Morgunblaðið - 21.06.2011, Blaðsíða 1
Þ R I Ð J U D A G U R 2 1. J Ú N Í 2 0 1 1
Stofnað 1913 143.. tölublað 99. árgangur
HEIMSLEIKARNIR
Í CROSSFIT VERÐA
MIKIL ÁSKORUN
TOPPTÓNLEIKAR
GUS GUS MÖRKUÐU
UPPHAF SUMARSINS
LEIST VEL Á ÞESSA
STELPU OG ÞAÐ
VAR GAGNKVÆMT
TIGNARLEG OG TÖFF 33 70 ÁRA BRÚÐKAUPSAFMÆLI 6VINNA Í VEIKLEIKUM SÍNUM 10
Björn Jóhann Björnsson
Halldór Armand Ásgeirsson
Óvissa ríkir um hvort aðilar vinnu-
markaðarins staðfesta kjarasamninga
til þriggja ára en frestur sem þeir hafa
til að taka endanlega afstöðu rennur
út á miðnætti í kvöld. Eins og staðan
leit út í gærkvöldi voru líkur taldar á
að ASÍ myndi staðfesta kjarasamn-
ingana í dag en meiri óvissa ríkti í her-
búðum SA. Vilhjálmur Egilsson,
framkvæmdastjóri SA, segir að brýnt
sé að fá skýr svör frá stjórnvöldum um
hvernig eigi að örva fjárfestingar.
Gylfi Arnbjörnsson, forseti ASÍ,
segir skorta á skýra stefnu stjórn-
valda í efnahags- og atvinnumálum en
býst engu að síður við því að ASÍ stað-
festi samningana í dag. „Þrátt fyrir að
við köllum eftir skýrari svörum um
áætlanir stjórnvalda sjáum við enga
ástæðu til að slíta þessu samstarfi. En
við munum halda áfram að veita
stjórnvöldum aðhald og það er ljóst að
það mun reyna á samstarf okkar
áfram,“ segir Gylfi.
Fyrir utan sjávarútvegsmálin er
það óvissa um stórar vegafram-
kvæmdir og byggingu nýs fangelsis
sem ræður miklu um afstöðu aðila
vinnumarkaðarins. Ýmis fyrirheit
voru gefin í yfirlýsingu ríkisstjórnar-
innar 5. maí sl. og hafa þau ekki öll
gengið eftir þó að margt hafi orðið að
veruleika.
Kallað eftir skýrari svörum
Óvissa enn til staðar um hvort kjarasamningar verða staðfestir í dag Forseti
ASÍ gerir ráð fyrir að staðið verði við samninga en niðurstaða SA liggur ekki fyrir
MEkki verið staðið við allt »4
Óvissa
» Frestur aðila vinnumark-
aðarins til að ógilda kjara-
samninga rennur út á mið-
nætti í kvöld. ASÍ og SA
funduðu stíft um málið í gær.
» Segi þeir sig frá samning-
unum munu þeir aðeins gilda
til 31. janúar 2012.
Einar Torfi Finnsson, fram-
leiðslustjóri Íslenskra fjallaleið-
sögumanna, gagnrýnir að Vega-
gerðin skuli ekki geta rutt snjó af
fjallvegum og þannig flýtt fyrir að
hægt sé að opna þá. Vegagerðin
hafi stungið í gegnum stóra skafla á
fjallvegum áður fyrr en hafi ekki
lengur nægilegt fé til slíks.
Tíðarfarið í vor og sumar veldur
því að fjallvegir sem venjulega
hefðu verið opnir eru enn lokaðir.
Íslenskir fjallaleiðsögumenn hafa
þurft að breyta fjölmörgum ferðum
af þessum sökum með tilheyrandi
umstangi og kostnaði. »6
Hægt væri að flýta
opnun fjallvega ef
Vegagerðin ætti fé
Morgunblaðið/Golli
Náðugt Fjallvegir opnaðir seint.
Laxveiðiárnar opna veiðimönnum
faðm sinn hver af annarri þessa
dagana. Þannig hófust veiðar m.a. í
Laxá í Kjós, Elliðaánum og Laxá í
Aðaldal í gærmorgun. Vorið hefur
alls staðar verið kalt og veiðimenn
eru sammála um að mikið og kalt
vatn sé í ánum. Laxmýringar
veiddu að venju fyrstu vaktina í Að-
aldalnum og höfðu á orði að svo vel
hefði áin ekki tekið á móti þeim í
fjöldamörg ár. Morgunvaktin gaf
þeim tíu stórlaxa, þá stærstu 21 og
20 pund. Jón Helgi Björnsson tók
þann stærsta í Kistukvísl.
