Morgunblaðið - 13.09.2011, Blaðsíða 13
FRÉTTIR 13Innlent
MORGUNBLAÐIÐ ÞRIÐJUDAGUR 13. SEPTEMBER 2011
Í fyrirlestri sínum mun Robert Aliber fjalla um óstöðugleika á mörkuðum
í Evrópu og Bandaríkjunum í sögulegu samhengi. Hann mun velta fyrir sér
þeirri spurningu að hversu miklu leyti sveiflur í gengi gjaldmiðla og sveiflur
hlutabréfaverðs og fasteignaverðs megi rekja til alþjóðlegra þátta, annars vegar,
og starfsemi innlendra fjárfestinga- og viðskiptabanka hins vegar.
Meðal áhugaverðra spurninga sem hann mun leitast við að svara er hvort
bankahrunið hér á landi hafi fremur átt rætur að rekja til ástands alþjóðlegra
fjármálamarkaðar eða eftirlitsleysis og áhættusækni innlendra aðila.
Ókeypis aðgangur og allir velkomnir.
Málstofa á vegum
Hagfræðideildar
Hverjar eru orsakir titrings á eigna-
og gjaldeyrismörkuðum?
Robert Z. Aliber er fyrrverandi prófessor
við Chicago háskóla
Aðalbyggingu Háskóla
Íslands, Hátíðasal.
Fimmtudaginn
15. september kl. 12-14
Matar- og uppskeruhátíðin Full
borg matar mun setja svip sinn á
Reykjavík dagana 14.-18. sept-
ember næstkomandi. Alls munu 28
veitingastaðir taka þátt í dag-
skránni og bjóða upp á sérstaka há-
tíðarmatseðla og tefla fram úrvals
íslenskum hráefnum og ættu allir
að geta fundið eitthvað sem hentar
þeirra smekk.
Rúgbrauð í forgrunni hjá Loka
Sem dæmi má nefna að Café Loki
mun bjóða upp á ýmsa óvenjulega
rétti þar sem hið íslenska rúgbrauð
verður í forgrunni og munu gestir
fá tækifæri til þess að smakka ný-
stárlega útgáfur á þessum hefð-
bundna mat.
Smakkað á fiski
Fiskifélagið leggur áherslu á svo-
kallaða „tasting menu“ hjá sér og
þar er íslenski fiskurinn aðal-
atriðið. Nauthóll verður með
þriggja rétta hátíðarseðil, heklu-
borra í forrétt, lambafille í aðalrétt
og gómsætan eftirrétt, allt úr ís-
lensku hráefni.
Sunnudagsmáltíðin
endurvakin
Almenningur getur einnig
spreytt sig á bollakökugerð eða
tekið þátt í að endurvekja hefðina
um sunnudagsmáltíðina þar sem
stórfjölskyldan kom saman við há-
degisverðarborðið, snæddi saman
og ræddi um menn og málefni.
Frekari upplýsingar um matar-
hátíðina verður að finna í sérblaði
Morgunblaðsins sem kemur út mið-
vikudaginn 14. september næst-
komandi.
Gert klárt Kokkarnir á Lækjarbrekku fara bráðlega að gera klárt fyrir
matarhátíðina en 27 veitingahús taka þátt í hátíðarhöldunum.
Reykjavík verður
full matar úr ís-
lenskum hráefnum
28 veitingastaðir taka þátt í dagskrá
VIÐTAL
Vilhjálmur Andri Kjartansson
vilhjalm@mbl.is
Verkfræðingurinn og kajak-
ræðarinn Auður Rafnsdóttir lauk í
gær því afreki að róa 120 km á
tveimur dögum í Tour de Gudenå
keppninni í Danmörku. Keppnin er
ein sú vinsælasta á Norðurlöndum
og er róið frá Skanderborg til
Silkeborg á laugardeginum og frá
Silkeborg til Randers á sunnudeg-
inum. „Þetta er í þriðja skiptið sem
ég keppi í þessari keppni en í fyrsta
skiptið fór ég ein 58 km og í fyrra
fór ég með vinkonu minni í það sem
kallað er maraþon kvenna og er 87
km og núna í ár reri ég með vini
mínum og við fórum 120 km,“ segir
Auður og bætir því við að síðustu 60
km hafi hún róið með slasaða öxl.
