Ljósmæðrablaðið - 01.12.1985, Blaðsíða 8
44
LJÓSMÆÐRABLAÐIÐ
5. Innri þreifing:
a) Leg oft minna en sem svarar til meðgöngulengdar og
óeðlilega þétt, þ. e. ef fóstrið er dáið.
b) Legháls — við óumflýjanlegt fósturlát valda legsam-
drættirnir styttingu og opnun á leghálsinum.
c) Þykktarleifar í leghálsi eða leggöngum eru alltaf merki
um óumflýjanlegt fósturlát.
Meðferð
1. Við yfirvofandi fósturlát skal taka nákvæma sögu og gera
innri þreifingu á öllum konum sem fá leggangablæðingu
eða blóðuga útferð. Ef blæðing er lítil, konan verkjalaus,
legið óeðlilega stórt miðað við meðgöngulengd og legháls
lokaður, má meðhöndla sjúklinginn heima með rúmlegu.
Oftast eru þó konur með þessi einkenni lagðar inn á sjúkra-
hús. Við innlögn er sjúklingur meðhöndlaður með rúmlegu.
Ganga skal úr skugga um, eins fljótt og auðið er, hvort um
óumflýjanlegt fósturlát er eða ekki. Verði ekki af fósturláti
er konunni, við útskrift af spítala, ráðlagt að hvíla sig í a. m.
k. eina viku og forðast samfarir í 2—3 vikur. Rétt er að
benda konum á, að blæðing á meðgöngu eykur ekki hættuna
á vanskapnaði á fóstri.
Konunum er ráðlagt að koma í endurskoðun viku eftir
útskrift.
2. Ef fósturlát er óumflýjanlegt eða hefur orðið, er gefið sam-
dráttarlyf í æð til að örva legsamdrætti og draga úr blæð-
ingu.
Ef konan er með sára verki skal gefa verkjalyf. Síðan er
legið tæmt í svæfingu eða deyfingu.
Við útskrift af sjúkrahúsi er mjög mikilvægt að konan fái góðar
upplýsingar um hvað hafi skeð, hvers sé að vænta. Útskýra þarf
mjög vel að í flestum tilfellum sé orsökin fyrir fósturlátum
óþekkt. Hins vegar má benda á að fósturlát virðist vera náttúru-
legur hlutur þegar fósturmyndun er óeðlileg. Upplýsa skal konuna
um það að mjög miklar líkur séu á að næsta þungun gangi eðlilega
fyrir sig. Mikilvægt er að koma í veg fyrir sektartilfinningu hjá
konunum, því mjög algengt er að þær kenni sér um þetta.