Morgunblaðið - 04.06.2011, Blaðsíða 13

FRÉTTIR 13Innlent
MORGUNBLAÐIÐ LAUGARDAGUR 4. JÚNÍ 2011
BAKSVIÐ
Steinþór Guðbjartsson
steinthor@mbl.is
Síld er fiskur Hátíðar hafsins í
Reykjavík, sem verður haldin í 13.
sinn um helgina. Í fyrsta sinn verður
boðið upp á síldarveislu að finnskri
fyrirmynd fyrir utan Sjóminjasafnið
vestur á Granda frá klukkan 13 í
dag og á morgun, en hugmyndin er
að síldarveislan verði árlegur við-
burður á hátíðinni.
Ágúst Ásgeirsson, markaðsstjóri
Faxaflóahafna, segist hafa fengið
hugmyndina að síldarveislunni frá
sambærilegum hátíðum í Finnlandi
þar sem sé aldalöng hefð fyrir slík-
um viðburðum. Í Helsinki í Finn-
landi sé til dæmis um 250 ára hefð
fyrir síldarveislum. Til að geta boðið
upp á síld með ýmsum hætti hafi
hann fengið tvær tunnur af saltaðri
síld frá Fáskrúðsfirði og sérstaklega
reykta síld fyrir hátíðina frá Siglu-
firði og Borgundarhólmi í Dan-
mörku.
Skemmtun og fræðsla
Ágúst bendir á að síldarmenn-
ingin í Borgundarhólmi eigi sér
langa sögu og sagt sé að íbúarnir
þar reyki síld manna best í heim-
inum. Loðnuvinnslan á Fáskrúðs-
firði haldi uppi síldarsöltun á Íslandi
og síld frá Siglufirði veki upp gaml-
ar minningar um síldarárin auk þess
sem Siglufjörður sé gestasveit-
arfélag hátíðarinnar í ár.
Tilgangurinn með síldarveislunni
er að vekja áhuga á síld. Boðið verð-
ur upp á síldarsalöt sem Ulf Berg-
mann útbýr, en hann var maðurinn á
bak við tilraunaeldhús síldar-
útvegsnefndar á árum áður og er
mikill áhugamaður um síld. Með
ýmsum síldarréttum verður boðið
upp á rúgbrauð. „Þetta er skemmt-
un og fræðsla,“ segir Ágúst.
Fiskasýningin á sínum stað
En lífið á Grandanum snýst ekki
bara um síld heldur setur Hafrann-
sóknastofnun upp ker með á annað
hundrað fisktegundum. Ágúst segir
að þessi fiskasýning hafi jafnan vak-
ið mesta athygli á hátíðinni. Starfs-
menn Hafró safni tegundunum allt
árið og sýni afraksturinn og útskýri
allt sem viðkemur viðkomandi teg-
undum. Undanfarin ár hafi hrefnu-
veiðimenn líka grillað hrefnu fyrir
gesti og gangandi og gera megi ráð
fyrir þeim á svæðinu. Með öðrum
orðum sé gestum veitt innsýn í allt
sem viðkemur sjávarfangi frá því líf
kviknar og þar til afurðin endar á
diski viðkomandi.
Hefð og vinsældir
Skonnortan Hildur frá Húsavík
leggur af stað frá Akranesi klukkan
11 árdegis í dag og er væntanleg inn
á Reykjavíkurhöfn um tveimur tím-
um síðar og leggst framan við Sjó-
minjasafnið. Í fyrra gegndi fær-
eyskur kútter sambærilegu
hlutverki og segir Ágúst að með
þessu sé verið að búa til hefð í
tengslum við hátíðina.
Hátíðin hefur notið mikilla vin-
sælda og í fyrra var sett gestamet,
en talið er að um 23.000 manns hafi
þá sótt hana. Um 9.000 manns nutu
lífsins við höfnina í brakandi blíðu á
laugardeginum og um 14.000 manns
fylgdust með hátíðahöldum sjó-
mannadagsins á sunnudeginum.
Faxaflóahafnir og Sjómanna-
dagsráð standa að hátíð Hafsins
en Höfuðborgarstofa fer með
verkefnisstjórn.
Silfur hafsins í öndvegi
 Síldarhátíð að finnskri fyrirmynd í fyrsta sinn á Hátíð hafsins vestur á Granda í Reykjavík
 Síld frá Fáskrúðsfirði, Siglufirði og Borgundarhólmi í Danmörku til að gefa gestum
Morgunblaðið/Sigurgeir S.
Silfur hafsins Síld er herramannsmatur og Ágúst Ágústsson sér til þess að gestir á Hátíð hafsins fá að smakka.
Að vanda verður boðið upp á
fjölbreytta dagskrá með leik-
tækjum og skemmtiatriðum á
Hátíð hafsins, sem fer fram á
Granda í dag og á morgun og
teygir sig að verbúðunum við
Geirsgötu. Gestum gefst tæki-
færi til þess að kynnast fjöl-
breyttri menningu hafsins frá
klukkan níu að morgni fram á
kvöld. Sæbjörgin býður upp á
skemmtisiglingar um sundin
fyrir alla fjölskylduna. Norska
varðskipið KV Sortland og
skonnortan Hildur frá Húsavík
liggja við bryggju og geta gestir
komið um borð og skoðað skip-
in. Brokey, siglingaklúbbur
Reykjavíkur, sýnir kænur og
kynnir siglinganámskeið. Sýn-
ingin Síldarheimur á Sigló
verður opnuð og sungin
verða sjómannalög. Tíu
veitingastaðir í borginni
– Brauðbær, Dill, Einar
Ben., Fiskfélagið,
Fjalakötturinn,
Hornið, Höfnin,
Silfur, Þrír
Frakkar og Við
Tjörnina –
bjóða upp á
matseðil með
lostæti úr haf-
djúpunum.
Fjölbreytt
dagskrá
HÁTÍÐ HAFSINS
Ulf
Bergmann
J
Ó
N
S
S
O
N
&
L
E
’M
A
C
K
S
•
jl
.i
s
•
S
ÍA
landsbankinn.is 410 4000Landsbankinn