Vera - 01.05.1988, Blaðsíða 3
Ljósmynd: Maud Nycander
Eru þeir hræddir
Elsku Vera!
Ég sit hérna í þungum þönkum eftir aö
hafa lesið viðtölin við karlana í síðasta tölu-
blaði af Veru. Skil ég það rétt að þeir séu
hræddir við konur? Halda þeir að konur
séu að sækjast eftir valdi til að ráöa yfir
körlum? (Eins og þeir hafa reyndar ráðið
yfir konum hingað til). Hafa þeir ekkert
fylgst með kvenfrelsisbaráttunni? Finnst
þeim konur og börn ekki vera jafningjar
karla? Eða halda þeir í einlægni að karlar
séu gáfaðri, betri og duglegri en konur?
Þeir segja allir eitthvað í þá áttina að
Þetta þurfi að lagast einhverntíma (svona,
svona þetta lagast einhverntímann). Ætla
Þeir sjálfir ekkert að hjálpa til? Þeir tala um
uppeldið eins og það sé alfarið á vegum
nióðurinnar. Hvað með föðurinn sem upp-
alanda? Fyrst þeim finnst mæður þeirra
ekki hafa gefið þeim rétt uppeldi, hvers
vegna gera þeir ekki eitthvað sjálfir?
Vera mín, ég veit að þú ert ekki karlmað-
ur og getur ekki svarað fyrir þá, En karl-
menn lesa líka Veru (það hefur sýnt sig af
lesendabréfum sem birst hafa i blaðinu), ef
til vill finnur einhver þeirra hvöt hjá sér til
að svara mér.
Með bestu kveðjum og þökkum fyrir gott
°9 þarft blað.
Þín Sigríður Guðný
Ágæta Sigrídur Gudný.
Það erauðvitað rétt hjá þér að Vera er ekki
karlmaður ogáþar afleiðandi erfitt með að
svara fyrir hitt kynið. En vonandi taka karl-
kynslesendur Veru við sér og svara þér.
Það myndi örugglega skapa skemmtilega
umræðu, sem auðvitað yrðu gerð góð skil
1 Veru. Þakka þér fyrir bréfið og góð orð í
Qarð blaðsins. Bestu kveðjur, ritnefnd.
Konur og auglýsingar
Vera mín!
Ég er ein af þeim sem er frekar seinþreytt
til vandræða, ef svo má að orði komast um
Það að skrifa lesendabréf, en nú er mér
nóg boðið. Það sem fer svona óskaplega í
taugarnar á mér eru auglýsingar (tvær)
sem birst hafa undanfarna daga í DV og
Morgunblaðinu og eiga það sammerkt að
vera báðar fullar kvenfyrirlitningar. Önnur
er auk þess skrifuð í ,,það er nú hægt að
Ijúgaöllu að skrílnum" tóninum, siðlaus og
hvetur til lagabrota (telur þau í það minnsta
léttvæg). Þessar auglýsingar eru: 1. Aug-
lýsing frá Radíóbúðinni sem að á víst að
fjalla um sjónvarpstæki en virðist við fyrstu
og aðra sýn fjalla um ,,GÆSAveiðar“ þ.e.
myndin er af tveimur bráðmyndarlegum
stúlkum á sundbolum á sundlaugarbarmi
með upptökutæki við hlið sér og sjónvarp
í baksýn. Og yfirskriftin er „GRÍPTU GÆS-
INA“ og ég botnaði í huganum, meðan
hún liggur! en viti menn og konur, það var
verið að auglýsa afslátt á sjónvörpum!!!
Hvað komu þessar konur afslættinum
við, ég bara spyr??
Jæja og hin auglýsingin (sem er hálfu
verri ef eitthvað er) fjallar um blessaðan
manninn hann Sigvalda og fjórhjólið. Það
liggur við að hana þyrfti að birta til að þið
sæuð hvað ég á við, því hún er svo ótrú-
lega siðlaus, og niðurlægjandi tónninn í
henni er svo þrunginn fyrirlitningu á mann-
gildinu og þeim lögum sem við setjum okk-
ur, hún undirstrikar stéttamismun sem
þeim virðist þykja sjálfsagður og síðast en
ekki síst er marg undirstrikað að konur séu
annars flokks.
Kannski er ósköp lítið hægt við þessu að
gera, kannski er siðgæðisvitund fólks orð-
in svo brengluð, að öllum finnist þetta í lagi
nema mér en trú mín á fólki er enn svo mik-
il að ég vona að ég sé ekki ein um að
hneykslast á svona auglýsingamennsku
og hugsa mig þrisvar um áður en ég versla
við svona fyrirtæki.
Að lokum þakka ég Vera mín fyrir gott
blað, það styrkir mig í baráttunni fyrir að fá
að vera ég sjálf.
Guðrún
Guðrún.
Svo sannarlega er ástæða til að hefja um-
ræðu aftur um auglýsingasiðgæði og von-
andi verður bréfið þitt til að opna þá um-
ræðu. Vera þakkar þér kærlega fyrirbréfið
og hlý orð i sinn garð. Bestu kveðjur, rit-
nefnd.
Til áskrifenda Veru
Vinsamlega tilkynnið breytt heim-
ilisföng strax og ef það hefur gleymst
og þið fáið ekki blaðið hringið þá i
síma 22188 og látið okkur vita, þá
sendum við ykkur blaðið um hæl.
km j)!
m vm w&m
HeiMI U5R4MÓ.
« ÍJOMÍ M
mOH \l«) \
m\%b\
3