Morgunblaðið - 08.07.2011, Blaðsíða 4
4 FRÉTTIRInnlent
MORGUNBLAÐIÐ FÖSTUDAGUR 8. JÚLÍ 2011
Útsalan
er hafin!20
30
40 50
60
70blær
FRÉTTASKÝRING
Önundur Páll Ragnarsson
onundur@mbl.is
Hanna Birna Kristjánsdóttir, oddviti
sjálfstæðismanna í borgarstjórn, seg-
ir ljóst af ummælum Ögmundar Jón-
assonar innanríkisráðherra að ríkis-
valdið skilji drög að samkomulagi um
endurbætur á flugvallaraðstöðunni í
Vatnsmýri ólíkum skilningi en borg-
aryfirvöld. Hún segir eðlilegast að
Jón Gnarr borgarstjóri tjái sig um
það, sem viðsemjandi Ögmundar,
hvort túlka beri þetta samkomulag
með sama hætti og ráðherrann gerir.
Að öðru leyti vill hún ekki tjá skoð-
anir sínar á drögunum, enda hafi þau
ekki verið lögð fram formlega.
Ekki náðist í Jón Gnarr borgar-
stjóra, aðstoðarmann hans, né Dag B.
Eggertsson, formann borgarráðs, í
gær. Í drögunum, sem Morgunblaðið
hefur undir höndum, er tekið fram að
fallið sé frá fyrri áformum um bygg-
ingu samgöngumiðstöðvar í Vatns-
mýri. Þar segir þó einnig að ríki og
borg ítreki þann sameiginlega skiln-
ing að „hugmyndir um sameiginlega
miðstöð almenningssamgangna
(strætisvagna og langferðabíla) norð-
an flugvallarsvæðisins“ hafi ekki ver-
ið útilokaðar. Hver veit því nema þar
leynist framhald áformanna um sam-
göngumiðstöð, enda getur rútubíla-
stöð á hugmyndastigi snarlega breyst
í flugstöð.
„Eins og þetta horfir við mér lýtur
þetta samkomulag fyrst og fremst að
því að hætta við samgöngumiðstöð-
ina,“ segir Sóley Tómasdóttir, borg-
arfulltrúi VG. Hún kveðst sátt við
það, enda felist ekki í því nein breyt-
ing á áætlunum borgar og ríkis að
öðru leyti, nema hvað gera eigi end-
urbætur til bráðabirgða á núverandi
flugstöð „með þeim fyrirvara að við-
bæturnar verði teknar í burtu án við-
bótarkostnaðar fyrir borgina, þegar
flugvöllurinn víkur,“ segir Sóley.
Langt ferli sem varð að litlu
Hugmyndir um samgöngumiðstöð
í Vatnsmýri komu fyrst fram í byrjun
ráðherratíðar Sturlu Böðvarssonar.
Sem samgönguráðherra sagði hann
árið 1999 að byggja ætti í Vatnsmýri
„allsherjar samgöngumiðstöð“. Árið
2004 skipaði hann undirbúningshóp,
sem lagði til að miðstöðin yrði reist
norðan við Hótel Loftleiðir. Í mars
2005 gerðu ríki og borg, undir stjórn
Steinunnar Valdísar Óskarsdóttur,
samkomulag um Hlíðarfót, fjarlæg-
ingu einnar flugbrautar og deiliskipu-
lagsvinnu vegna sam-
göngumiðstöðvar, sem ekki varð af. Í
febrúar 2010 gerðu svo
Kristján Möller og
Hanna Birna Kristjáns-
dóttir samkomulag
um að samgöngu-
miðstöðin yrði
færð inn á deili-
skipulag fyrir
vorið, en af því
varð ekki.
Jón túlki skilning
borgar á drögum
Drögin útiloka ekki „sameiginlega miðstöð samgangna“
Morgunblaðið/Ernir
Notalegt Flugfarþegar geta látið fara vel um sig á meðan beðið er á Reykjavíkurflugvelli. Á næstunni stefnir þó í
að aðstaðan verði jafnvel enn betri. Gera á endurbætur á flugstöð Íslandsflugs og mun Isavia taka við rekstrinum.
