Ljósmæðrablaðið - 01.12.1985, Blaðsíða 16

52
LJÓSMÆÐRABLAÐIÐ
Árið 1974 kom Sigurður á ný til starfa við Fæðingadeildina og
nú sem sérfræðingur í fæðinga- og kvensjúkdómafræði og jafn-
framt stundakennari við Ljósmæðraskólann. í júní 1975 varð
Sigurður yfirlæknir og prófessor við Fæðingadeildina og skóla-
stjóri Ljósmæðraskóla íslands. Samstarf okkar var því mikið.
Sigurður bar hag Ljósmæðraskólans mjög fyrir brjósti og vildi
veg hans og ljósmæðra sem mestan. Gjörbreyting hefur líka orðið
á skólanum undir hans stjórn og að mínu mati mjög jákvæð.
Margt kemur upp í hugann þegar yfirmaður og vinur er kvaddur.
Hæst ber þó margs konar samstarf við skólann okkar, svo sem
skipulagning vetrarstarfs, prófdagar með Freyju og Jónasi,
útskriftardagar með myndatökum, ræðum og öllu tilheyrandi,
ferðalög með „dúfunum hans” erlendis og svo ánægjan með hóp-
inn hverju sinni.
Ljósmæðraskólinn og Kvennadeildin hafa misst mikið við frá-
fall Sigurðar S. Magnússonar, en nú verður það okkar sem eftir
standa að halda ótrauð áfram á þeirri braut sem mörkuð hefur
verið og í því sambandi vil ég nefna Bókasafn Kvennadeildar, veg
þess bar Sigurður sérstaklega fyrir brjósti og eitt af hans síðustu
baráttumálum var að koma því í rúmbetra húsnæði. Það hefur
vakið undrun erlendra gesta sem hingað hafa komið að sjá merki-
legan bókakost fræðirita þessa safns og er það ómetanegur fræði-
brunnur fyrir starfsfólk deildarinnar og alla þá nemendur sem
hljóta hér sína menntun. Vonandi ber okkur gæfa til að efla og
varðveita þennan merka minnisverða Sigurðar S. Magnússonar.
Sigurður kvæntist 14.09.56 eftirlifandi konu sinni Audrey F.
Douglass. Oft kom það fram hjá Sigurði hvað hann mat konu
sína og störf hennar mikils, enda studdi hún hann á allan hátt og
bjó honum og börnum þeirra 5 fagurt heimili.
Kæra Audrey, ljósmæður og ljósmæðranemar á Fæðingadeild
Landspítalans senda þér og fjölskyldunni innilegar samúðar-
kveðjur og þakka Sigurði góða og mikla kennslu og samfylgd á
liðnum árum.
Kristín I. Tómasdóttir