Ljósmæðrablaðið - 01.12.1985, Blaðsíða 15
LJÓSMÆÐRABLAÐIÐ
51
Sigurður S. Magnússon, fæddur í Reykjavík 16. apríl 1927. Foreldrar
Sigursteinn (24. desember 1899) skrifstofumaður þar, síðar framkvæmda-
stjóri S.Í.S. í Leith og aðalræðismaður, Magnússon og kona hans Ingi-
björg (3. júlí 1905) Sigurðardóttir brunamálastjóra í Reykjavík Björns-
sonar. Stúdent Edinburgh Academy 1944. Cand. med. Háskóla íslands
1952, I. eink. (174 stig). Almennt lækningaleyfi 27. júlí 1956. Lækninga-
leyfi í Svíþjóð 06.05.1967. Viðurkenndur sérfræðingur í handlækningum,
kvensjúkdómum og fæðingahjálp í Svíþjóð 03.09.1969. Viðurkenndur
sérfræðingur í kvensjúkdómum og fæðingahjálp á íslandi 20.12.1972.
Doktorspróf í kvensjúkdómum og fæðingahjálp við háskólann í Umeá,
Svíþjoð 24.05.1973. Sérfræðingur við Kvennadeild Landspítalans júlí
1974 til júní 1975. Lektor við læknadeild Háskóla íslands júlí 1974 til júní
1975. Settur prófessor í kvensjúkdómum og fæðingahjálp við læknadeild
Háskóla íslands 25. júní 1975 og jafnframt forstöðumaur Kvennadeildar
Landspítalans og skólastjóri Ljósmæðraskóla íslands, skipaður 1. júní
1976.
Seint á mánudagskvöldið 21. okt. sl. barst mér sú harmafregn
að prófessor Sigurður S. Magnússon væri látinn. Fleiri simtöl
fylgdu á eftir þar eð margir þurftu að tjá sig og reyna að átta sig á
því sem skeð hafði.
Kallið kom svo snöggt og óvænt, og þó, hann minntist svo oft á
að sér mundi ekki endast aldur til að koma öllum sínum áhuga-
málum í höfn. Æviferli Sigurðar S. Magnússonar munu aðrir gera
skil, hér skulu því aðeins sett á blað fáein fátækleg orð til að
minnast vinar og samstarfsmanns. Okkar samstarf hófst í april
1956, en Sigurður var námskandidat á Fæðingadeild Land-
spitalans frá apríl til júníloka það ár og siðan aðstoðarlæknir til
ársins 1960, er hann fór til frekara náms erlendis. Má segja að á
þessum árum höfum við bæði verið að stíga okkar fyrstu spor í
starfi undir handleiðslu Péturs H. J. Jakobssonar heitins, þáver-
andi yfirlæknis, Sigurður sem fæðingalæknir, og ég sem ljós-
móðir. Kom þetta samstarf sér vel fyrir bæði þegar samvinna
okkar hófst aftur síðar á deildinni. Sigurður var ákaflega
samviskusamur læknir og átti góð samskipti við yfirboðara sína
sem og annað samstarfsfólk og áberandi var hve sjúklingum þótti
vænt um hann.