Morgunblaðið - 24.06.2011, Page 19

FRÉTTIR 19Erlent
MORGUNBLAÐIÐ FÖSTUDAGUR 24. JÚNÍ 2011
Geert Wilders, leiðtogi Frelsis-
flokksins, PVV, í Hollandi, var sýkn-
aður í gær af kæru vegna meints
hatursáróðurs gegn múslímum en
hann hefur m.a. líkt kóraninum við
alræmt rit Adolfs Hitlers, Mein
Kampf. Wilders sagðist vera „ótrú-
lega hamingjusamur“ og sýknan
væri sigur fyrir málfrelsið í Hol-
landi. Hann hefur ávallt haldið því
fram að hann hafi fordæmt íslam en
ekki múslíma sem slíka.
Wilders sem er 47 ára vann mik-
inn sigur í síðustu þingkosningum og
ríkisstjórnin reiðir sig á stuðning
hans þótt PVV eigi ekki sæti í henni.
Dómarinn, Marcel van Oosten, sagði
að yfirlýsingar Wilders um íslam
væru ásættanlegar með tilliti til þess
að um opinbera umræðu væri að
ræða, þau rúmuðust innan laga um
tjáningarfrelsi. „Við álítum að enda
þótt þau séu ruddaleg og brenglandi
hafi þau ekki ýtt undir hatur,“ sagði
van Oosten.
Wilders var kærður fyrir haturs-
fullt tal og mismunun vegna harðrar
andstöðu gegn íslam sem kom fram
á vefsíðu hans, spjallsíðum á netinu,
í blaðafréttum og síðast en ekki síst í
umdeildri kvikmynd Wilders um ísl-
am, Fitna.
Málið gegn honum var höfðað af
nokkrum samtökum minnihlutahópa
sem fullyrtu að með málflutningi
sínum hefði Wilders ýtt undir mis-
munun gagnvart múslímum og of-
beldi gegn þeim. Fulltrúar þeirra
sögðu áður en dómur féll að íhugað
yrði að áfrýja til Mannréttinda-
dómstóls Evrópu ef Wilders yrði
sýknaður. kjon@mbl.is
Sýknaður af
kæru um hatur
Reuters
Kampakátur Wilders á leið úr réttarsal í gær eftir að hafa verið sýknaður.
Kristján Jónsson
kjon@mbl.is
Samúð flestra á Vesturlöndum er
með almenningi í arabalöndum sem
risið hefur upp gegn spilltum ein-
ræðisherrum. En kristnir minni-
hlutahópar eru uggandi vegna þess
að þeir óttast að hlutskipti þeirra
geti jafnvel orðið enn verra í kjölfar
„arabíska vorsins“ vegna aukinna
áhrifa íslamskra trúarofstækis-
manna ef einræðisöflunum verði
velt úr sessi, segir The New York
Times.
Fyrir nokkrum mánuðum tóku
bæði kristnir koptar og múslímar
þátt í mótmælunum gegn Hosni
Mubarak á Tahrir-torgi í Kaíró, all-
ir vildu lýðræði og frelsi. En að
undanförnu hafa ofstækismenn úr
röðum svonefndra salafista ráðist á
kirkjur og brennt þær. Víða í
arabalöndum eru það nú veikburða
og jafnvel hrynjandi einræðistjórnir
eða nýir og óreyndir valdhafar sem
reyna að halda aftur af ofstækisöfl-
unum.
„Gæti jafnvel orðið verra“
„Ef ekki verður breyting til hins
betra munum við hafna í sama fari
og við vorum, þetta gæti jafnvel
orðið verra,“ segir Antonios Nagu-
ib, patríarki kopta í Alexandríu.
Helmingur kristinna Íraka, um
800 þúsund manns, hefur þegar yf-
irgefið landið vegna ofsókna en fyr-
ir tíma Múhameðs á sjöundu öld
voru flestir íbúar Mið-Austurlanda
kristnir. Antoine Audo, biskup
kristinna kaldea í Aleppo í Sýr-
landi, segir að uppreisnin gegn
Bashar al-Assad geti merkt enda-
lokin fyrir söfnuðinn en kaldear eru
um 850 þúsund í Sýrlandi. „Ef það
verður skipt um stjórn lýkur sögu
kristni í Sýrlandi,“ segir Audo. „Ég
sá hvað gerðist í Írak.“
Kristnir ofsóttir
í löndum ara-
bíska vorsins
 Íslömsk ofstækisöfl fá aukið ráðrúm
Í hættu Sakramenti útdeilt í kirkju
safnaðar kaldea í Sýrlandi.
Langflestir eru súnnítar
» Margir minnihlutahópar trú-
flokka búa í löndum eins og
Sýrlandi, Írak og Egyptalandi.
» Súnní-múslímar eru víðast
hvar í miklum meirihluta.
» Aðeins í Líbanon eru kristnir
öflugir, sennilega um þriðjung-
ur landsmanna.
» Koptar, sem tilheyra forn-
kristnum söfnuði, eru um 10%
íbúa Egyptalands.
Fundist hefur áð-
ur óþekktur ind-
íánaættflokkur í
Javari-dal í Bras-
ilíu og er talið að
alls sé um 200
manns að ræða.
Loftmyndir sýna
maís- og banana-
ekrur á svæðinu,
að sögn Dagens
Nyheter.
Byggðin er skammt frá landa-
mærunum að Perú en þar fundust
fjórir bæir í flugleiðangri í apríl. Á
heimasíðu Funais, samtaka indíána,
segir að líklega tali fólkið mál sem
skylt sé indíánatungunni Panóa.
