Organistablaðið - 01.11.1980, Síða 26
Kirkjuritið gekkst fyrir ráðstefnu í Skálholti sumarið 1980 sem bar heitið: „Skáld
og trú.” Eftirfarandi orð eru meðal þesssem sr. Bolli Gústavsson ritaði í Kirkjuritið
að ráðstefnu lokinni:
Hrifsöngur
Oft er að því vikið, að söngvar svonefndra sértrúarsafnaða hrífi menn. Þar séu
sungin fjörleg lög eða rómantísk, sem nái þegar í stað til fólks eins og hin ýmsu
dægurfög, sem skjóta upp kolli og njóta vinsælda um stund. Þá fer þar á sömu
lundog um meiri hluta sunginna dans- ogdægurlaga, að lítil alúðer lögð viðgerð
texta, sem er hnoðaður saman í flýti eða lauslega þýddur, til þess eins að koma
góðu sönglagi á flot. Áhrifa frá þessum hrifsöng hefur gætt í auknum mæli innan
kirkjunnar, einkum í barna og unglingastarfi. Hér þarf kirkjan að vera vel á verði,
að ekki sé slakað á listrænum kröfum í uppeldisstarfi. Hún á þess kost að njóta
aðstoðar menntaðra og áhugasamra tónlistarmanna til þess að koma í veg fyrir
að menningarleg reisn þjónustunnar hrörni. Þessir listamenn gera strangar
kröfur um að tónlistinni, lofgjörði.nni, sé ekki misboðið með rislágum og
efnisrýrum textum. Það dylst engum, sem vill kirkjunni vel, að veigalítill
skáldskapur, lítilsigld tónlist og lítt grunduð ræða hafa fælt margan mætan
mann frá kristnu samfélagi.
íslenska kirkjan þarf ekki að fjarlægjast þá, sem eru kallaðir til alvarlegrar
listsköpunar. Skálholtsstaður er á ný orðinn glæsilegt tákn endurreisnar þess
æskilega samstarfs, ekki síst á sviði tónlistar og myndlistar.
---------------------------------\
HLJÓÐFÆRAVERZLUN
Poul Bernburg hf.
Rauðarárstíg 16 - 105 Reykjavík - Sími (91)20111.
Höfum umboð fyrir hið fræga japanska fyrirtæki
yamaha
• Flygla
• Piano
• Orgel
V_________________________________/
26 ORGANISTABLAÐIÐ