Morgunblaðið - 24.06.2011, Blaðsíða 3

M-ið,
m.siminn.is
Skannaðu kóðann eða
sendu sms-ið M í 1900
og fáðu M-ið beint
í símann þinn
Skannaðu hérna
til að sækja
Meira Ísland
B
arcode
Scanner
SAMSUNG GALAXY S
79.900 kr.
SAMSUNG GALAXY S II
109.900 kr.
Ómissandi
ferðafélagi
Hafðu með þér frábæran síma á ferðum þínum um landið í
sumar og gerðu hverja stund að algjöru ævintýri. Hvort sem
þú ferð í fjallgöngu, útilegu, veiði eða golf þá er rétti síminn
ómissandi ferðafélagi. Upplifðu meira Ísland með Símanum!
6.953 kr.
á mánuði dreift á
12 mánuði *
9.453 kr.
á mánuði dreift á
12 mánuði *
1.000 kr.
inneign á mán.
í 12 mán. fylgir.
1.000 kr.
inneign á mán.
í 12 mán. fylgir.
Símalán-afborgun: Símalán-afborgun:INNEIGN INNEIGN
Stærsta
3G net
landsins
FRÉTTASKÝRING
Önundur Páll Ragnarsson
onundur@mbl.is
„Ég hélt að það væri allt að hrynja inni hjá mér
þegar þetta gerðist,“ segir Jóhanna Bjarn-
þórsdóttir, íbúi í Heiðarbrún í Bolungarvík.
Hún var heima hjá sér í gær þegar grjóti rigndi
yfir hús í fjórum götum vegna sprengingar í
efnisnámu Ósafls í hlíð Traðarhyrnu. Efnið er
ætlað í gerð snjóflóðavarna fyrir bæinn.
Jóhanna segir að hraðinn á grjótinu hafi ver-
ið mikill. Steinar á borð við golfkúlur gerðu göt
á nýtt bárujárn á þakinu og hnefastórir steinar
boruðust langt ofan í grassvörðinn í garðinum.
Afleiðingarnar voru svipaðar á mörgum öðrum
lóðum. Sums staðar var grjótið þó mun stærra,
allt upp í 15 kíló að sögn annars viðmælanda.
Sá sagði að þetta hefði verið líkast því að eld-
gos væri hafið. Sjónarvottar sögðu grjótið hafa
flogið í 200 til 300 metra hæð áður en það kom
aftur niður, nánast lóðrétt.
Magnið var líka gríðarmikið, svo mikil mildi
þykir að ekki hlaust mannskaði af. Enginn
slasaðist vegna þessa, enda flestir að heiman
þegar þetta gerðist, um miðjan dag. „Það er
mikil heppni að enginn hafi verið úti þegar
þetta gerðist,“ segir Jóhanna Bjarnþórsdóttir.
Að sögn varðstjóra hjá rannsóknardeild lög-
reglunnar á Vestfjörðum urðu tólf eða þrettán
hús fyrir drífunni. Rúður brotnuðu í að
minnsta kosti tveimur húsum og klæðningar
fóru illa. Vinnueftirlitið mun kanna tildrög
óhappsins en að sögn lögreglu var sprengju-
sérfræðingurinn með öll tilskilin leyfi og
reyndur í slíkum störfum. Þetta er fjórtánda
skiptið sem sprengt er í námunni og hefur svip-
að verklag verið notað. Ekki voru notaðar
mottur til að hefta efnið í gær, en þær hafa
raunar ekki heldur verið notaðar í hin þrettán
skiptin, en þá hefur allt gengið vel.
„Við hörmum þetta óhapp og þykir þetta
mjög leiðinlegt. Við erum búnir að fara yfir
verklagið og hvernig við munum vinna í fram-
tíðinni. Við munum ganga í þau hús þar sem
skemmdir urðu, heilsa upp á fólk, hreinsa til í
görðunum og um skemmdir á húsum vísum við
á tryggingafélagið okkar, sem er VÍS,“ segir
Leó Jónsson, verkfræðingur hjá Ósafli. Hann
segir allt hafa gengið vel í hin þrettán skiptin
sem sprengt hefur verið.