Brasilísk stjórnvöld hafa bannað
almenningi öll samskipti við þessa
einangruðu ættflokka af ótta við að
þeir geti smitast af sjúkdómum sem
þeir hafi ekki áður kynnst.
kjon@mbl.is
Áður óþekktur
indíánaættflokkur
finnst í Brasilíu
Í frumskóginum.
Hollenska þingið samþykkti í fyrra-
dag lög sem gera farsímafyrir-
tækjum ókleift að hindra eða
heimta greiðslu fyrir símtöl fólks
sem notar Skype eða önnur þjón-
ustufyrirtæki til að hringja um net-
ið. Slík samtöl kosta nánast ekkert
miðað við hefðbundin símtöl.
Fari svo að lögin verði samþykkt
einnig í öldungadeild landsins
verða Hollendingar fyrsta Evrópu-
þjóðin sem ákveður að um símtöl
skuli gilda sama regla og annan
gagnaflutning á netinu, að netið
skuli vera „hlutlaust“.
Netþjónustufyrirtæki segjast
verða að greina símtölin frá öðrum
flutningum vegna þess að ella muni
símtölin hægja svo mikið á annarri
þjónustu. Og farsímafyrirtæki berj-
ast eðlilega gegn nýju lögunum þar
sem þau reikna með að missa spón
úr askinum ef enn fleiri fari að
hringja um netið. kjon@mbl.is
Alfrjáls netsímtöl
 Hollendingar ríða á vaðið í Evrópu
Kristján Jónsson
kjon@mbl.is
Vestrænir bandamenn með her í
Afganistan voru fljótir að bregðast
við þeirri ákvörðun Baracks Obama
Bandaríkjafor-
seta í fyrradag að
kalla heim alls 33
þúsund hermenn
frá Afganistan á
þessu ári og
næsta. Þetta
merkir hraðari
fækkun en stefnt
hafði verið að.
Frakkar ætla að
draga 4.000
manna lið sitt heim á næstu mán-
uðum og Bretar og Þjóðverjar fögn-
uðu yfirlýsingu Obama. Hamid
Karzai, forseti Afganistans, sagði að
um rétta ákvörðun væri að ræða sem
gagnast myndi „hagsmunum beggja
ríkjanna“. Traust þjóðarinnar á afg-
anska hernum væri óðum að eflast
og það væri hlutverk Afgana sjálfra
að vernda land sitt.
Þegar búið verður að kalla 33.000
bandaríska hermenn heim verða um
68.000 eftir. Þeir eiga að hverfa á
braut árið 2013 en það er þó háð því
skilyrði að afganskar öryggissveitir
séu í stakk búnar að taka við
öryggismálunum, segir Obama.
Ljóst er að forsetinn tók ákvörð-
unina þvert á ráð yfirmanna hersins
sem vilja bíða með að veikja herinn í
Afganistan þar til búið sé að treysta í
sessi árangurinn í baráttunni gegn
talibönum. Og viðbrögðin heima fyr-
ir voru blendin. Obama tókst hvorki
að þóknast fyllilega þeim fylkingum í
báðum stóru flokkunum sem vilja
annars vegar halda ótrauðir áfram
og hinum sem segja nóg komið.
Andstaða meðal kjósenda við
hernaðinn fer vaxandi, það sýna
kannanir og Obama vill ná endur-
kjöri 2012. Margir spyrja hvers
vegna Bandaríkin, sem
kljást við geigvænlegan
fjárlagahalla, eigi að verja
hundruðum milljarða doll-
ara næstu árin í stríð í Afg-
anistan þegar sjálfur
Osama bin Laden er fallinn.
Nær sé að sinna betur
heimavígstöðvunum.
Obama flýtir heim-
kvaðningu hermanna
 Kostnaðurinn við hernaðinn í Afganistan þungur baggi
Þótt Karzai forseti beri sig vel
er ljóst að margir Afganar eru
nú uggandi um að Bandaríkin
endurtaki mistökin sem þeir
gerðu þegar skæruliðum hafði
tekist, með aðstoð Bandaríkja-
manna, að reka sovéska herinn
frá Afganistan 1989. Þá hættu
Bandaríkjamenn að sýna land-
inu nokkurn áhuga.
Nær ekkert var gert til að
aðstoða Afgana við að reisa
landið úr rústum stríðsins og
borgarastríð hófst. Tæp-
um áratug síðar var Afg-
anistan komið í hendur
talíbana. Þeir reyndu
að færa allt þjóðlífið
aftur til miðalda og
gerðu landið að
hæli fyrir alþjóð-
legu hryðjuverka-
samtökin al-Qaeda.
Endurtekning?
AFGANAR GÆTU GLEYMST
Indónesískar konur bíða í Bekasi á
Jövu eftir því að fá leyfi til að fara
til Sádi-Arabíu. Forseti Indónesíu
hefur ákveðið að frá 1. ágúst verði
Indónesum bannað að taka að sér
störf í Sádi-Arabíu en sl. laugardag
var 54 ára gömul kona frá Indónes-
íu, sem vann þar sem húshjálp,
hálshöggvin. Var hún sökuð um að
hafa myrt vinnuveitanda sinn. Með-
ferð Sádi-Araba á erlendu verka-
fólki er sögð vera skelfileg.
Reuters
Samt á leiðinni til Sádi-Arabíu
Barack
Obama