Svart á hvítu - 01.01.1979, Page 19

Síðasta bréffrá Nonna litla
Mamma:
Ég verð ekki heima í kvöld
svo, hafðu ekki áhyggjur:
Flýttu þér ekki að tilkynna hvarfið
og vissulega óþarfi að slæða síkin
ég hyggst halda lífi.
Og skátarnir finna mig ekki á Vaðlaheiði
er ekki í felum
og sviftu mig ekki því sem ég hef unnið aó í
fyllstu leynd.
Fjölmiðlaðu þjóðinni ekki myndum af mér
Ég hef dulbúist sem fullorðinn og líkar vel,
hef farið úr stuttbuxunum og í þær síðu
og nú fer ég í bæinn, svo kvíddu engu
og tilkynntu ekki hvarfið með hraði
Ég hef leigt kytru án tjalda fyrir gluggann . .
horfi á skuggann, ráfa um þennan kuldadóm
heyrði afsökun þína í útvarpinu í morgun
röddin svo sorgmædd, gömul, tóm.