Morgunblaðið - 09.08.2011, Qupperneq 14
14 FRÉTTIRInnlent
MORGUNBLAÐIÐ ÞRIÐJUDAGUR 9. ÁGÚST 2011
Um sextíu nemendur verða í alþjóð-
legum sumarskóla í hand-
ritafræðum sem hefst í dag.
Skólinn er á vegum Stofnunar
Árna Magnússonar í íslenskum
fræðum og Den Arnamagnæanske
Samling í Kaupmannahöfn í sam-
vinnu við Háskóla Íslands, Lands-
bókasafn Íslands – Háskóla-
bókasafn og háskólana í Tübingen
og Zürich.
Nemendurnir fá m.a. innsýn í
gerð handrita, fræðslu um sögu og
einkenni norrænna handrita og
veitt tilsögn í handritalestri.
Fræðast um handrit
Á sýningu Félags eldri borgara í
Hveragerði, sem er hluti af bæjarhá-
tíðinni Blómstrandi dögum, verður
leitast við að draga upp mynd af til-
urð skáldanýlendunnar í Hveragerði
upp úr 1940. Kjarni sýningarinnar,
sem ber heitið Hveragerði – vin
skáldanna, er upplýsingatöflur sem
varpa ljósi á hvað varð til þess að
mörg skáld fluttu til Hveragerðis.
Skáldin og verk þeirra eru síðan
tekin fyrir og lífsverki þeirra gerð
skil.
Skáldin sem fluttu til Hveragerðis
hernámsárið 1940 og næstu árin á
eftir eygðu von um betri og hag-
kvæmari kjör og aðbúnað. Fréttir
bárust um ódýra hitun í húsum og að
matseld færi jafnvel fram í hver-
unum sjálfum. Fyrstir fluttu Jóhann-
es úr Kötlum með fjölskyldu sína og
Kristmann Guðmundsson. Önnur
skáld sem tekin eru sérstaklega fyr-
ir á sýningunni eru Gunnar Bene-
diktsson og kona hans Valdís Hall-
dórsdóttir, séra Helgi Sveinsson og
Kristján frá Djúpalæk.
Ýmsir afkomendur skáldanna
hafa lánað myndir og muni og sýnd-
ir verða gamlir sjónvarpsþættir þar
sem rætt er við skáldin og flutt verk
eftir þau.
Sýningin er í Þorlákssetri, félags-
heimili FEBH að Breiðumörk 25b,
annarri hæð, og verður opnuð föstu-
daginn 12. ágúst klukkan 13.
Skáldin Jóhannes úr Kötlum, Kristmann Guðmundsson, Gunnar Benediktsson og kona
hans Valdís Halldórsdóttir, séra Helgi Sveinsson og Kristján frá Djúpalæk.
Dregin upp mynd af tilurð skáldanýlend-
unnar í Hveragerði á Blómstrandi dögum
Hólahátíð á Hólum í Hjaltadal hefst
nk. föstudag. Á dagskránni kennir
ýmissa grasa og má t.d. nefna að á
sunnudaginn verður morgunsöng-
ur í Hóladómkirkju kl. 9 og dagskrá
í Auðunarstofu kl. 11 sem helguð er
minningu Halldóru Árnadóttur,
konu Guðbrands Þorlákssonar
biskups. Unnið hefur verið við for-
vörslu á legsteini Halldóru sem er
jafnframt elsti legsteinn Hóladóm-
kirkju en Halldóra lést 1585. Sól-
veig Jónsdóttir steinforvörður seg-
ir frá vinnunni við steininn og flutt
verður erindi Sigurjóns Páls Ísaks-
sonar um Halldóru.
Hátíðarmessa verður í Hóladóm-
kirkju kl. 14. Sr. Dalla Þórðardóttir
prófastur prédikar, Jón Aðalsteinn
Baldvinsson vígslubiskup, Karl Sig-
urbjörnsson, biskup Íslands, og
fleiri prestar þjóna fyrir altari. Há-
tíðinni lýkur síðan með hátíðar-
samkomu í Dómkirkjunni kl. 16.30.
Hólaræðuna flytur Sigmundur Dav-
íð Gunnlaugsson alþingismaður.
Skáld Hólahátíðar er Einar Már
Guðmundsson.
Morgunblaðið/Skapti Hallgrímsson
Hátíð Mikið verður um að vera á Hólum í
Hjaltadal um helgina.
Halldóru Árnadóttur
minnst á Hólahátíð
Frá árinu 1985 hafa íslenskir friðarsinnar
fleytt kertum í minningu fórnarlamba kjarn-
orkuárásanna á japönsku borgirnar Híró-
síma og Nagasakí 6. og 9. ágúst 1945 og til að
leggja áherslu á kröfu sína um friðsaman
heim án kjarnorkuvopna. Kertum verður því
fleytt í kvöld og er það tuttugasta og sjöunda
kertafleytingin. Um er að ræða hefð sem er
upprunin í Japan. Að minnsta kosti 120 þús-
und manns fórust í árásunum á Hírósíma og
Nagasakí. Í kvöld verður safnast saman við suðvesturbakka Tjarnarinnar
kl. 22.30. Borgarstjórinn í Reykjavík, Jón Gnarr, mun flytja ávarp.
Kertafleytingin er á vegum Samstarfshóps friðarhreyfinga, sem er sam-
starfsverkefni sjö friðarsamtaka og hópa.
