Freyr - 01.08.1982, Blaðsíða 31

/ upphafi veiðiferðar í Jöklu. (Ljósm. ö. K. P.)
þurrki, frá 4—5 dögum og allt í 30
dagaíþurrkleysu. Erþau eru orðin
þurr eru þau send kaupendum, en
þeir eru umboðssalar. Par er Sam-
band ísl. samvinnufélaga og Guð-
mundur Halldórsson á Húsavík
stærstir, en fleiri fyrirtæki taka þau
einnig til sölu. Flokkun skinnanna
fer fram hjá umboðssala og eru
flokkar mismargir, frá fjórum til
átta eftir því hver er. Við seljendur
höfum lítinn möguleika á að fylgj-
ast með mati skinnanna núorðið,
en fyrir nokkrum árum kom mað-
ur frá umboðsaðila og flokkaði
skinnin á staðnum. Þá sá maður
hvers var óskað og hvað á vantaði
til þess að ná I. flokknum. sem
kemur þá fyrir vegna klaufaskapar
eða kæruleysis. Verð fyrir skinnin
er mjög breytilegt. Þegar það var
best fyrir nokkrum árum þurfti
nætum þrjá dilka fyrir hvert skinn,
en nú er hvert skinn á við hálfan
dilk. Greiðslur berast seint fyrir
þau, allt upp í 10—11 mánuði frá
afhendingu. Þó er skemmtileg
undantekningþaráfráárinu 1980.
Ég veit ekki hvernig stendur á
þessari greiðslutregðu og væri gott
ef einhver skýrði hana, því að af-
urðalán hlýtur þessi útflutnings-
vara að fá þar sem hún skapar er-
lendan gjaldeyri. Eins væri at-
hugandi fyrir okkur selveiðibænd-
ur hvort ekki væri hægt að koma
sama kerfi á hjá okkur og minka-
og refabændur hafa hjá t. d. Hud-
son Bay uppboðssalanunt.
Af hverju er verðið svona lágt á
kópaskinnum, spyrja menn. Þar
tel ég tvær orsakir vera á ferðinni.
Hin fyrr er hinn rnikli áróður gegn
selveiðum en hin síðari að nú eru
tísku skinn af dýrum með löng hár,
en stutthærð skinn, eins og kóp-
askinn, eru í lægð svo að þetta get-
ur breyst fyrr en varir.
Ekki er langt síðan Búnaðarfé-
lag íslands réði til sín hlunninda-
ráðunaut. Er það Árni G. Péturs-
son. Megum við hlunnindabændur
vel við una og vænti ég þess að
hann láti frá sér heyra um sel-
veiðinytjar og hvert beri að stefna í
þeim málum. Eins væri engin
goðgá að stofna einhvers konar
félagsskap selveiðibænda og þá
t. d. sem deild innan Æðarrækt-
arfélagsins, eins og fram hefur
komið á fundi þar, því að mjög
margir nýta hvoru tveggja þessara
hlunninda, æðarvarp og selveiði.
Eins þarf að þoka þeim málum
áfram að þessar innlendu búgrein-
ar njóti sömu fyrirgreiðslu í fjár-
málum innan landbúnaðarins eins
og hinar erlendu innfluttu búfjár-
tegundir minkur, refur og kanínur.
Kvikasilfursmengun
Náttúruverndarráð Svíþjóðar
hefur látið kanna kvikasilfurs-
magn í vötnum þar í landi og kom
þá í Ijós að kvikasilfursmengun er
mun alvarlegri en búist var við. í
vötnum Suður- og Mið-Svíþjóðar
er kvikasilfursmagn mjög víða það
mikið að neysla fiskjar úr vötnum
er varhugaverð, en hættumörkin
eru sett við eitt milligramm kvika-
silfurs í einu kílógrammi fiskjar,
sem á þessum slóðum er einkum
gedda.
Kvikasilfrið berst með and-
rúmslofti í vötnin úr reyk úr
verksmiðjum bæði í Svíþjóð og
nálægum löndum.
Nordisk Kontakt 3/82.
freyr — 623