Öryggið á oddinn eftir þetta
Leó segir það viðtekið verklag að nota ekki
mottur þegar sprengdar eru svona sneiðar út
úr hlíð. Þær séu notaðar þegar efni sé sprengt
upp á við, til dæmis þegar skurðir eru sprengd-
ir. Hann segir þó að þar sem þetta hafi gerst
einu sinni geti það gerst aftur. Því verði ekkert
sprengt meira fyrr en búið er að útvega mottur
til að hylja allt svæðið. Þar að auki verði bor-
munstri sprengiefnisins breytt.
Fram til þessa hafa fjórar raðir af sprengi-
efni verið boraðar inn í bergið með 2,5 metra
millibili og svo sprengdar fjórar sneiðar úr í
röð. Sú ysta fyrst og sú innsta síðast. Í gær
hafi orðið fyrirstaða í ystu sneiðinni og hún
ekki gefið eftir. Þá var engin leið fyrir
innri sneiðarnar nema upp og þess vegna
fór efnið upp í loft en ekki til hliðar.
Elías Jónatansson bæjarstjóri sagði
eftir fund bæjartæknifræðings með
Ósaflsmönnum í gærkvöldi að skýring-
ar þeirra væru trúverðugar og ekki
verði annað séð en að þeir hafi ráð til
að koma í veg fyrir að þetta gerist
aftur. Hann er ánægður með við-
brögð Ósafls við óhappinu. „Það er
greinilegt að fyrirtækið ætlar sér að taka
mjög fast á þessu máli og afgreiða það
eins vel og hægt er. Ég finn mikinn vilja
til að vanda sig og gera þetta vel.“ Elías
telur því að hagsmuna íbúa og húseigenda
á svæðinu verði gætt í framhaldinu.
Grjótregn í íbúðahverfinu
 Starfsmenn Ósafls munu ganga í hús, hreinsa lóðir og tryggingafélag verktakans taka á skemmdum
 Íbúi í Heiðarbrún hélt að húsið væri að hrynja þegar hnefastórir hnullungar sprengdu göt á þakið
Ljósmynd/Halldór Sveinbjörnsson
Hnullungur Þessi steinn lenti á einu húsanna.
Margir mun stærri lentu í görðum og á húsum.
FRÉTTIR 3Innlent
MORGUNBLAÐIÐ FÖSTUDAGUR 24. JÚNÍ 2011
„Ég var búin að vera þarna áður með fleira
fólki, að skynja náttúruverur sem voru
ekki glaðar með rask á jörðinni; að ekki
hefði verið beðið um að þær flyttu sig.
Þær voru leiðar yfir því, það var okkar
skynjun. Mig langaði mikið til þess að
þarna yrði beðist afsökunar,“ segir Vigdís
Kristín Steinþórsdóttir. Hún kveðst geta
skynjað skilaboð frá huldufólki. Hún var
fyrir vestan í vikunni að halda Kærleiks-
daga á Núpi í Dýrafirði. Við Óshlíð hafi
hún og tvö önnur skynjað ósætti álfa
vegna Óshlíðarganga.
„Ég fékk prestinn í Bolungarvík og
tvo menn frá Ósafli til að koma,“ seg-
ir hún. Óskað hafi verið eftir fulltrú-
um bæjarstjórnarinnar, en þeir hafi
ekki komið. Vigdís segist vonsvikin
yfir því. Segir hún að við athöfnina hafi
hún og önnur skyggn kona heyrt þyt í
fjallinu og svo hafi grjót hrunið þar.
Það hafi þær túlkað sem samþykki.
Eftir slysið í gær sé hún hugsi hvort
þær hafi rangtúlkað skilaboðin.
Agnes Sigurðardóttir sóknar-
prestur staðfestir að hafa farið
með bæn við athöfnina í fyrradag,
sem fram fór í Ósvör.
Báðu álfa afsök-
unar í fyrradag
HULDUFÓLK ÓSÁTT VIÐ RASKIÐ?