Kertafleyting á Tjörninni í Reykjavík
Búast má við töfum á Miklubraut í
dag og næstu daga. Unnið er að
malbikun Miklubrautar frá Grens-
ásvegi að Melatorgi og gert er ráð
fyrir að framkvæmdum ljúki 11.
ágúst næstkomandi.
Í tilkynningu frá lögreglunni á
höfuðborgarsvæðinu segir að ein
akrein sé lokuð í einu og búast megi
við umferðartöfum vegna þessa á
leiðinni.
Tafir á Miklubraut
STUTT
ÚR BÆJARLÍFINU
Atli Vigfússon
Þingeyjarsýsla
Sprettutíðin undanfarið hefur
verið mikil uppbót fyrir alla þá sem
voru búnir að fá nóg af kuldanum
fyrr í sumar. Stundum hefur mátt
sjá grasið spretta og er það mikil
breyting. Júnímánuður var óvenju-
lega kaldur og muna fáir eftir því
að kýr hafi ekki farið út fyrr en í
byrjun júlí eins og t.d. í Reykja-
hverfi. En nú hafa verið margir fal-
legir dagar og kýrnar notið sum-
arsins rétt eins og mannfólkið.
Gæsirnar sem hafa verið í sár-
um eru farnar að skríða um í tún-
um og nýræktum sem búið er að
slá. Ungarnir eru orðnir stórir og
búast má við miklum ágangi í
berjalöndum á næstunni enda ekk-
ert lát á fjölgun gæsanna. Korn-
bændur eru mátulega hrifnir af
heimsóknum þeirra en þessir dug-
legu fuglar virðast vera búnir að ná
miklum völdum í sveitunum.
Refir hafa sést á ferli og Hall-
grímur Óli Guðmundsson, bóndi í
Grímshúsum í Aðaldal, rak upp
stór augu þegar hann sá tófu í rúll-
ustæðunni heima við fjósið. Vegfar-
endur hafa bent á refi við þjóðveg-
inn sem líklega hafa farið út úr
nýjum grenjum sem ekki er vitað
um en ekki er vitað um neitt greni í
nágrenni við Grímshús.
Ferðamenn hafa sett svip sinn
á héraðið síðustu vikurnar og er
uppbókað í gistingu víða í héraðinu.
Sprengisandsleið opnaðist seint
þetta árið og það hefur sín áhrif á
ferðaþjónustuna í Kiðagili í Bárð-
ardal. Hins vegar hefur verið mikið
að gera þar að undanförnu og
rekstraraðilar ánægðir með að-
sóknina. Þar er kaffihlaðborð á
sunnudögum og Sigríður Huld
Ingvarsdóttir ætlar að halda þar
sýningu á myndverkum sínum sem
mun standa þar til í lok ágúst.
Söfnin í Þingeyjarsýslu
vekja áhuga margra og Minjasafn-
ið á Mánárbakka var skemmtileg
viðbót við þá flóru á sínum tíma.
Þar hefur verið efnt til lifandi daga
í sumar og nýlega var þar eld-
smiður að störfum sem sýndi forn-
ar aðferðir við gerð verkfæra sem
var í senn fróðlegt og skemmtilegt.
Framkvæmdagleði er hjá
mörgum þótt ekki ári mjög vel að
öllu leyti. Ný fjárhús eru í bygg-
ingu á einum bæ í Þingeyjarsveit
og nýbyggð á öðrum. Þá var Guð-
mundur Hallgrímsson frá Hvann-
eyri á ferð í sýslunni í júlí og lagaði
hálku á fjósgólfum með því að rispa
rendur í steypuna. Þetta gefst vel
og kýrnar eru öruggari með sig og
detta síður. Sumarið hvetur fólk til
framkvæmda, en allir vona að
haustið verði gott og segja að sé
innistæða fyrir mörgum góðviðr-
isdögum.
Eldsmiður lífgaði upp á
Minjasafnið á Mánárbakka
Morgunblaðið/Atli Vigfússon
Eldsmiður Birkir Örvarsson sýnir gerð gamalla verkfæra á Mánárbakka.
:
MEÐAL EFNIS:
Ný og spennandi námskeið
í heilsuræktarstöðvum.
Hreyfing og líkamsrækt.
Hvað þarf að hafa í ræktina.
Andleg vellíðan.
Afslöppun.
Dekur.
Svefn og þreyta.
Mataræði.
Fljótlegar og hollar uppskriftir.
Hollir safar.
Skaðsemi reykinga.
Ásamt fullt af fróðleiksmolum
og spennandi efni.
Heils
a og
lífsst
íll
SÉRBLAÐ
–– Meira fyrir lesendur
NÁNARI UPPLÝSINGAR GEFUR:
Katrín Theódórsdóttir kata@mbl.is
Sími: 569 1105
Þann 26. ágúst kemur út glæsilegt
sérblað um Heilsu og lífsstíl sem
mun fylgjaMorgunblaðinu
þann dag.
Í blaðinu verður kynnt fullt af þeim
möguleikum sem í boði eru fyrir þá
sem stefna á heilsuátak og bættan
lífsstíl haustið 2011.
PÖNTUNARTÍMI AUGLÝSINGA:
Fyrir kl. 16, mánudaginn 22. ágúst.
Heilsa & lífsstíll