Freyr - 15.02.1946, Blaðsíða 36

80
FRE YR
FRE YR
— búnaðarblað — gefið út af Búnaðarfélagi
íslands og Stéttarsambandi bænda.
Ritstjórn, afgreiðsla og innheimta:
Lækjargötu 14 Reykjavík. Pósthólf 1023.
Sími 3110.
Ritstjóri og ábyrgðarmaður: Gísli Kristjánsson.
Ritnefnd: Einar Ólafsson, Pálmi Einarsson,
Steingrímur Steinþórsson.
P R E Y R er l lað landbúnaðari:.s.
Verð kr. 25.00 á ári. Gjalddagi fyrir ±. júlí.
Prentsmiðjan Edda h.f.
Á síðastliðnu ári skipaði Menntamálaráð nefnd
til þess að athuga þarfir atvinnuveganna, nú og í
nánustu framtíð, fyrir vísinda- og tæknimenntaða
menn.
Hefir nefndin meðal annars komizt að þeirri
niðurstöðu, að landbúnaðinn vanti 25 háskóla-
menntaða búfræðinga, 2—4 landbúnaðarverkfræð-
inga, 2 landskiptafræðinga og 6 dýralækna.
Auk þessa er gert ráð fyrir, að þörf sé ýmsra
annarra manna, sem vinna skuli að landnámi og
framkvæmdum á vegum landbúnaðarins á kom-
andi árum, þar á meðal 50—60 vélstjóra til að
stjórna stórum ræktunarvélum.
Niðurstöður þessar eru gleðilegur vottur þess,
að loksins eru augu manna að opnast fyrir því,
að nútíma búskapur verður því aðeins rekinn svo
að í lagi sé, að hópur vel menntaðra manna að-
stoði með ráðum og dáðum.
Hins munu eflaust einhverjir spyrja, hvort land-
búnaðurinn sé þess megnugur að hafa svo stóran
hóp manna, sem embættismenn, á sinni könnu.
Að sjálfsögðu verður reynslan að leiða í ljós
hvort slíkir starfsmenn vinna það gagn, sem veg-
ur eins mikið og laun þeirra.
★
í Danmörku eru 206 þúsund bændabýli. í árs-
lok 1944 gekkst Hagstofan danska fyrir talningu
þvaggryfja og haugstæða í landinu. Niðurstöður
þeirrar talningar sýndu, að á 192.000 býlum voru
þvaggryfjur en haugstæði á 197.000 býlum. Þeir
14 þúsund bændur, sem ekki notuðu þvaggryfjur,
voru allir úr hópi smábænda. Aftur á móti voru
það bæði smærri og stærri bændur, er fylltu hóp
þeirra 11 þúsunda, sem ekki notuðu haugstæði.
Með haugstæði er hér átt við mykjugeymslustað
með þéttum botni og lágum veggjum, sem hindra
burtrennsli mykju og lagar.
Aðeins 14 þúsund haugstæði voru undir þaki.
Danir vanda til geymslu þvagsins en mykjuna
telja þeir tæpast svo mikils virði, að það borgi
sig að geyma hana undir þaki.
★
f skýrslu PcSurbirgðafélags Skútustaðahrepps
fyrir árið 1944—45, er gefið upp, að Sigurgeir Jóns-
son, bóndi á Helluvaði, hafi á síðastliðnu hausti
fengið 29,5 kg. af kjöti, 2,00 kg. af mör og 6,00 kg.
af gæru eftir hverja á. Mun þetta vera met hér
á landi — eða býður nokkur betur?
★
Nýbyggingarráð hefir undirbúið frumvarp til
laga um landnám, nýbyggðir og endurbyggingar
í sveitum, ásamt frumvarpi til laga um Ræktun-
arsjóð íslands. Hafa frumvörp þessi verið lögð
fyrir Alþingi það, er nú situr. Er hér' um mjög
mikilsverð mál að ræða og því ástæða til að geta
þeirra nánar síðar í Frey.
★
FREYR
er blað sveitafólhsins.
Eflið útbreiðslu Freys!
★