Ljósmæðrablaðið - 01.12.1985, Blaðsíða 22

58
LJÓSMÆÐRABLAÐIÐ
Starfsskýrsla Norðurlandsdeildar
Frá júní 1984—1985
í Norðurlandsdeild LMFÍ voru haldnir tveir fundir á árinu.
Aðalfundur félagsins var haldinn 7. júní hjá Ingu Magnúsdóttur
ljósmóður. 15 ljósmæður mættu. 1 nýr meðlimur gekk í félagið,
Sumarlína Pétursdóttir ljósmóðir Akureyri.
Venjuleg aðalfundarstörf voru framkvæmd á þessum fundi.
Gjaldkeri las upp reikninga Norðurlandsdeildar. Á bankabók
voru um síðustu áramót 7.717 og á verðtryggðum reikningi kr.
8.704,34. Samþykkt var að hækka félagsgjöld í 200 kr.
Kjósa átti varaformann og ritara. Svana Zophoniasdóttir var
endurkjörinn varaformaður. Þóra Pálsdóttir óskaði eftir að Iosna
úr ritarastöðu og var Sumarlína Pétursdóttir kosin ritari.
Formaður deildarinnar skýrði frá því er hún fór til Reykjavíkur
og var viðstödd útkomu Stéttartals ljósmæðra.
Á fundinum var samþykkt að senda stjórn LMFÍ svohljóðandi
ályktun: — Aðalfundur Norðurlandsdeildar LMFÍ haldinn 7. júní
1984, harmar mjög þá stefnu sem orðið hefur í málefnum ljós-
mæðra með hjúkrunarmenntun og vonar að þar geti orðið
breyting á. Fundurinn beinir þeim tilmælum til stjórnar LMFÍ að
hún ieggi sitt að mörkum til farsællrar lausnar þessa máls. Ef
LMFÍ á að vegna vel i framtíðinni er bráðnauðsynlegt að allar
ljósmæður sameinist í eitt öflugt félag.
Sameinaðir stöndum vér. Með bestu kveðju frá N-deild LMFÍ
Seinni fundurinn var haldin 25. mars 1985 í fundarsal STAK.
14 ljósmæður mættu, og tveir gestir. Jóna Fjalldal og Dagný
Sigurgeirsdóttir hjúkrunarfræðingar frá ungbarnaeftirlitinu. Kynnt
voru lög og reglur LMFÍ. Nokkrar umræður skópust um þessi lög.
Fundurinn lýsti stuðningi sínum við þau. Lesið var upp bréf frá
Stak, þar sem kom fram beiðni um nýtt starfsmat. Formaður bar
fram þá ósk um að losna úr formannsstarfi á næsta aðalfundi
eftir 14 ára starf. Dræmar undirtektir voru við þessari beiðni.
Ingibjörg Björnsdóttir fyrrverandi yfirljósmóðir á FSA var með
fyrirlestur um brjóstagjöf, sem hún hafði þýtt. Fyrirlestur þessi
var fyrst fluttur á alþjóðlegu móti ljósmæðra í Sydney í Ástralíu,
síðastliðið haust.