Vera - 01.05.1988, Blaðsíða 22
BÖRN HAFA HUNDRAÐ MÁL
en frá þeim tekin níutíu og níu...
er nafn á myndlistarsýningu barna á barna-
heimilum ítölsku borgarinnar Reggio Emilia.
Þessi sýning hefur farið víða um heim,
og vakið verðskuldaða athygli og var
opnuð hér á Islandi, að Kjarvalsstöðum
hinn 14. maí s.l. Það er menntamálaráðu-
neytið og menningarmálanefnd Reykja-
víkurborgar, sem stóðu fyrir því, að þessi
margfræga sýning var sett hér upp og er
það þakkarvert framtak.
Barn hefur hundrað mál
en frá því eru tekin níutíu og níu.
Skóli og menning aðskilur höfuðið
frá líkamanum.
Við neyðumst til að hugsa án líkama
og starfa án höfuðs.
Leikurinn og vinnan
veruleikinn og ímyndunaraflið
vísindin og hugarheimar
er gert að andstæðum.
BÖRN HAFA H
en frá þeim tekin
Höfundur þessa Ijóös, er eldhuginn Loris Malaguzzi, — sá
maður sem hvað mest hefur barist fyrir þeirri hugmyndafræði,
sem uppbygging barnaheimilanna í Reggio Emilia grundvallast
á.
Malaguzzi var einn þeirra fjölmörgu, er hófu uppbyggingu í
borg sinni eftir seinni heimsstyrjöldina. Hann hefur allar götur síð-
an staðið i baráttu við ríkisstjórn og kirkju, við að fá að halda þeirri
stefnu, að börn séu fjárfesting framtíðarinnar. Og vinna fólksins í
Reggio Emilia hefur skilað árangri. Þar eru rekh á vegum borgar-
innar dagvistunarstofnanir, sem eiga tæplega sinn líka í heimin-
um. Þau þykja svo merkileg, aö uppeldisfrömuðirfara „pílagrírr^s-
feröir" suður til Pósléttunnar á Ítatíu til að sjá með eigin augum
hvað er gert og hvernig í barnaheimilum Reggio Emilia. Kvik-
myndir hafa verið gerðar um fyrirbærið og ekki hvað síst: Umrædd
sýning hefur orðið til og verið á ferð um heiminn í nokkur ár. En
það að skoða þessa merku sýningu, er ekki nóg. Áhorfendur
þurfa að kynna sér heimspekina, sem býr að baki.
Sú heimspeki grundvallast á ótakmörkuðu trausti hinna full-
orðnu til barnanna. Þeim kenningum, að börn á ýmsum aldri, séu
ófær um að gera hitt eða þetta, er varpað fyrir róða. Þess í stað
er einmitt lögð áhersla á, að hæfileikar barnanna séu óþrjótandi
og þeim megi ekki sóa. Andlaus mötun, fjarstýring á leikjum og
námi, itroðsla og óvirkni eru bannorð. Þess í stað kemur virk skoð-
un með öllum skynfærum, með öllum tiltækum aðferðum. Sam-
hæfing skilningarvitanna gerir börn næmari og er notuð til að
börn sjái hvert viðfangsefni frá öllum hliðum, innanfrá sem utan.
Þetta allt miðar að því að gera börnin meðvitaðri um heiminn, sig
sjálf og eigin getu. Að þessu er markvisst unnið, og starfsfólk
barnaheimilanna fer ekki dult með það.
22