Morgunblaðið - 24.06.2011, Side 6

6 FRÉTTIRInnlent
MORGUNBLAÐIÐ FÖSTUDAGUR 24. JÚNÍ 2011
Rafhitun
Varmadælur loft/loft, loft/vatn
Til upphitunar húsa og fyrir potta
Kaplahrauni 7a • Hafnarfirði • s. 565 3265 • fax 565 3260
rafhitun@rafhitun.is • www.rafhitun.is
Allt til
rafhitunar
FRÉTTASKÝRING
Halldór Armand Ásgeirsson
haa@mbl.is
Heildarmat fasteigna á Íslandi
hækkar um 6,8% fyrir árið 2012.
Heildarverðmætið verður tæplega
4.400 milljarðar króna. Heildarmat
íbúðarhúsnæðis á öllu landinu hækk-
ar jafnframt um 9% og verður tæp-
lega 2.900 milljarðar króna. Þjóð-
skrá Íslands birti í gær fasteigna-
matið fyrir árið 2012 sem miðast við
verðlag fasteigna í febrúar 2011 og
er nú ennfremur í fyrsta skipti birt á
vefnum.
Breytingar á fasteignamatinu eru
mjög mismunandi milli landsvæða
og jafnframt getur verið blæbrigða-
munur innan sömu hverfa.
Heildarfasteignamat á höfuðborg-
arsvæðinu hækkar um 6,3% og
mesta hækkunin á landinu er á
Norðurlandi vestra, 11,9%, en
minnsta hækkunin er á Austurlandi,
2,8%. Fasteignamatið í öðrum lands-
hlutum er jafnframt eftirfarandi: Á
Suðurnesjum hækkar það um 4,3%,
Vesturlandi um 9,6%, Vestfjörðum
um 9,9%, Norðurlandi eystra um
9,4% og Suðurlandi um 9,9%.
Fasteignaverð í grónum íbúða-
hverfum Reykjavíkur hækkar jafn-
framt umfram meðaltal á höfuðborg-
arsvæðinu. Mest hækkar það í
Vesturbænum vestan við Bræðra-
borgarstíg um 14,9% og í Hlíðunum
um 9,4%. Þorsteinn Arnalds, aðstoð-
arframkvæmdastjóri mats- og hag-
sviðs Þjóðskrár, benti jafnframt á
við kynningu fasteignamatsins í gær
að matið hækkaði minna á „þenslu-
svæðum“ á höfuðborgarsvæðinu.
Þetta á við um hverfi þar sem mikið
er af hálfbyggðum húsum og óseld-
um eignum eftir efnahagshrunið árið
2008, til dæmis í Úlfarsárdal, þar
sem matið hækkar um 5,4% og í
Kórahverfinu í Kópavogi sem hækk-
ar um 4,2%. Í Akrahverfinu í Garða-
bæ lækkar fasteignamatið jafnframt
um 0,2%.
Fasteignamat íbúðarhúsa á jörð-
um og öðru íbúðarhúsnæði í dreifbýli
breytist að jafnaði mun meira en mat
á öðrum eignum árið 2012. Það staf-
ar aðallega af þeirri ástæðu að að-
ferðir við mat á þessum eignum voru
verulega endurbættar fyrir þetta
nýjasta mat. Matsreglur fyrir allt
landið hafa nú verið endurskoðaðar í
samræmi við lögin sem tóku gildi ár-
ið 2009 um fasteignamat. Af þessum
sökum er hlutfallsleg hækkun á fast-
eignamati íbúðarhúsnæðis mun
meiri í sveitarfélögum í dreifbýli en
mörgum öðrum. Lýsandi dæmi fyrir
þessa þróun eru Helgafellssveit, þar
sem fasteignamat hækkar um 72,6%,
Ásahreppur, sem hækkar um 47%,
og Húnavatnshreppur og Súðavíkur-
hreppur sem hækka um 28,6% og
21,1%.
Bætt og betri vinnubrögð
Fasteignamarkaður hefur jafn-
framt tekið við sér í ár eftir að hafa
bókstaflega gufað upp í kjölfar efna-
hagshrunsins. 800 kaupsamningar
voru gerðir á fyrsta ársfjórðungi árið
2009, 1.000 á sama tímabili árið 2010
og 1.300 á fyrsta ársfjórðungi árið
2011.
„Það er ljóst að breytingin milli
ára er mjög mismunandi milli sveit-
arfélaga og jafnframt eftir eignum.
Þar sem nú er komin sú regla á að
birta matið svona snemma hafa
sveitarfélögin nægan tíma til að
íhuga það vel hvort þau vilja breyta
álagningargrundvöllum eða ekki,“
segir Karl Björnsson, framkvæmda-
stjóri Sambands íslenskra sveitarfé-
laga. Hann segir mjög mikilvægt að
sveitarfélögum gefist nú lengri tími
til viðbragða en áður. „Hér áður fyrr
kom matið fram þegar sveitarfélög
áttu að vera búin að ljúka sinni áætl-
unargerð. Þetta eru mjög bætt og
breytt vinnubrögð.“
Heildarmat hækkar um 6,8%
 Heildarverðmæti fasteigna á Íslandi verður 4.400 milljarðar árið 2012  Breyt-
ingar mjög misjafnar milli landsvæða  Framkvæmdastjóri SÍS lofar vinnubrögð
Fasteignamat
» Við endurreikning fast-
eignamats er tekið mið af
verðþróun einstakra eigna.
