Ljósmæðrablaðið - 31.12.1979, Qupperneq 30

142
LJÓSMÆÐRABLAÐIÐ
mjólkurinnar sé hátt, ef fitan í þurrmjólk er aðallega eða
eingöngu smjörfita (kúamjólkurfita), sem absorberast
mun verr frá meltingarvegi ungbarna en brjóstamjólkur-
fitan og vissar tegundir jurtafitu, getur þetta eirmig
stuðlað að hypocalcemiskri tetani. Kalkið binst fitunni í
þarmainnihaldinu og skilst út sem torleystar kalksápur.
Að lokum mætti minna á, að þegar maðurinn fer að
framleiða eitthvað sem áður hefur verið í höndum náttúr-
unnar sjálfrar, má búast við ýmsum götum í þeirri fram-
leiðslu eins og reyndar tíminn hefur sýnt. Má þar nefna
þurrmjólkurtegund sem innihélt of lágt B-6 vítamín eða
pyridoxin, þannig að börn fengu krampa við neyslu þeirrar
mjólkur. Vitamin E er nauðsynlegt til að hindra bjúg og
hæmolytiska anaemiu hjá nýburum, en af einhverjum
ástæðum þarf aukið E-vítamín í þær þurrmjólkurtegundir,
sem eru sérstaklega járnbættar og auðugar af ómettuðum
fitusýrum. Áður hefur verið minnst á linolsýruna og arachi-
donsýruna og vafalaust eiga eftir að koma fleiri efni fram á
sjónarsviðið svona smám saman, allt eftir því hvernig þessar
fjöldatilraunir á mannfólkinu ganga.
Ef við höldum áfram að horfa á töfluna, sjáum við að
hitaeiningaþörf er nokkurn veginn fullnægt með óblandaðri
kúamjólk og flestum þurrmjólkurtegundum, en við að
blanda kúamjólkina til helminga með vatni og bæta ein-
hverjum sykri út í, fást kannski rétt yfir 400 hitaeiningar á
lítra.
í næstu línu sést hversu miklu meiri protein eru í
kúamjólk en í brjóstamjólk og gengur þurrmjólkurframleið-
endum misjafnlega vel að lækka þetta. Kolvetni brjósta-
mjólkur er nær eingöngu lactosa og er svo einnig í þeim
þurrmjólkurtegundum sem algengastar eru hér á markaðn-
um. Lactosa er verulega lægri í kúamjólk og á e.t.v. sinn þátt
í tiltölulega lélegri kalkabsorption frá meltingarvegi. Eins er
með fitu, hún er töluvert lægri í kúamjólk en brjóstamjólk. f
sumum tegundum þurrmjólkur er hún allsendis ónóg og
einnig léleg að gæðum, þ.e.a.s. smjörfita.
í næstu 5 línum sjáum við hinn mikla mismun á
elektrolytum og þar aðra ástæðu fyrir því, hversvegna þynna