Ljósmæðrablaðið - 01.12.1985, Page 29

LJÓSMÆÐRABLAÐIÐ
65
voru kjörnar Sigurbjörg Guðmundsdóttir og Soffía Valdimars-
dóttir. Tillaga kom fram um að Steinunn Finnbogadóttir, sem
hvatamaður og formaður, ætti sæti í nefndinni, en að ráði varð
að halda sér við fimm manna nefnd en hún sem formaður starfaði
með nefndinni og sæti alla fundi. En er hún lét af formennsku
árið 1979 var henni falin útgáfustjórnin.
Ákvörðun þessa aðalfundar um útgáfu ritsins og kosningu rit-
nefndar fór fram eftir að formaður hafði skýrt frá því að Harald-
ur Pétursson fv. safnhúsvörður í Landsbókasafninu hefði afhent
sér að gjöf til Ljósmæðrafélags íslands handrit að stéttartali ljós-
mæðra frá árinu 1761—1954 ásamt skrá um ljósmæðraumdæmin
á landinu.
Haraldur kvaðst afhenda handritin i trausti þess að formaður-
inn hlutaðist til um að félagið léti fullvinna verkið og gæfi það út.
í nóvember 1975 hélt ritnefndin sinn fyrsta fund ásamt for-
manni og skipti nefndin með sér verkum þannig:
Sólveig Matthíasdóttir formaður, Guðrún L. Magnúsdóttir
gjaldkeri, Sigurbjörg Guðmundsdóttir ritari, Halldóra Ásgríms-
dóttir og Soffía Valdimarsdóttir meðstjórnendur.
Þá þegar hóf nefndin undirbúningsvinnu er hélst óslitið í þessi
10 ár.
Árið 1977 var Björg Einarsdóttir ráðin ritstjóri verksins og á
miðju ári 1981 er Valgerður Kristjónsdóttir ráðin Björgu til
aðstoðar.
Að stéttartalinu hafa margar hendur unnið sem eiga miklar
þakkir skyldar — en persónulega og í nafni félagsins vil ég geta
hins mikla starfs sem ritnefndin hefur innt af höndum og lagt
fram með drengilegum félagsanda og vinnu og aftur vinnu, sam-
hugurinn sem þar hefur ríkt var og er mér ómetanlegur. Þetta
samstarf og framlag þeirra allt þakka ég af alhug.
Bókaðir fundir ritnefndar eru 75 talsins. Á þessum fundum bar
hæst umræðan um tvo þætti verksins — það sem snéri að útgáf-
unni sjálfri innviðum hennar og útliti og hinsvegar fjárhagshliðin
og fjáröflun.
Þegar ákvörðun var tekin um fjölda eintaka útgáfunnar og
valin var þessi tala 4.200 eintök og hluti þess óinnbundinn — þá
byggðist sú ákvörðun á því að verð hverrar bókar lækkaði um
nær helming við þennan fjölda eintaka.