„Það tóku sig upp gömul meiðsli og
ég vildi alls ekki hætta keppni og
lét mig því bara hafa það og tók
þetta á hörkunni. Við enduðum 9. af
14 keppendum í okkar flokki og það
var ágætt miðað við slasaða öxl. Við
vorum líka að etja kappi við par
sem var að undirbúa sig fyrir
heimsmeistarakeppnina svo ég
hefði ekki of miklar væntingar um
að vinna þetta.“
Aðrar aðstæður á Íslandi en í
Danmörku
„Ég kom í sumar og keppti heima
á Íslandi í Hvammsvíkurmaraþon-
inu en hætti keppni eftir 26 km. Ég
var á lánsbát og þekkti ekki
straumana hérna. En ég ætla að
taka þátt á næsta ári og æfa mig svo
ég geti klárað keppni og vonandi
unnið.“
Að sögn Auðar er dýrara að
stunda kajaksportið á Íslandi en í
Danmörku. „Hér úti eiga klúbbarn-
ir bátana og þú getur fengið þá ef
þú ert félagi í einhverjum klúbb en
heima á Íslandi þarf fólk að kaupa
sér allan búnað, m.a. bátinn, og það
fælir örugglega marga frá íþrótt-
inni,“ segir Auður sem sjálf hóf að
stunda hana vegna frelsisins sem er
fólgið í því að geta farið einn út á
bát og notið náttúrunnar. „Ég er
verkfræðingur og vinn allan daginn
fyrir framan tölvu og mér finnst
mjög gott að geta farið út á bát eftir
vinnu og njóta kyrðarinnar og nátt-
úrunnar á firðinum. Þetta er
líka betra en að fara bara
út að hjóla og hlaupa .“
Fór síðustu 60 km slösuð í öxl
Auður Rafnsdóttir keppti í Tour de Gudenå kajakkeppninni en hún er ein sú vinsælasta á
Norðurlöndum Auður reri 120 kílómetra á tveimur dögum frá Skanderborg til Randers
Róður Auður Rafnsdóttir hefur stundað kajakróður í þrjú ár og keppti á þessu ári í 120 km róðri 51 árs.
Kajakróður hefur verið stund-
aður á Íslandi um áratuga skeið
og var Kajakklúbburinn stofn-
aður 1981 eða fyrir þrjátíu árum
og er aðili að Íþróttabandalagi
Reykjavíkur. Ísland er kjörinn
staður fyrir kajakræðara og
hafa margir þekktir ræðarar
komið til landsins til að upplifa
íslenskar aðstæður. Árið 2009
kom nýsjálenski kajakræðarinn
Ben Brown til landsins en hann
varð heillaður af íslenskri nátt-
úru og lýsti landinu sem leik-
velli kajakræðarans.
Á hverju ári er haldinn fjöldi
keppna á vegum Kajakklúbbsins
og tók Auður Rafnsdóttir þátt í
einni þeirra sem nefnist
Hvammsvíkurmaraþon. Þá
keppa sjókajakræðarar í 40 km
róðri milli Geldinganess og
Hvammsvíkur í Hvalfirði. Tölu-
verð aukning hefur verið í
íþróttinni og eru hátt í 400
manns skráð í Kajakklúbbinn
sem fer ört vaxandi enda góð
aðstaða og aðstæður fyrir
íþróttina á Íslandi.
Íslenskar að-
stæður góðar
KAJAKRÓÐUR Í SÓKN
Auður Rafnsdóttir