Freyr - 01.06.1975, Page 22

Góð reynsla er fengin hér á landi af færaniegum heykögglaverksmiðjum. Þrjár slíkar „Taarup" verksmiðjur
voru starfræktar hér á síðastliðnu sumri.
Það hendir annars í mörgum mjólkurbú-
um, að þau lenda í erfiðleikum með osta-
gerð vegna smjörsýru í mjólk, þar sem vot-
hey er gefið.
Hægt er að nota hraðþurrkað gras að
verulegu leyti fyrir svín.
í Sviss kom ég til stórbónda, sem stund-
aði svínarækt, — hann var að byggja stóra
heykögglaverksmiðju í félagi við nokkra
nágranna sína og vildi með því tryggja sér
góða grasköggla, en með þeim kvaðst hann
fullnægja 30% af fóðurþörf grísanna og
það með góðum árangri. Með þessu kvað
hann grísina þrífast vel, vera heilbrigða og
gefa fyrsta flokks kjöt.
Það er einnig vel þekkt, að gyltur eignast
bæði fleiri og frískari grísi, ef þær eru
fóðraðar að hluta með grasmjöli eða köggl-
um.
Hraðþurrkun á öðru en grasi
ryður sér einnig til rúms.
Þá er nú í seinni tíð farið að þurrka fóður-
korn í grasþurrkurum, og hefur það bjarg-
að miklu, þegar votviðri hafa herjað um
uppskerutímann.
Síðastliðið haust var reynt að þurrka
illa þroskað korn með háiminum, hvort
tveggja malað saman og pressað í köggla.
Þetta hefur gefið góða raun.
Fleiri dæmi mætti nefna um aðra notkun
og góðan árangur af tilraunum með hrað-
þurrkun á fóðri, þar á meðal svokallaða
þurrlútun á hálmi og þurrkun á kartöflum
og kartöfluúrgangi. Á það skal að lokum
bent, að með hraðþurrkun og kögglun á
gróffóðri skapast möguleikar til að flytja
það frá héruðum, sem hafa góða grasrækt-
armöguleika, til svæða, þar sem þeir eru
minni en beitilönd góð, og skapa þannig
möguleika til aukinnar búfjárræktar.
254
F R E Y R