Morgunblaðið - 04.06.2011, Blaðsíða 20

ÚR BÆJARLÍFINU
Jón Sigurðsson
Blönduós
Sumar og vetur hafa tekist á hér
norðan heiða síðustu vikurnar og má
vart á milli sjá hvort hefur betur.
Þrátt fyrir þessi átök árstíðanna
heldur lífið áfram sinn vanagang.
Gæsarungarnir eru farnir að sjást á
Blöndu og bæjarbúar farnir að setja
niður kartöflur í kartöflugörðunum í
Selvík og flestir búnir að slá gras-
flatir lóða sinna einu sinni.
Eitt annað merki um að sum-
arið sé að koma er þegar ferðamönn-
um fjölgar. Hótelið er tilbúið að taka
á móti gestum sem og tjaldsvæðið í
Brautarhvammi og er þegar farið að
bera á erlendum ferðamönnum. Það
er töluvert um það að hinir erlendu
gestir séu fuglaáhugamenn og gleðj-
ast margir þeirra þegar þeir hafa lit-
ið straumöndina sem nóg er af í
Blöndu.
  
Hafíssetrið með Hraunsbirnuna
Snædísi Karenu hefur þegar opnað
og er sumarstarfsemin komin í full-
an gang. Þar er margan fróðleik að
finna um hafísinn sem á árum áður
hafði oft mikil áhrif á samfélagið við
Húnaflóa.
Á sýningu setursins hefur bæst
við heimildarmyndin „Þegar haf-
ísinn kom“ eftir þær Catherine
Chambers, doktorsnema við háskól-
ann í Alaska og Katharinu Schneid-
er, forstöðumann setursins.
  
Heimilisiðnaðarsafnið er opn-
að í dag fyrir gestum og gangandi
eftir vetrarfrí. Í sumar verður í safn-
inu yfirlitssýning á verkum Guð-
rúnar J. Vigfúsdóttur, veflistarkonu
frá Ísafirði. Þar má meðal annars sjá
handofna glæsikjóla, flott veggteppi
og hökla úr Digraneskirkju.
  
Laxveiðitímabilið er að hefjast
og byrja veiðar í Blöndu á morgun.
Þekktur veiðimaður, sem þekkir
árnar í sýslunni eins og lófann á sér,
sagði lax vera kominn í ána og hafði
hann séð einn 17 punda lax og
nokkra 12 pundara á neðsta veiði-
svæðinu í Blöndu svo líklegt má telj-
ast að þeir sem byrja veiðar á morg-
un komi með einhverja fiska heim
með sér í lok veiðidags.
  