Í Kjósinni og Elliðaánum hófst
tímabilið líka vel. Reykvíkingur
ársins 2011, Gunnlaugur Sigurðs-
son, leysti Jón Gnarr borgarstjóra
af þetta árið og landaði fyrst lax-
inum, fimm punda hæng. Gunn-
laugur, sem aldrei áður hafði rennt
fyrir lax, var fljótur að fylla tveggja
laxa kvótann og tók annan lax á ná-
kvæmlega sama stað í Sjávarfossi
klukkutíma seinna. »14
Tóku tvo
tuttugu
pundara á
fyrstu vakt
Ljósmynd/Ingibjörg Sigurjónsdóttir
Laxá í Aðaldal opnuð með látum í gærmorgun og byrjunin lofar líka góðu í Elliðaánum og í Kjósinni
Stórlax Jón Helgi Björnsson með stærsta lax gærdagsins sem tók agnið í Kistukvísl í Laxá í Aðaldal.
Samkvæmt hagstofu ESB, Euro-
stat, var verðbólga á Íslandi 4,3% í
maí. Þetta er umtalsvert meiri
verðbólga en mælist að meðaltali á
EES-svæðinu en hún var 3,2% í maí.
Samkvæmt Eurostat var verðbólga
meiri en á Íslandi í fimm ríkjum í
EES í maí. »16
Verðbólga mældist
4,3% í maímánuði
12 mánaða hækkun
samræmdrar vísitölu
neysluverðs
Rúmenía
Eistland
Litháen
Lettland
Bretland
Ísland
Meðaltal EES
Heimild: Eurostat
8,5%
5,5%
5,0%
4,8%
4,5%
4,3%
3,2%
Steinþór Guðbjartsson
steinthor@mbl.is
Hátt bensínverð hefur þau áhrif að
almenningur dregur úr akstri. Run-
ólfur Ólafsson, framkvæmdastjóri
Félags íslenskra bifreiðaeigenda,
segir að þessi samdráttur hafi nei-
kvæð margföldunaráhrif á þjónustu
víða um land og þolmörkum sé löngu
náð.
Um liðna helgi var um 12% minni
umferð á völdum talningarstöðum
Vegagerðarinnar á hringveginum
miðað við sömu helgi í fyrra. Um-
ferðin austur fyrir fjall sl. föstudag
var tæplega þriðjungi minni en á
sama föstudegi 2010.
Í gær var algengt verð á 95 oktana
bensíni 235,90 kr. lítrinn, en dísillítr-
inn var krónu dýrari. Runólfur segir
að það sé þekkt í hagfræðinni að fólk
hafi ákveðin þolmörk í sambandi við
verðlagningu á ýmsum vörum og al-
menningur hafi náð þessum þrösk-
uldi í sambandi við eldsneytið. Oft
hafi verið talað um að þröskuldurinn
væri 200 krónur fyrir lítrann og ljóst
sé að núverandi verð sé allt of hátt.
Fjármálaráðherra skipaði í vetur
samráðsnefnd til þess að skoða bens-
ínverð og hvað væri til ráða í því efni.
Runólfur minnir á að þessi nefnd
hafi átt að skila tillögum fyrir einum
og hálfum mánuði en enn hafi ekkert
heyrst frá henni. FÍB hafi strax lagt
til að dregið yrði úr opinberum
gjöldum, þó ekki væri nema tíma-
bundið. Hann bendir á að opinbert
álag á eldsneyti hafi hækkað veru-
lega undanfarið eitt og hálft ár, en
staðreyndin sé sú að ríkið hafi minni
tekjur en áður af eldsneytisnotkun
landsmanna þrátt fyrir allar þessar
hækkanir. Með öðrum orðum hefði
óbreytt skattálagning og óbreytt
neysla skilað ríkinu meiri tekjum.
Allir tapi því á aukinni skattheimtu.
Þolmörkum náð fyrir löngu
Þröskuldur olíuverðs við 200 krónur
Um 12% minni umferð um helgina
Morgunblaðið/Frikki
Gengið á gjaldeyrisútboði Seðla-
bankans, sem kynnt var fyrir helgi,
er hagstætt að mati Hrafns Magn-
ússonar, framkvæmdastjóra Lands-
samtaka lífeyrissjóða. „Hins vegar
veit ég að margir hefðu viljað sjá
hærri vexti á skuldabréfunum sjálf-
um.“ Seðlabankinn býðst til að
kaupa evrur í sérstöku útboði á há-
marksgenginu 210, en seljendur
munu fá greitt með skuldabréfum
sem bera 3,25 prósenta verð-
tryggða vexti. „Lífeyrissjóðirnir
vilja líka mjög gjarnan losna við
gjaldeyrishöft og ef útboðið flýtir
því ferli getur það haft áhrif á
ákvarðanatökuna. Hver sjóður
verður að meta þetta fyrir sig,“
segir Hrafn. »16
Hefðu viljað
sjá hærri vexti