Hjalti Geir Erlendsson
hjaltigeir@mbl.is
Landsvirkjun hefur sagt upp öllum
sölusamningum um skerðanlega
orku frá og með áramótum. Orku-
sölufyrirtækjunum hafa verið kynnt-
ir nýir skilmálar og nýtt verð og
þeim eftirlátið að gera viðskiptavin-
um gein fyrir hvað sé í farvatninu.
Andri Teitsson, framkvæmda-
stjóri orkusölufyrirtækisins Fall-
orku á Akureyri, segir flest benda til
þess að skerðanleg orka muni hækka
um allt að 50%. Þá geri nýir skil-
málar kröfu um lágmarksorkukaup
og það bitni mjög á litlum og með-
alstórum fyrirtækjum.
„Menn eru slegnir yfir þessari
miklu hækkun. Það getur varla verið
vilji stjórnvalda að hrekja menn aft-
ur út í notkun á olíu. Sumir eru ný-
lega búnir að fjárfesta í búnaði með
það fyrir augum að kaupa ótrygga
orku næstu 10 eða 20 árin. Það koll-
varpar þeirra áætlunum.“
Umrædd orka hefur verið seld síð-
an árið 1990 með fyrirvara um skerð-
ingu af hálfu Landsvirkjunar t.d.
vegna framleiðslubrests. Vegna
slíkra óvissuþátta hefur orkan verið
seld mun ódýrara en svokölluð for-
gangsorka sem venjuleg heimili og
fyrirtæki nota. Samningar um kaup
á skerðanlegri orku hafa því komið
sér afar vel fyrir stóra orkukaupend-
ur t.d. fiskvinnslur, iðnfyrirtæki og
mjólkursamlög. Fyrirtækin þurfa að
hafa möguleika á að framleiða raf-
magn með olíu þá daga á ári sem þau
fá ekki raforku. Það hefur því ekki
verið á allra færi að nýta sér skerð-
anlegu orku. Ekki hafa verið gerðir
sölusamningar síðan árið 2003. Því
hefur nýjum aðilum ekki gefist kost-
ur á kaupum á skerðanlegri orku.
Skerðanleg orka áfram í boði
Magnús Bjarnason, framkvæmda-
stjóri markaðs- og viðskiptaþróunar
Landsvirkjunar, segir að fyrirtækið
hafi upphaflega boðið skerðanlega
orku á góðum kjörum til að fá fyr-
irtæki sem notuðust við olíu til að
skipta yfir í rafmagn. Hann segir að-
stæður á orkumarkaði gjörbreyttar.
„Við höfum fullan hug á því að halda
áfram að selja skerðanlega orku til
viðskiptavina sem hafa áhuga á að
kaupa slíkt. Við þurfum hins vegar
að gera það á þeim forsendum sem
gilda á þessum markaði,“ segir
Magnús. Þetta sé hluti af markaðs-
væðingu raforkukerfisins. Lands-
virkjun hafi gripið til þess að segja
upp gildandi samningum en á sama
tíma sé verið að kynna nýja vöru sem
muni bjóðast þeim sem hafi áhuga á
að kaupa slíka orku. Til standi að
bjóða tvenns konar skerðanlega
orku. Annars vegar til húshitunar og
hins vegar til fyrirtækja. „Verðið á
orku til húshitunar mun taka mið af
verðþróun af öðrum orkugjöfum sem
notaðir eru til húshitunar. Verðið til
iðnfyrirtækja mun hins vegar ráðast
af framboði og eftirspurn,“ segir
Magnús.
Hafa sagt upp
öllum sölu-
samningum
Landsvirkjun hyggst markaðsvæða
viðskipti með skerðanlega orku
Ljósmynd/Gísli Sigurgeirsson
Orka Landsvirkjun hefur sagt upp
sölusamningum á skerðanlegri orku.
Skerðanleg orka?
