Dagblaðið Vísir - DV - 02.03.2004, Blaðsíða 10

7 0 ÞRIÐJUDAGUR 2. MARS 2004
Fréttir DV
Kjaradeila til
sáttasemjara
Samninganefndir VR og
LÍV hafa vísað kjaradeilu
sinni við Samtök atvinnu-
lífsins til sáttasemjara eftir
ítrekaðar tilraunir til að fá
samningafund með fulltrú-
um SA. Það hefur hins veg-
ar ekki gengið eftir og því
var gripið til þessa ráðs, að
því er fram kemur á vef-
svæði VR. Samkvæmt við-
ræðuáætlun ætti samn-
ingagerð nú að vera lokið.
Keyrði á
hreindýr
Fólksbíl lenti í árekstri
við hreindýr nálægt Jökulsá
í Lóni á sunnudag. Ekki
urðu meiðsl á fólki en
hreindýrið mun hafa drep-
ist við áreksturinn og skilið
eftir sig talsverðar
skemmdir á bíl fólksins.
Stór hópur hreindýra hefur
haldið sig á svæðinu síð-
ustu vikur en ekki hafa orð-
ið slys vegna þeirra fram að
þessu.
Björn Bjarnason
Dómsmálaráðherra.
Björn Bjarnason er íhaldssam-
ur sem ýmsir sjá sem kost,
ákaflega orðheldinn og
traustur. Mjög hollur sinu fólki,
tryggur. Þá er honum ekki síst
reiknað til tekna að vera ákaf-
lega vinnusamur. Alvörugef-
inn maður sem lætur verkin
tala. Hann reifmenntamála-
ráðuneytið upp úr doða og
allt íeinu fór eitthvað að ger-
ast þar. Þetta telja reyndar
margir stuðningsmanna hans
ekki sem kostþvíþeir eru sum-
ir hvergir þeirrar skoðunar að
stjórnmálamaður sem gerir
sem minnst sé góður stjórn-
málamaður.
Kostir & Gallar
Igegnum kostina skína svo
gallarnir. Björn Bjarnason hef-
ur aldrei skipt um skoðun
enda telur hann sig ávallt
hafa á réttu að standa. Eigin-
leiki sem heimspekingar
myndu telja standa öllum
þroska og gáfnafari fyrir þrif-
um. Hollustu hans hefur verið
líkt við þrælslund og seint telst
hann húmorískur maður. Það '
að Björn sé svo traustur sem
raun ber vitni þýðlr að hann ér
jafnframt þrjóskur. Sumir vilja
lita svo á að það lýsi staðfestu
en aðrir segja það einskæran
þvergirðing.
Trillukarlar hafa verið dæmdir fyrir brottkast á nokkrum tugum fiska á íslands-
miðum. Skipstjóri Þorsteins EA, sem gripinn var með vélrænt brottkastkerfi um
borð, viðurkenndi verknaðinn athugasemdalaust. Alþingismaður vill lögreglurann-
sókn vegna Þorsteinsmálsins.
advarsel/ warninc

. Srt Ttr.nt"
Samkvæmt aðvörun norsku strandgæslunnar
til Samherjatogarans Þorsteins EA var hann grip-
inn í landhelgi Noregs með flokkunarbúnað sem
hagaði úrvinnslu svo að smærri sfld og allur
kolmunni fór beint í hafið aftur. Þorsteinn Símon-
arson, skipstjóri á Þorsteini, skrifaði undir lýsing-
una án athugasemda.
Magnús Þór Hafsteinsson, alþingismaður
Frjálslynda flokksins, vill að skipstjórinn Þor-
steinn, áhöfnin á Þorsteini og Þorsteinn Már
Baldvinsson Samherjaforstjóri verði yfirheyrðir af
lögreglu vegna málsins. „Stjórnvaldið brýtur
stjórnarskrána ef lögreglan verður ekki sett í mál-
ið,“ segir Magnús og vísar á 65. grein stjórnar-
skrárinnar, sem kveður á um að allir séu jafnir
fyrir lögum.
