Morgunblaðið - 08.07.2011, Blaðsíða 20

20 FRÉTTIRErlent
MORGUNBLAÐIÐ FÖSTUDAGUR 8. JÚLÍ 2011
Kristján Jónsson
kjon@mbl.is
Barack Obama Bandaríkjaforseti er
nú gagnrýndur fyrir að hafa heim-
ilað að sómölskum karlmanni, grun-
uðum um hryðjuverk, skyldi haldið
föngnum með leynd á herskipi í tvo
mánuði án þess að koma fyrir dóm-
ara. Breska blaðið Guardian segir
vísbendingar um að stjórnvöld í
Washington hafi nú ákveðið að nota í
vaxandi mæli herskip sem yfir-
heyrslustöðvar í stríðinu gegn
hryðjuverkum og losna þannig við
vandamálin sem komu upp vegna
Guantanamo-búðanna og hins um-
deilda fangaflugs.
Fanginn er Sómali, heitir Ahmed
Abdulkadir War-
same og var
handsamaður á
báti milli Jemens
og Sómalíu 19.
apríl. Bandaríkja-
menn munu hafa
fengið upplýsing-
ar um að í bátnum
væru ef til vill
mikilvægir
hryðjuverkaleið-
togar. Flogið var með hann til New
York á mánudag og verður hann þar
ákærður fyrir að aðstoða tvo hryðju-
verkahópa íslamista: annars vegar
al-Shabab í Sómalíu og hins vegar
deild al-Qaeda í Jemen. Einnig er
hann sakaður um að hafa átt hlut að
því að skipuleggja kennslu í
sprengjugerð og hafa fengið her-
þjálfun hjá al-Qaeda. Warsame neit-
ar öllum sakargiftum.
Talsmenn mannréttinda segja að
brotið hafi verið gróflega á mann-
inum, hann hafi hvorki verið leiddur
fyrir dómara né fengið verjanda.
Repúblikanar hafa hins vegar and-
mælt því að réttað sé yfir Warsame
hjá borgaralegum dómstóli í New
York, um sé að ræða mann sem ekki
eigi að njóta hefðbundinna, borgara-
legra réttinda. En Obama vill eðli-
lega ekki fjölga föngum í Guant-
anamo. Eitt af kosningaloforðum
hans var að loka búðunum, reyndar
innan árs frá því að hann tæki við
embætti; það gekk þó ekki eftir.
Sómali var fangi á
bandarísku herskipi
 Obama forseti sakaður um að heimila mannréttindabrot
Barack
Obama
Vilja ekki
fleiri inn-
flytjendur
Norðmenn virð-
ast verða stöðugt
ósáttari við að
fleiri innflytj-
endur fái að setj-
ast að í landinu,
ef marka má nýja
könnun stofnunar
sem annast mál-
efni aðlögunar og
fjölbreytileika,
segir í Aftenpost-
en. 53,7% aðspurðra sögðust ekki
vilja að fleiri innflytjendur kæmu til
landsins; hlutfallið var 45,8% 2005.
Nú segja 48,7% að illa eða mjög
illa hafi tekist að tryggja aðlögun
innflytjenda að samfélaginu, það er
12 prósentustigum hærra en þegar
síðast var spurt. 60% álíta að orsökin
sé að innfæddir Norðmenn leggi sig
ekki nógu mikið fram við að tryggja
aðlögun en 83,5% skella skuldinni á
innflytjendurna sjálfa og 80% segja
að þeir verði að standast norskupróf
til að fá ríkisborgararétt. Fjórir af
hverjum tíu segja innflutning ógna
„norskum gildum“ og sama hlutfall
er á móti því að múslímakonur hylji
sig með slæðu á almannafæri.
Um hálf milljón innflytjenda býr
nú í Noregi. Ekki eru öll viðhorf nei-
kvæð; 88% aðspurðra segja að inn-
flytjendur eigi að hafa sama rétt til
vinnu og innfæddir. kjon@mbl.is
Landamærastöð í
Norður-Noregi.
Aðlögun sögð mis-
heppnuð í Noregi
Kristján Jónsson
kjon@mbl.is
Hleranamálið í Bretlandi tók í gær
óvænta stefnu þegar eigendur viku-
blaðsins News of the World ákváðu
að loka blaðinu, síðasta blaðið mun
koma út á sunnudag og verða engar
keyptar auglýsingar í því. Sky-
sjónvarpsstöðin birti skyndilega yfir-
lýsingu þessa efnis frá James Mur-
doch, forstjóra News Corp., eiganda
News of the World, Sky og margra
annarra öflugra fjölmiðla í Bretlandi,
Bandaríkjunum og víðar.
