Birtingur - 01.12.1958, Blaðsíða 84

mikið til skammar gagnvart list Svavars.
Síðan hann kom heim frá Danmörku þar
sem hann var meðal fremstu nútímamál-
ara hefur hann verið metinn á borð við
óráðna stráka eða ýmsa eldri menn sem
hafa sannað getuleysi sitt óhrekjanlega
á iöngum tíma en fá gustukastyrki meðan
þeir vinna sig ekki upp í hærri flokka
með pólitísku snatti. í opinberri afstöðu
gegnvart nútímalist erum við hálfri öld
a eftir tímanum.
Eftirprentanir Helgafells
Hvar værum við stödd ef við nytum
ekki hinnar galsafengnu bjartsýni Ragn-
ars í Smára. Þessi furðulegi maður linn-
ir ekki að beina sprengikrafti sinnar
athafnasemi að þeim grenjandi stað-
reyndaskrímslum á veginum sem mörgum
myndi sýnast banna alla umferð. Þarna
fleygist hann í loftinu á sínum bláa jeppa
frá einu listsviði til annars, hendist úr
grjótburði á öræfum þar sem hann er
kannski að rækta skrúðgarð við væntan-
legt hvíldarheimili handa einhverjum
músíkmeistara og geysist til borgarinnar
til að opna málverkasýningu og þaðan
upp í flugvél til að sækja fleiri músík-
meistara og svo beint heim aftur til að
drífa eitthvert ritsafn í prentvélarnar og
spila Jóhannesarpassíuna eftir Bach fyrir
rithöfundinn og sáldra korni fyrir dúfur
grannans.
Eftirmyndaútgáfa af málverkum er
eitt af þeim verkefnum ríkisins sem
Ragnar hefur nú ráðizt í með þeim
árangri að í dag ætti engu heimili að vera
ofviða að eignast mynd eftir helztu mál-
ara okkar, og þeir sem eiga kunningja er-
lendis sem þeir vilja gera sérstaklega vel
við geta nú sent þeim fína eftirmynd af
82 Birtingur
Kjarvalsmálverki ásamt þýðingu á skáld-
sögu eftir Laxness og Njálu, gefið þeim
andlcgan höfuðstól fyrir tiltölulega lítinn
pening. Það er mesta undur hvað þessar
myndir eru líkar frummyndunum, og þetta
er þegar orðið mikið safn og fjölskrúðugt
eftir nokkuð marga málara og eitthvað
eftir flesta okkar fremstu málara, og
margar væntanlegar enn. Þetta hlýtur að
vera gríðarlega kostnaðarsamt fyrirtæki,
er þetta ekki verkefni fyrir ríkið? En þá
yrði kannski valið eftir svipuðum sjónar-
miðurn og þegar send er skáldskaparlist
um landið á ríkisins kostnað og kynnt í
skólum það smælki sem hentar til að
tryggja status quo.
Ofurlítið um hljómleika
Ymsir hljómleikamenn .sem hafa komið
hingað hafa veitt hlustendum tækifæri til
að hlusta á tónlist sem hlýtur að hljóma
lengi í huganum, og við sitjum þakklát
norður við Dumbshaf þegar hinir tignu
listamenn svífa með nútímans þjótandi
farþegarakettum áfram til annarra höf-
uðborga heimsins. Reykjavík er komin í
keðjuna hjá sumum afburðamönnum á
veraldarvísu sem reisa til að flytja list
sína. Þetta er ekki sízt Ragnari Jónssyni
að þakka, þó að hér séu vitanlega fleiri
hugsjónamenn að verki.
Æ þetta eru eintómir píanóleikarar sem
eru að spila sömu étýðurnar eftir Chopin
hver eftir annan hjá Tónlistarfélaginu,
var verið að segja einhverntíma. Það kom
þarna smáhrota af slíku. En svo koma
þessir undursamlegu töframenn sem upp-
ljóma allt, og við gleymum hinum smærri
og ergi okkar út af því að einhverjir þeir
væru innfluttir sem ekki gátu bætt neinu
við reynzluna sem fæst á hljómleikum