Freyr - 01.06.1975, Qupperneq 19

Hér er nú fengin töluverð reynsla af því að hraðþurrka gras og grænfóður
og gera úr því mjöl, köggla eða graskökur. Þetta fóður hefur reynst svo
vel, að allt bendir til, að meira og meira verði um það í framtíðinni, að
grasið og annað fóður, sem við ræktum, verði á einhvern hátt hraðþurrkað.
Með því er stefnt að betri varðveislu fóðurefnanna og sparnaði á aðkeyptu
og innfluttu fóðri.
Að sjálfsögðu er mikilvægt fyrir okkur að fylgjast með því, sem gerist
erlendis í þessum efnum, og draga lærdóm af þeim tækniframförum, sem
það verða, og þeirri reynslu og þeim rannsóknaniðurstöðum, sem þar fást
varðandi notkun slíks fóðurs.
Að einu leyti höfum við sérstöðu í þessum efnum. Við höfum möguleika á
að nota ódýra orku til þessarar þurrkunar, raforku og jarðvarma. Til þess
að nýta þessa orku þarf að beita annarri tækni en þegar brennt er olíu og
þurrkað við mjög hátt hitastig. Það er mjög brýnt að vinna að því að alefli
að rannsaka möguleika okkar á þessu sviði — og leita að heppilegustu
tækni til þess að hraðþurrka fóður með þessari orku okkar.
Að þessu hefur nokkuð verið unnið en betur má, ef duga skal. Því verður
vart trúað, ef við legðum í það nokkra fjármuni til að rannsaka þetta að
þeir mundu ekki skila sér aftur. Það er til mikils að vinna að geta nýtt
jarðvarmann í stað innfluttrar olíu til að framleiða innlent fóður, sem kæmi
að verulegu leyti í stað innflutts kjarnfóðurs.
Hraðþurrkun fóðurs
Hér fer á eftir endursögð og nokkuð stytt
grein úr norska ritinu „Samvirke“. Greinin
er eftir Olav Yidvei búfræðikandidat.
Á undanförnum árum hefur ríkt mikill á-
hugi á því, bæði hér í Noregi og ekki síður
í fjölda annarra landa, að hraðþurrka fóð-
ur.
Þetta á ekki aðeins við um hraðþurrkun
á grasi, sem nú er orðin vel þekkt, — farið
er að beita sömu tækni við þurrkun á
ýmsum öðrum fóðurtegundum.
F R E Y R
251