Lionsklúbbur Blönduóss
færði á dögunum héraðshælinu risa-
stórt sjónvarp að gjöf til nota í bað-
stofunni á dvalardeildinni. Tækið má
nota til ýmiskonar margmiðlunar á
einfaldan hátt. Með tilkomu þess-
arar gjafar opnast möguleikar til að
koma ýmsu efni á framfæri fyrir
íbúana þeim til ánægju og gleði.
Mannlífið í sumargírinn
Morgunblaðið/ Jón Sigurðsson
Blönduós Katharina Schneider, forstöðumaður setursins, og Hrauns-
birnan hún Snædís Karen mæta á Hafíssetrið á Blönduósi.
20 FRÉTTIRInnlent
MORGUNBLAÐIÐ LAUGARDAGUR 4. JÚNÍ 2011
DAGANA 6.-9. júní nk. stendur
Vestnorræna ráðið fyrir þremur
fundum í Færeyjum, en ráðið er
samstarfsvettvangur þjóðþinga Ís-
lands, Grænlands og Færeyja.
Tveir fundirnir eru hluti af hinni
árlegu þemaráðstefnu ráðsins í
Færeyjum. Ráðstefnan verður tví-
skipt, annars vegar verður fjallað
um húsnæðismál aldraða í vestnor-
rænu löndunum þann 7. júní og
hins vegar um öryggismál og við-
búnað á Norður-Atlantshafi þann
9. júní. Meira en 50 norrænir þing-
menn, ráðherrar, fræðimenn og
sérfræðingar taka þátt í umræðu á
ráðstefnunum tveimur.
Þann 6. júní verður svo fyrsti
fundur Hoyvíkur-nefndarinnar
sem er ný þingmannanefnd um
Hoyvíkur-sáttmálann, fríversl-
unarsamning Íslands og Færeyja.
Á fundinum verður m.a. valinn for-
maður og lög nefndarinnar sam-
þykkt. Í nefndinni verða sex þing-
menn frá Alþingi og sex þingmenn
frá Lögþingi Færeyja. Þá mun
Landsþing Grænlands skipa sex
áheyrnarfulltrúa.
Vestnorræna ráðið heldur fundi í Færeyjum
um öryggismál, húsnæðismál og fríverslun
Samstarf Þingmennirnir Josef Motzfeldt,
Ólína Þorvarðardóttir og Kári P. Højgaard.
Í dag, laugardag, verður Kvennahlaup ÍSÍ
haldið í tuttugasta og annað sinn. Kvenna-
hlaupið er haldið árlega og er einn fjöl-
mennasti íþróttaviðburður landsins ár
hvert. Konur geta valið úr 85 hlaupastöðum
út um allt land og einnig verður hlaupið á 14
stöðum erlendis. Stærsta hlaupið verður í
Garðabæ kl. 14, þar sem þúsundir kvenna
koma saman og hlaupa. Nánari upplýsingar
um hlaupastaði er að finna á www.sjova.is
eða www.facebook.com.
Þátttakendur geta tekið þátt í leik þar
sem glæsilegir vinningar eru í boði. Það eina sem þarf að gera er að fylla út
umsókn á hlaupastað eða fara inn á www.sjova.is. Í aðalvinning eru gjafa-
kort að upphæð 30.000 krónur, dekur og aðrir vinningar.
Kvennahlaup ÍSÍ haldið í dag - einn
fjölmennasti íþróttaviðburður ársins
Kvennahlaupið fer af stað í dag.
Slysavarnafélagið Landsbjörg í
samvinnu við Sjómannadagsráð
Reykjavíkur og Hafnarfjarðar
heldur utan um sölu á Sjó-
mannadagsmerkinu í ár. Sjálf-
boðaliðar í björgunarsveitum og
slysavarnadeildum félagsins munu
standa vaktina um helgina um allt
land og bjóða almenningi merkið til
kaups. Allur ágóði af sölu merkisins
rennur til slysavarna sjómanna.
Slysavarnafélagið Landsbjörg
rekur Slysavarnaskóla sjómanna en
um 2.300 sjómenn sækja þar nám-
skeið á hverju ári.
Morgunblaðið/Rax
Slysavarnir Ágóði sölunnar á merkinu
rennur til Slysavarnaskóla sjómanna.
Sjómannadags-
merkið selt til
styrktar sjómönnum
HEIMDALLUR, félag ungra sjálfstæðismanna í Reykja-
vík, hefur sent frá sér ályktun þar sem hafnað er nýrri
þingsályktunartillögu um víðtækt bann við tóbaki. Til-
lagan sé gróf aðför að frelsi einstaklingsins og minni
fremur á ofstopa alræðisríkja en yfirvegaða umræðu.
„Reynslan af bönnum er sú að undirheimar taka við
viðskiptum með bannaðar vörur. Það lærðist í áfengis-
banninu og nú síðast í fíkniefnabanninu. Með ólíkindum
er að þingmenn ætli að færa undirheimum sígarettur
sem verslunarvöru og tryggja að glæpastarfsemi vaxi
fiskur um hrygg. Þingmenn verða að átta sig á því að
