Ljósmæðrablaðið - 01.12.1985, Page 12
48
LJÓSMÆÐRABLAÐIÐ
Leghálsbilun
P-pillan
Lykkjan
Fylgjuþurrð
Hræðsla, kvíði
Þunguð of fljótt eftir
Samfarir
Aldur
Visnað egg
Blæðing á meðgöngu
Veit ekki
barnsburð/fósturlát 2%
1%
1%
1%
1%
23%
5%
5%
3%
3%
3%
Samtals 100%
Þcssi tafla er úr heimild nr. 2 bls. 114.
Læknar leggja yfirleitt mikla áherslu á að náttúran sjálf sé að
losa sig við gölluð fóstur í flestum tilfellum. Margar konur vilja
skella skuldinni á pilluna og halda að þær hafi orðið ófrískar of
snemma eftir að þær hættu að taka hana. Ýmsar vangaveltur
koma upp t. d. að Guð hafi verið að refsa fyrir að þeim þætti ekki
nógu vænt um barnið. Strax í byrjun meðgöngu eru konur haldn-
ar efasemdum um hvort rétt hafi verið að verða ófrísk. Um þetta
hugsa nær allar konur en engin þorir að segja slíkar hugsanir við
aðra. Þær halda að þær séu þær einu sem hugsi svona. Verði þær
svo fyrir því að missa fóstur fá þær sektarkennd. Mikilvægt er að
segja þeim að flestar konur fái slíkar vangaveltur og að fósturlátið
sé ekkert háð því.
Eftir að konan hefur misst fóstur, kannski oftar en einu sinni
finnst henni það vera forréttindi að fá að eignast barn, hún passar
sig og barnið sitt eins og sjáöldur augna sinna, svo þetta gerist nú
ekki aftur.
Samantekt
Segja má að viðbrögð kvenna og karla séu mjög svipuð eftir
fósturlát. Munurinn er sá að konan sýnir sínar tilfinningar mikið
frekar og athyglinni er frekar beint að henni í sambandi við
sorgina. Það er ekki gert ráð fyrir að karlmaðurinn syrgi líka,
allavega sé hann fljótari að ná sér.