Organistablaðið - 01.11.1980, Blaðsíða 12
Ólafur Tryggvason, stjórnar kór Organistanna á fæðingarstað Bach's
Meðan Lúther dvaldi þarna þýddi hann Biblíuna úr grísku á þýsku. Lagði hann
með því grundvöllinn að þýsku ritmáli. Sagði Goethe, að með því hefði hann
sameinað þýsku þjóðina. Átti Goethe frumkvæði að því, að Wartburg-kastali var
varðveittur. Seinna varð kastalinn mikill fundarstaður stúdenta. Wartburg er í
ca. 400 metra hæð, fyrst nefndur 1080, byggður í núverandi mynd 100 árum
síðar. Eftir 1945 voru veittar 2.2 milljónir marka til viðgerðar, er verið var að
vinna að viðgerðinni, fundust 3 kassar með dýrmætum skjölum.
Við leggjum á brattann. Það eru hátt í þrjú hundruð tröppur upp að fara, stigi
eftir stiga og hallandi brautir á milli. - Loks komumst við upp, og er inn kemur
taka við gangar miklir. Væri þar auðvelt að villast, en við höldum hópinn.
Minnisstætt verður að koma þarna í grafhvelfinguna. Þarna eru myndir á
veggjum, grafhellur í gólfi, ein stendur þar eins og kista upp út í miðju, veit eigi
hverjir þarna eru grafnir. - Við komum einnig inn í langan fremur mjóan gang,
með helgimyndum á veggjum. Þessi gangur er til minningar um konu, er átti
þarna heima á fyrri öldum, hún var kaþólsk. Elísabet hét hún, varði hún lífi sínu
til að hlynna að, kenna og hjúkra fátækum börnum, en eigi varð hún langlíf, dó
24ra (eða 25) ára, þá þrotin að heilsu. Nokkru eftir dauða sinn var hún tekin í
dýrlingatölu. - Við komum í herbergi það er Lúther hafðist við í. Það er einfalt
mjög, ómálaðar þiljur á veggjum eigi aðrir húsmunir en borðeittfornlegt, við það
hefir hann unnið. - Eitt sinn fannst honum sá vondi vera þar kominn. Segir
sagan, að hann hafi þá þrifið blekbyttu sína og þeytt henni þangað er honum
fannst hann vera. Sást blekklessan lengi á veggnum, en nú er hún útmáð. - Enn
er haldið upp stiga, og inn í stóran sal með margvíslegu skrauti, gylltum listum,
12 ORGANISTABLAÐIÐ