ferðamanna, sérstakt átak
Vatnajökulsþjóðgarðs til að sporna
við akstri utan vega,
átak Umhverfisstofn-
unar sem fól meðal
annars í sér auglýs-
ingar í útvarpi og
blöðum og síðast en
ekki síst tíu ný skilti
við hálendisleiðir sem
Vegagerðin setti upp í
samstarfi við félög og
fyrirtæki.“
Hvernig er árang-
urinn samkvæmt
þessari frétt mældur?
Það var ekki farið að
skrá upplýsingar um
utanvegaakstur hjá Umhverf-
isstofnun fyrr en á árinu 2009 og
síðan segir í sömu frétt og hér að
ofan: „Upplýsingar um tíðni ut-
anvegaaksturs í sumar (2010
innsk. greinarhöfundar) hafa ekki
borist frá lögreglu.“ Það virðist
því ekki vera til neinn sam-
anburður á utanvegaakstri á milli
tveggja síðustu ára og engin stað-
fest skráning til frá fyrri árum svo
vitað sé. Staðreyndin er samt sú
að samkvæmt umsögn margra að-
ila innan klúbbsins hefur mikið
dregið úr utanvegaakstri og þar
skiptir forvarnarstarf Ferða-
klúbbsins 4x4 örugglega miklu
máli.
Árlega stendur Litladeild
Ferðaklúbbsins 4x4 fyrir fjölda
ferða með nýliða inn á hálendið og
hefur samhliða haldið námskeið
um hvernig aka eigi á ábyrgan
hátt um hálendi Íslands. Þátttak-
endur í þessum ferðum og nám-
skeiðum skipta orðið þúsundum og
með þessu framtaki er stöðugt og
markvisst verið að vinna að áróðri
gegn utanvegaakstri og stuðla að
ábyrgri ferðamennsku um hálendi
Íslands. Þetta er líklega eitt
stærsta og umfangsmesta verkefni
hér á landi gegn utanvegaakstri
og er framkvæmt án fjárhagslegs
stuðnings frá hinu opinbera um-
hverfi.
Umhverfisnefnd Ferðaklúbbsins
4x4 hefur síðan í áratugi staðið
fyrir því að setja niður stikur
meðfram mörgum hálendisvegum
til að koma í veg fyrir ut-
anvegaakstur. Það hefur sýnt sig
að þar sem stikur hafa verið sett-
ar niður meðfram fjallvegum er
yfirleitt miklu minna um ut-
anvegaakstur og ferðafólk virðir
mörkin sem verið er að setja með
stikunum.
Þetta átak var samkvæmt frétt-
inni hér að framan ekki í sam-
starfi við Ferðaklúbbinn 4x4 sem
eru líklega stærstu samtök lands-
ins um hálendisferðir á Íslandi og
spanna 80-90% þeirra sem fara á
bílum inn á hálendi Íslands. Það
væri líklega miklu árangursríkara
fyrir stjórnvöld að starfa með al-
menningi í landinu og hafa samráð
um framkvæmd og framgang í
málaflokkum sem snúa að um-
gengni og aðgengi við íslenska
náttúru.
Það eru stöðugt að koma upp
vandamál þar sem stjórnvöld eru
að vinna að náttúrutengdum verk-
efnum án samráðs við hinn al-
menna Íslending. Nýjasta dæmið
eru drögin um starfsemi Vatna-
jökulsþjóðgarðs sem liggja á borði
umhverfisráðherra, þar sem er-
lendar formúlur um víðerni, öfga-
sinnaðir náttúruverndaraðilar og
örhópur atvinnugöngufólks virðast
skipta meira máli en hinn almenni
Íslendingur. Annað dæmi sem eft-
ir er að takast á við eru Þjórs-
árverin þar sem búið er að setja
fram akstursbann á snjó og er í
þeim drögum sem verið er að
vinna.
Þeir aðilar sem hafa verið að
mótmæla drögum að Vatnajök-
ulsþjóðgarði samanstanda af
stærstu samtökum landsins í úti-
vist, ferðaþjónustu og ferða-
mennsku. Þessir aðilar bjóða sig
fram til að vinna með stjórnvöld-
um að náttúruverndarmálum hér á
landi og vilja efla samstarf stjórn-
valda og almennings.
Framundan er öflug barátta
fyrir skynsamlegri náttúruvernd
og almennum rétti Íslendinga til
að ferðast á ábyrgan hátt um há-
lendi Íslands. Stjórnvöld þurfa að
skapa samstarfsgrundvöll og
hætta að vinna þessi mál á bak við
tjöldin undir þrýstingi öfgahópa
og vinna þau í góðu samstarfi við
almenning í landinu.
Eftir Guðmund G.
Kristinsson » Árlega stendur
Ferðaklúbburinn
4x4 fyrir ferðum með
nýliða inn á hálendið og
heldur námskeið um
hvernig aka eigi á
ábyrgan hátt um há-
lendi Íslands.
Guðmundur G.
Kristinsson
Höfundur er sölu- og markaðsstjóri,
er í Ferðaklúbbnum 4x4 og í nefnd
Samtaka útivistarfélaga um Vatna-
jökulsþjóðgarð.
Minni utanvegaakstur á hálendinu –
árangur af forvarnarstarfi Ferðaklúbbsins 4x4
Stórhöfða 21, við Gullinbrú, s. 545 5500.
www.flis.is ● netfang: flis@flis.is
lím og fúguefni