Trillukarlinn Markús Guðmundsson vár
dæmdur árið 2001 til greiðslu 400 þúsund króna
sektar eða 40 daga fangelsis fyrir brottkast á 50
þorskum. Þá var Níels Ársælsson, skipstjóri á
Bjarma frá Tálknafirði, sektaður um milljón
krónur fyrir að kasta 53 þorskum í hafið fyrir
myndavélum Magnúsar Þórs. Magnús segir það
ljóst að Þorsteinn sé íslenskt skip sem veiði úr
sameiginlegum stofni og því eigi íslensk stjórn-
völd að grípa til
aðgerða gegn Samherja, ef fylgja eigi stjórnar-
skránni. :
Vitnisburður og aðvörun norsku strandgæsl-
unnar, sem Þorsteinn skipstjóri skrifaði undir,
hljóðar upp á að 31 kílógramm af síld hafi farið í
sjóinn í tveimur prufum gæslunnar á vélbúnaði
skipsins, sem flokkaði síld undir 32 sentimetrum
gegnum þar til gerðan barka í sjóinn.
Árni Mathiesen sjávarútvegsráðherra svaraði í
gær fyrirspurn Magnúsar Þórs Hafsteinssonar
um hvort hann hygðist beita sér fyrir lögreglu-
rannsókn á ólöglegu athæfl útgerðar og
áhafnar Þorsteins. „Þetta er grafalvarlegt
mál,“ svaraði Árni, en sagði norsk yfirvöld
hafa forræði með eftirliti á svæðinu. Þó virtist
sem málið næði ekki lengra af hálfu Norð-
manna. Ámi segir að yfirvöld í Noregi hafi
ekki haft samband við hann vegna málsins.
Fram kom í norska blaðinu Fiskaren á dög-
unum að norska strandgæslan hefði kært
brottkastið ef um norskt skip hefði verið að
ræða. Hins vegar hafi réttarstaða
Norðmánna á svæðinu reynst
oljos
að
i'! i i
han
verið
svo
geng
lengra
en
aðvara Þorstein, ekki síst vegna harðra viðbragða
rússneskra stjórnvalda eftir að rússneska skipið
Chernigov var kært fyrir sömu gjörðir árið 2001.
Svo virðist sem sú útgerð á landinu sem mestan
hefur síldarkvóta muni sleppa með aðvörun fyrir
brottkast sem smærri útgerðir
hafa verið dæmdar fyrir.
jontrausti@dv.is
32 sentímetr-
ar? DV-mynd
Skip Sam-
herja, sem ber
sama nafn og
forstjóri fyrir-
tæksins, var
með búnað fyrir
vélrænt brottkast
á allri sild undir 32
sehtímetrum, sem er
væn sild.
Óttast um áhrif rafsegulsviðs á mannslíkamann
Alþingi vill rannsaka rafmengun
Þingsályktunartillaga ellefu þing-
manna úr fjórum flokkum um að
rannsaka áhrif háspennulína,
spennistöðva og fjarskiptamastra á
mannslíkamann hefur verið sam-
þykkt á Alþingi. Tillagan byggir á
fjölda erlendra rannsókna sem leiða
líkur að því að hvers kyns rafsegul-
svið geti haft alvarleg áhrif á heilsu
og/eða líðan fólks og valdi jafnvel
krabbameini.
I greinargerð með tillögunni seg-
ir að opinber bresk stofnun hafi við-
urkennt að tengsl geti verið milli
krabbameinstilfella og háspennu-
lína. Fleiri rannsóknir greina frá því
að börn sem búa við há gildi raf-
segulsviðs eigi frekar á hættu að fá
hvítblæði en börn sem ekki búa við
slík skilyrði.
Áhyggjur af rafmengun geta náð
allt frá háspennulínum að heimilis-
tækjum sem valda svokallaðri yflr-
tíðnibjögun, eða brenglun inn á raf-
magnskerfum sem dreifist um raf-
magnskerfið milli heimila og fyrir-
tækja. Brynjólfur Snorrason, sér-
fræðingur á sviði rafmengunar, hef-
ur náð undraverðum árangri í lag-
færingum á rafmagnskerfum.
Áþreifanleg dæmi eru um seiðaeldi
þar sem dánarvísitala hríðféll eftir
að lagfæringar voru gerðar á raf-
magnskerfi og líðan starfsfólksins
batnaði, en Brynjólfur hefúr einnig
tekið að sér hönnun híbýla Marels í
Garðabæ.
jontrausti@dv.is
fbúðarhverfi á Selfossi Rafmagnsmannvirki
eru víða I byggðum, en það er afmörgum talið
hættulegt heilsu og liðan fólks.