Ljósmæðrablaðið - 01.12.1985, Blaðsíða 31
LJÓSMÆÐRABLAÐIÐ
67
Stéttartalið eignaðist frábæra liðsmenn, svo sem aðstoðarrit-
stjórann Valgerði Kristjónsdóttur og höfundana Önnu Sigurðar-
dóttur og Helgu Þórarinsdóttur.
Nú, þegar útgáfustjóri og ritnefnd gera skil eftir 10 ára starf —
þá trúum við því og vonum að félaginu verði sómi að þessu verki
og lyftistöng. Það er einnig von okkar að það sannist hér það sem
fróðir menn hafa sagt — að þeim sé ekki kunnugt um neitt stéttar-
tal sem ekki hafi selst upp og skilað hagnaði.
Mikil vinna hefur verið lögð í skil á myndum og bókinni til
áskrifenda og sölu en eitt nafn ber þar hæst utan ritnefndar en
það er nafn Margrétar Þórhallsdóttur formanns Norðurlands-
deildar, sem allan tímann hefur verið vakandi fyrir framgangi
verksins — safnaði fleiri áskrifendum en nokkur annar og er nú
búin að selja á annað hundrað eintök.
Ljóst er að eftir svo mikla sölu, sem raun ber vitni — verður
salan hæg en sigandi. Samkvæmt samþykkt síðasta aðalfundar
hefur öllum heimildum varðandi stéttartalið verið komið fyrir í
Kvennasögusafni íslands.
Skilagrein vegna afhendingar gagna á Kvennasögusafn íslands
25. mars 1985
Eftirtalin gögn eru heimildir sem stuðst var við við gerð ritsins
„Ljósmæður á íslandi”, einkum æviágrip ljósmæðra í fyrra
bindi.
I Heimildir vegna æviágripa 1626 ljósmæðra sbr. bls. 2-701 í
fyrra bindi,
a) spjaldskrárspjöld
b) eitt eða fleiri prentsmiðjuhandrit með innfærðum
upplýsingum og athugasemdum
c) vélritað vinnublað frá 1977
d) útfyllt eyðublað (eitt eða fleiri) frá ljósmóður eða
aðstandendum hennar
f) handrit Haraldar Péturssonar fræðimanns og safnhúss-
varðar
g) sendibréf, blaðaúrklippur og aðrir minnismiðar svo og
annað ótalið.