þegar vandamál eru bönnuð af hörku þá hverfa þau
ekki. Þau flytjast þangað sem enginn sér, þangað sem einstaklingarnir
þurfa að eiga viðskipti með vafasama aðila,“ segir í ályktuninni.
Heimdallur hafnar tóbaksbanni
Takmarka á reyk-
ingar hér á landi.
STJÓRN Landssambands eldri
borgara hefur sent frá sér álykt-
un þar sem harðlega er mótmælt
þeim áformum ríkisstjórnarinnar
að skattleggja lífeyrissjóðina um
1,7 milljarða króna. Þetta sé bein
aðför að eldri borgurum og ör-
yrkjum þar sem það hlýtur að
skerða kjör þeirra þegar ráðstöf-
unarfé lífeyrissjóðanna er skert
sem þessu nemur. Þarna eigi
greinilega að fá fjármagn til rík-
isins frá lífeyrissjóðunum þannig
að þeir muni neyðast til að
skerða kjör eldri borgara í fram-
tíðinni.
Aldraðir mótmæla
Í dag, laugardag, kl. 13-17 verður
Bandalag kvenna í Reykjavík með
basar og skemmtidagskrá á Hall-
veigarstöðum, Túngötu 14, til fjár-
öflunar fyrir Starfsmenntunarsjóð
ungra kvenna. Til sölu verða kökur
og brauð, handverk, fatnaður og
annað, bæði nýtt og notað. Þá verða
snyrtifræðingar á staðnum að
kynna snyrtivörur auk fulltrúa frá
kvenfélögunum í Reykjavík sem
kynna starfsemi sína.
Basar og fjáröflun
STUTT
„Nýtt vaktafyrirkomulag gæti tekið gildi á næstu vikum
og samkvæmt því verður ekki lögreglueftirlit í Vest-
mannaeyjum frá klukkan þrjú til sjö á nóttunni á virk-
um dögum og frá klukkan sex til tíu um helgar,“ segir
Tryggvi Kr. Ólafsson, formaður lögreglufélags Vest-
mannaeyja. Ljóst er að fjárveitingar eru ekki nægj-
anlegar til að hafa lögreglumenn á vakt allan sólar-
hringinn. Páley Borgþórsdóttir, lögfræðingur og
formaður bæjarráðs, telur að 10-12 milljóna króna ár-
lega fjárveitingu vanti til að tryggja sólarhrings-
löggæslu í Vestmannaeyjum.
Níu lögreglumenn hafa mannað vaktirnar en þeim
hefur fækkað í sex. Niðurskurður hjá lögreglunni hefur
því verið 33-35% á einu ári samkvæmt upplýsingum frá
lögregluembættinu í Vestmannaeyjum.
Vestmannaeyingar fá ekki aðstoð
„Staðan er grafalvarleg, þar sem hér munu 4.200
manns að viðbættum ferðamönnum vera án löggæslu að
nóttu til ef innanríkisráðuneytið tryggir ekki það fé sem
þarf til að halda vöktum allan sólarhringinn,“ segir
Páley. Páley segir að bæjarstjóri Vestmannaeyja, Elliði
Vignisson, sem og Karl Gauti Hjaltason sýslumaður hafi
ítrekað reynt að ná fundi með Ögmundi Jónassyni
innanríkisráðherra án árangurs. Segir Páley sýslumann
vera nauðbeygðan til að fara í þessar breytingar, engin
önnur leið sé í stöðunni. Í bókun frá fundi bæjarráðs
Vestmannaeyja 10. janúar síðastliðinn kemur fram að
embættinu sé ljóst að ekki verði hægt að halda sólar-
hringslöggæslu vegna fjárskorts og hefur bæjarráð beð-
ið eftir svörum frá innanríkisráðuneytinu sem og vel-
ferðarráðuneytinu frá þeim tíma. Páley segir að íbúar
hafi miklar áhyggjur, óttist aukningu afbrota þegar
mönnum verði ljóst að ekkert lögreglueftirlit er á þess-
um tíma sólarhrings. Hætta á umferðarslysum muni
aukast hjá ungmennum þegar eftirlitið minnkar með
þessum hætti. Hér sé um stórt svæði að ræða og Vest-
mannaeyingar fái ekki aðstoð annars staðar frá, eyjan
sé einangruð og samgöngur ótryggar eins og landsmenn
viti. Sérstakar áhyggjur vakni þar sem ljóst er að á
sumrin kemur fjöldi ferðamanna þannig að mannfjöldi
eykst verulega. Segir Páley að mjög erfitt hafi verið að
ná sambandi við ríkisvöld um þessi efni undanfarið.
mep@mbl.is
Lögreglan í Eyjum telur
stöðuna grafalvarlega
 Fjárveitingar vantar til að halda óbreyttu vaktaplani
Morgunblaðið/Brynjar Gauti
Eyjar Íbúar óttast fjölgun afbrota þegar mönnum verði ljóst að ekkert lögreglueftirlit er á þessum tíma sólarhrings.