» Frá 1990 bauðst orkufrekum
fyrirtækjum að kaupa skerð-
anlega orku á lágu verði frá
Landsvirkjun.
» Skerðanleg orka er seld með
fyrirvara um skerðingu af hálfu
Landsvirkjunar m.a. vegna
framleiðslubrests.
» Fyrirtækin þurfa því að hafa
varaorkugjafa t.d. olíu.
Hjörtur J. Guðmundsson
hjorturjg@mbl.is
„Það var viðurkennd bótaskylda og
samkomulag tókst um bætur til
handa konunni,“ segir Jón Egilsson,
lögmaður konu sem þvinguð til þess
að gefa þvagsýni um þvaglegg af
lögreglunni á Selfossi fyrir rúmum
fjórum árum.
Aðspurður segir Jón að upphæð
bótanna til konunnar sé trún-
aðarmál, en gengið var frá sáttinni í
málinu 5. júlí síðastliðinn.
Brot á mannréttindum
Konan var stöðvuð fyrir ölvunar-
akstur 4. mars 2007 og færð á lög-
reglustöðina á Selfossi þar sem tekið
var úr henni þvagsýni um þvaglegg
gegn vilja hennar. Var henni haldið
fastri á meðan sýnið var tekið. Í kjöl-
farið var konan dæmd fyrir ölvunar-
akstur í Héraðsdómi Suðurlands og
var dómurinn síðan staðfestur af
Hæstarétti.
Málið fékk mikla umfjöllun í þjóð-
félaginu á sínum tíma og ekki síst í
fjölmiðlum. Ákvað Umboðsmaður
Alþingis að taka það upp að eigin
frumkvæði og komst í framhaldinu
að þeirri niðurstöðu að brotið hafi
verið gegn réttindum konunnar með
vísan í Mannréttindasáttmála Evr-
ópu. Þá hefði lögreglan ekki gætt
meðalhófs í framgöngu sinni. Nið-
urstaða málsins varð síðan sem áður
segir að sátt náðist í vikunni um að
ríkið greiddi konunni bætur vegna
þess.
Sannaði gildi sitt
Jón segir skjólstæðing sinn sér-
staklega þakklátan Umboðsmanni
Alþingis fyrir aðkomu sína að mál-
inu. „Hann var eina stofnunin í sjálfu
sér sem hafði kjark og þor til þess að
finna að verklagi lögreglunnar.
Embættið sannaði sig algerlega í
þessu máli,“ segir Jón. Þá hafi Ög-
mundur Jónasson innanríkis-
ráðherra og Einar Karl Hallvarðs-
son ríkislögmaður fundað með henni
og sýnt henni skilning.
Bætur vegna þvagleggsmáls
Morgunblaðið/GSH
Stöðin Konan var þvinguð til að
veita þvagprufu á lögreglustöðinni.
Sátt í máli konu sem þvinguð var til að veita þvagsýni
Tveir fyrrverandi samgöngu-
ráðherrar hafa verið miklir tals-
menn samgöngumiðstöðvar.
Sturla Böðvarsson (1999-2007)
segir þessa niðurstöðu von-
brigði. Miðstöðin hafi verið for-
senda viðunandi uppbyggingar í
samgöngukerfinu, en með þessu
sé verið að eyðileggja skipulags-
möguleika í kerfinu. Hann fagnar
þó einarðri afstöðu Ögmundar
Jónassonar innanríkisráðherra í
málinu.
Kristján Möller (2007-2009)
kveðst harma niðurstöðuna. Eft-
ir á að hyggja komi hún hins veg-
ar ekki á óvart þar sem hugur
hafi aldrei fylgt máli hjá borgar-
stjórn. Ríkið hafi gert allt til að
koma til móts við kröfur
hennar en samt hafi
málið strandað á
borginni. Hann
hafi styrkst í
þeirri trú að
miðstöð inn-
anlandsflugs
eigi að vera í
Vatnsmýri.
Ósáttir við
niðurstöðuna
FYRRVERANDI RÁÐHERRAR
Kristján Möller og
Sturla Böðvarsson