Freyr - 01.11.1995, Blaðsíða 28
Samningur um framleiðslu
sauðfjárafurða
Spurningar og svör
1. Spurt er: Eftir að þessi
samningur tekur gildi er þá hverjum
og einum, sem til þess hefur
fullgilda aðstöðu, heimilt að eiga fé,
framleiða kjöt og selja á innlendum
markaði ef hann lætur slátra í
viðurkenndu sláturhúsi?
Svar: Já, svo framarlega sem
viðkomandi hefur ekki samið um að
framleiða ekki sauðfjárafurðir, en
honum ber að taka þátt í útflutningi
í samræmi við reglur.
Við lið 1.4. Vetrarfóðraðar
kindur skilgreindar svo:
„Ær, hrútar, sauðir og lömb sem
sett eru á vetur og talin fram á
forðagæsluskýrslu“.
2. Spurt er: Munu sumrungar og
smálömb vera taldar vetrarfóðraðar
kindur hjá þeim sem hafa 0,7 kindur
eða færri á bak við ærgildi?
Svar: Já
Við lið 2.2. í sjöundu málsgrein
er m.a. kveðið á um að hægt sé að
semja um lækkun ásetningshlutfalls
án lækkunar beingreiðslu undir
vissum kringumstæðum, m.a. með
því að taka þátt í atvinnuþróunar-
verkefnum.
3. Spurt er: Geta eftirtalin
verkefni fallið undir þetta ákvæði:
A) Loðdýrarækt.
B) Stofnun og rekstur tamn-
ingastöðva fyrir hross.
C) Veiði vatnafisks, vinnsla og
markaðssetning hans.
D) Nýting og verkun sjávar-
fangs, s.s. rauðmaga, grásleppu,
harðfiskverkun, hákarlsverkun o.fl.
E) Tilraun til að koma upp
æðarvarpi, frekari nýting reka o. 11.
hlunninda.
Svar: Reglur hafa ekki verið
samdar og ekki er því unnt að svara
þessu nú.
Við lið 2.3. Kveðið er á um að
J viðskipti með greiðslumark verði
heimil til 1. júlí 1996.
4. Spurt er: Eru þessi viðskipti
nokkrum takmörkunum háð til þess
tíma?
Svar: Nei, þau ntunu lúta sömu
reglum og nú gilda.
5. Spurt er: Er keypt greiðslu-
mark til 1. júlí 1996 jafn rétthátt og
það greiðslumark sem fyrir var
gagnvart:
1) Beinum greiðslum, þ.e. að
beingreiðslumarkið hækki í
samræmi við keypt greiðslumark?
Svar: 1) Já. Hins vegar er um
það rætt að til þess að bein-
greiðsluréttur vegna ársins 1996
flytjist með sölu þurfi viðskiptin að
tilkynnast fyrir 1. febrúar, ella taki
flutningurinn fyrst gildi fyrir árið
1997.
2) Asetningshlutfallinu 0,6, án
j skerðingar á beinum greiðslum?
Svar: 2) Já.
3) Ásetningshlutfallinu 0,7 varð-
andi innanlandsmarkaðinn?
Dæmi: Maður hefur 100 ærgilda
greiðslumark og er með 70 vetrar-
fóðraðar kindur. Hann kaupir 10
ærgildi. Með því hefur hann 110
ærgilda greiðslumark. Fær hann þá
ekki 110 ærgilda beingreiðslumark
og fullt innanlandsverð fyrir það
kjötmagn sem hann framleiddi eftir
77 vetrarfóðraðar kindur?
Svar:. 3) Skv. fyrirliggjandi
frumvarpi á Alþingi gengur dæmið
ekki upp, þ.e. að öll fjölgun milli ára
leiði til þess að samsvarandi fram-
leiðsla fari aukalega í útflutning.
Hins vegar, ef bóndinn á nú 100
ærgildi og 77 kindur, getur hann
keypt sig frá útflutningi með því að
auka greiðslumarkið í 110 ærgildi.
Við lið 2.4.
6. Spurt er: Geta þeir sem selja
ríkissjóði greiðslumark sitt fyrir 1.
nóv. nk. og 1. júlí 1996 treyst því að
fá greiddar kr. 3.734 í beingreiðslur
á hvert ærgildi sem selt er þau þrjú
og tvö ár, sem unt ræðir eftir því
hvenær samið er, þrátt fyrir breyt-
ingar samkv. lið 2.1.?
Svar: Já.
7. Spurt er: Greiðast 5.500 kr.
förgunarbætur á hverja á eða greið-
ist út á hverja vetrarfóðraða kind?
Svar: 5.500 kr. förgunarbætur
greiðast eingöngu fyrir ær, allt að
einni á fyrir ærgildið. Ekki eru
greiddar förgunarbætur fyrir sauði
og hrúta.
8. Spurt er: Geta þeir sem óska
eftir að vera undanþegnir útflutn-
ingsskyldu og fækka í haust, sbr. lið
3.1., aukið ásetning og komið inn í
útflutninginn með innlegg haustið
1997 eða síðar á samningstímanum.
Svar: Já.
9. Spurt er: Þurfa þeir sem óska
eftir að vera undanþegnir útflutn-
ingsskyldu en þurfa ekki að fækka
fé að tilkynna það til ríkisins?
Svar: Þeir aðilar sem ætla að
vera undanþegnir útflutningsskyldu
en þurfa ekki að fækka fé verða að
tilkynna það á sama hátt og ef um
fækkun væri að ræða.
10. Spurt er: Geta þeir sem eru
með ásett fé á forðagæslu en hafa
ekki greiðslumark fengið greiddar
2.000 kr. fyrir ána ef þeir fækka eða
farga öllu nema 10 kindum?
Svar: Nei, kaupin eru háð því að
viðkomandi eigi greiðslumark,
a.m.k. heimtökurétt.
460 FREYR -11 '95