Vangaveltur voru um það í gær-
kvöld að í reynd stæði aðeins til að
skipta um nafn á blaðinu, það myndi
framvegis koma út sem sunnudags-
útgáfa Sun sem einnig er í eigu News
International. News of the World
hefur verið mest selda blað í Bret-
landi, vikuupplag var um 2,8 millj-
ónir. Það hefur sætt harðri gagnrýni
síðustu daga vegna umræddra hler-
ana. Mörg stórfyrirtæki ákváðu í vik-
unni að hætta að auglýsa í því en svo
virðist sem blaðið hafi stundað víð-
tækar símhleranir og einnig greitt
lögreglumönnum mútur fyrir upplýs-
ingar á fyrri hluta síðasta áratugar.
Mikla reiði vakti að með hler-
unum einkaspæjara blaðsins var lög-
reglurannsókn á morði ungrar stúlku
spillt og foreldrum gefnar falskar
vonir um að hún væri enn á lífi. Grun-
semdir eru um að blaðið hafi líka
brotist inn í síma ættingja annarra
fórnarlamba morðingja, fólks sem
missti ástvini í tilræðunum í Lund-
únum 7. júlí 2005 og aðstandenda fall-
inna hermanna í Afganistan og Írak.
Hleranahneyksli felldi götublaðið
 Murdoch ákvað að loka News of the World eftir að auglýsendur ákváðu að
hunsa blaðið og hlutabréf í fjölmiðlaveldinu News Corp. hríðféllu á mörkuðum
Reuters
Sorg Aðstandendur við minnisvarða
í gær um þá sem féllu 7.7. 2005.
Miklir hagsmunir
» Murdoch harmar í bréfi
sínu að blaðið hafi sent breska
þinginu yfirlýsingar án þess að
hafa allar staðreyndir á hreinu.
» Verð á hlutabréfum News
Corp. hefur fallið hratt.
» Einnig gæti leyfi News
Corp. til að taka yfir sjónvarps-
fyrirtækið Sky fallið niður. Um
er að ræða viðskipti upp á 12
milljarða dollara.
Stöðugt er deilt um það hvort far-
símar geti valdið krabbameini. En
að sögn fréttavefs ABC-sjónvarps-
stöðvarinnar bandarísku er einnig
deilt um hættuna sem búnaði í flug-
vélum stafi af notkun farsíma í vél-
unum. Sumir farþegar hunsi allar
viðvaranir.
En vefurinn segist hafa komist
yfir leynilega skýrslu Alþjóða-
samtaka flugfélaga, IATA, um mál-
ið. Þar komi fram að árin 2003-2009
hafi verið skýrt frá 75 tilfellum þar
sem hugsanlegt sé að farsímar og
önnur rafeindatæki hafi valdið
truflunum á búnaði vélanna.
Truflanir urðu m.a. á stjórntækj-
um eins og sjálfstýringu, einnig
lendingarbúnaði, flugleiðsögu-
tækjum og fjarskiptabúnaði.
kjon@mbl.is
Trufla farsím-
arnir búnað far-
þegaflugvéla?
Þátttakendur á miklu íþróttamóti í Zhoushan í Zheji-
ang á austurströnd Kína kepptu í leðjuhandbolta í gær.
Yfir 400 manns taka þátt í leðjumótinu þar sem keppt
verður einnig í grindahlaupi og fleiri greinum. Klasi
með um 1390 eyjum, þar af 103 byggðum, myndar Zho-
ushan-hérað sem er við mynni Hangzhou-flóa. Íbúar
eru nær ein milljón. Fyrr á öldum notuðu kínverskir og
japanskir sjóræningjar eyjaklasann sem bækistöð.
Reuters
Leðjan engin hindrun í handbolta
Grábjörn drap göngumann í Yell-
owstone-þjóðgarðinum í Bandaríkj-
unum á þriðjudag þegar hann og
konan hans gengu fram á birnu og
húnana hennar. Konuna sakaði
ekki. Er þetta í fyrsta sinn í 25 ár
sem grábjörn verður manni að bana
í þjóðgarðinum.
Grábirnir eru nú friðaðir, þeir
geta orðið allt að 680 kíló að þyngd.
Þrátt fyrir stærðina geta þeir náð
55 kílómetra hraða á klukkustund.
Oftast forðast þeir menn en geta
verið árásargjarnir ef þeim finnst
afkvæmum sínum ógnað.
Grábjörn drap
göngumann
Þúsundir stuðningsmanna Júlíu Tímosjenkó, fyrrverandi forsætisráðherra
Úkraínu og nú sakbornings í fjársvikamáli, efndu í gær til mótmæla í Kíev
gegn fyrirhuguðum breytingum á eftirlaunalögum. Eftirlaunaaldur
kvenna verður m.a. hækkaður. Umbæturnar eru forsenda þess að landið
fái 15 milljarða dollara lán hjá Alþjóðagjaldeyrissjóðnum í Washington.
Reuters
Mótmæli í Kíev
Skannaðu kóðann
til að lesa meira
um hleranirnar.