Almanak Hins íslenska þjóðvinafélags - 01.01.1964, Síða 108

grænmetisgeymsluhúss i Rvík. Hið nýja hús Iðnaðar-
bankans í Rvík var tekið í notkun. Unnið var að
byggingu nýrrar lögreglustöðvar í Rvík. — Allmörg
ibúðarhús voru byggð á Seltjarnarnesi. í M'osfells-
sveit var unnið að skólabyggingu og sundlaugargerð
á Rrúarlandi. Skiðaskáli Í.R. við Kolviðarhól var
vigður 10. marz. Mikið var um framkvæmdir í Kópa-
vogi. Þar voru fullgerðar 137 íbúðir, en fjölmargar
voru í smíðum. Hin nýja Kópavogskirkja var vigð
16. des. í Iíópavogi var unnið að byggingu skrifstofu-
húss, heilsuverndarstöðvar og sundhallar. Enn var
unnið að félagsheimilinu i Kópavogi. Unnið var að
þvi að ljúka við gagnfræðaskólahúsið í Kópavogi og
að Kársnesskóla. Reistur var í Kópavogi minnisvarði
til minningar um Kópavogsfundinn 1662. Fjöldi ibúð-
arhúsa var byggður i Garðahreppi. Unnið var að því
að fullgera Garðakirkju. Mörg íbúðarhús voru byggð
i Hafnarfirði. Þar var unnið að byggingu mikils
íþróttaliúss. Klaustur Karmelsystra í Hafnarfirði var
stækkað. Lokið var byggingu álareykhúss i Hafnar-
firði og ýmsum verksmiðjubyggingum. Unnið var að
byggingu fiskiðjuvers á Óseyri í Hafnarfirði. í Kefla-
vík var unnið að byggingu gagnfræðaskólahúss. Um-
bætur voru gerðar á íþróttavellinum í Keflavík.
Byggð var síldarverksmiðja í Sandgerði. Unnið var
að stækkun barnaskólahússins þar.
í Þorlákshöfn var mikið um byggingaframkvæmdir
og hafnarframkvæmdir. Gistihúsið í Hveragerði var
stækkað. Á Selfossi voru byggð allmörg íbúðarhús.
Borað var þar eftir heitu vatni. Unnið var að iþrótta-
vallargerð á Selfossi. Unnið var að byggingu félags-
heimilis í Grimsnesi. Á Laugarvatni var unnið að
ýmsum framkvæmdum. Byggingu barnaskólahúss þar
var að mestu lokið. Unnið var að Skálholtsdómkirkju
og var smíðinni langt komið. Vatnsveita var gerð
á Skeiðum. Lokið var stækkun barnaskólahússins í
Vestmannaeyjum. Þar var hafin bygging nýs sjúkra-
(106)