Birtingur - 01.12.1958, Side 80

Lí Sjang-Jinn:
Til vinar fyrir norðan
Þú spurðir hvenær helzt ég mundi koma.
Ég hlýt að svara fáu. En mig dreymir
um snjó í brúnum fjalla og haustmyrk fljót
sem flæða um bakka er næturregnið streymir.
Mun ég enn sjá þig klippa skar af kerti
um kvöld við gluggann sem í vestur snýr
og hlusta á þína rödd á meðan regnið
rúðurnar knýr?
Vang Ngan Sjí:
Vornótt
Reykelsisviðurinn varð að ösku;
vatnsúrið löngu hljótt.
En samt er vorið á sælum ferli
og seiðir hug minn í nótt.
Vakandi ligg ég, að laufi og stráum
leikur sér gola köld;
í mánaskímunni skuggar blóma
skjálfa við gluggans tjöld.
78 Birtingur