Mismunandi verðþróun getur
helgast af fjölmörgum þáttum,
t.d. staðsetningu eignar og
margvíslegum eiginleikum
hennar.
» Við endurmatið árið 2009
var nokkur fjöldi íbúðareigna
áfram metinn samkvæmt
matsaðferð frá árinu 2001.
Þetta mat hefur nú verið leið-
rétt og það leiðir til þess að
fasteignamat í ýmsum sveitar-
félögum í dreifbýli hækkar
óvenjulega mikið.
Dæmi um breytingar í einstökum sveitarfélögum Dæmi um breytingar íbúðarmats á höfuðborgarsvæði
Stykkishólmur +23,6%
Stykkishólmur +23,6%
Rangárþing Eystra +17,2%
Hveragerði +2,7%Vogar +1,1%
Skagafjörður +12,1% Akureyri +8,5%
Fljótsdalshérað +2,9%
Vesturbær, vestan Bræðraborgarstígs +14,9%
Hlíðar +9,4%
Bryggjuhverfi +3,6%
Grafarvogur (Hamrar, Foldir, Hús) +7,9%
Úlfarsárdalur +4,5%
Ártúnsholt/Höfðar +13,9%
Neðra-Breiðholt +3,9%
Kópavogur - Vesturbær +10,4%
Kópavogur - Kórar +4,2%Garðabær - Akrahverfi –0,2%
Hafnarfjörður +7,9%
Meðaltal á höfuðborgarsvæðinu +8,9%
Heimild: Þjóðskrá Íslands
Morgunblaðið/Ómar
Hús Víða á höfuðborgarsvæðinu standa mörg hálfkláruð mannvirki frá
uppsveiflutímanum. Þau lækka fasteignamat hverfanna sem þau standa í.
Lögreglan á höfuðborgarsvæðinu
handtók í fyrradag rúmlega tvítug-
an mann eftir að skotvopn fannst
við húsleit í Hafnarfirði. Við hús-
leitina fannst heimagerð byssa og
22 kalíbera skotfæri, ásamt lít-
ilræði af fíkniefnum.
Fram kemur í tilkynningu að lög-
reglan telji hugsanlegt að skot-
vopnið hafi verið notað til að vinna
skemmdarverk á ökutæki á Sel-
tjarnarnesi í síðustu viku. Þá segir
hún að á staðnum hafi einnig fund-
ist gögn sem tengist ætluðum með-
limum vélhjólahópsins Hells Ang-
els. Sá sem var handtekinn er
grunaður um að tengjast hópnum,
segir á vef lögreglunnar.
Heimagerð byssa
fannst við húsleit
Ljósmynd/Lögreglan
Grjótkrabbi var merktur í fyrsta
sinn í Hvalfirði í byrjun júní. Merk-
ingarnar eru samstarfsverkefni
nokkurra útgerðaraðila og rann-
sóknastofnana til að átta sig á stofn-
stærð.
Grjótkrabbinn er ný tegund við Ís-
land. Rannsóknir benda til þess að
hann hafi borist hingað frá sínum
náttúrulegu heimkynnum við aust-
urströnd Norður-Ameríku með kjöl-
festuvatni skipa. Hans varð fyrst
vart í Hvalfirði árið 2006 og hefur
fengist nokkuð víða við Vesturland
síðan þá. Hann getur orðið nokkuð
stór en hámarks-skjaldarbreidd
karldýra er á mörgum svæðum talin
vera um 14 cm og er krabbinn nytj-
aður nokkuð í upprunalegum heim-
kynnum sínum, að því er segir á
heimasíðu Hafrannsóknastofnunar.
Notuð voru hefðbundin örvamerki
en vandkvæði við merkingar á
krabbadýrum eru að merkin duga
yfirleitt ekki nema að næstu skel-
skiptum. Því gefa merkingarnar ein-
ungis upplýsingar um skamm-
tímafar.
Grjótkrabbi
merktur í Hvalfirði
Um 250 keppendur hafa skráð sig til
leiks á fyrsta landsmóti UMFÍ fyrir
keppendur 50 ára og eldri. Fleiri
munu bætast við því í sumar greinar
er hægt að skrá sig á keppnisdegi.
Mótið er haldið á Hvammstanga og
hefst í dag.
Keppt er í ýmsum greinum. Þátt-
taka er mest í golfi, botsía og pútti.
Keppt er í frjálsum íþróttum, sundi
og hestaíþróttum, að ógleymdum
starfsíþróttum sem skapa lands-
mótum UMFÍ sérstöðu.
Ungmennafélag Íslands heldur
landsmót og unglingalandsmót.
Nefnd sem stjórn Ungmennafélags
Íslands og Félags áhugafólks um
íþróttir aldraðra stofnuðu lagði til að
efnt yrði til þriðja landsmótsins, fyr-
ir iðkendur íþrótta sem orðnir eru
fimmtugir. Ungmennasamband
Vestur-Húnvetninga tók að sér að
halda mótið með stuttum fyrirvara.
„Það þarf mörg handtök en allir eru
svo viljugir og jákvæðir að það hálfa
væri nóg,“ segir Flemming Jessen
verkefnisstjóri en í gær var verið að
leggja lokahönd á undirbúning.
helgi@mbl.is
Flestir í golf, botsía og pútt
Morgunblaðið/Eggert
Golf Margir eldri borgarar stunda golf og hyggja á þátttöku í golfkeppninni
á Hvammstanga. Myndin er frá unglingalandsmótinu í Borgarnesi í fyrra.
 Fyrsta lands-
mót UMFÍ fyrir
50 ára og eldri á
Hvammstanga