Freyr - 01.12.1995, Blaðsíða 38

Aldarafmœli Búnaðarfélags
Vopnafjarðar
Á Jónsmessunni, hinn 24. júní
1995, var minnst 100 ára afmælis
Búnaðarfélags Vopnafjarðar en það
var stofnað 7. júlí 1995. Afmælis-
hátíðin hófst með athöfn í
Hofskirkju kl. 14 og síðan almennri
fjölskylduhátíð í félagsheimilinu
Staðarholti. Kom þar margt fólk á
öllum aldri úr byggðarlaginu og
skemmti sér þar við leik, söng og
talað orð í ekta vopnfirskri veður-
blíðu sem ríkti þennan dag.
Um kvöldið var afmælishóf í
Miklagarði. Þar voru samankomin
yfir eitthundrað manns, flest allt
bændafólk í Vopnafirði og gestir
sem boðnir voru í tilefni þessara
tímamóta. Veislustjóri var Sigurður
Björnsson, Háteigi. Margar ræður
voru fluttar og gestir færðu félaginu
góðar gjafir. Bændasamtök íslands
gáfu ræðupúlt, útskorið af Hlyni
Halldórssyni á Miðhúsum, Búnað-
arsamband Austurlands gaf skjala-
tösku úr hreindýraleðri, sem unnin
var af Ólafíu Sigmarsdóttur í
Klausturseli, Vopnafjarðarhreppur
gaf fundargerðabók í leðurtösku,
sem Jón Þorgeirsson í Skógum
gerði, og Kaupfélag Vopnfirðinga
gaf veglega blómakörfu og allar
blómaskreytingar sem prýddu sal-
inn. Bændakór söng nokkur lög og
einnig var almennur söngur. Ferða-
félagar úr bændaferð til Þýskalands
fluttu efni frá ferðinni. Þá var fyrr-
verandi formaður félagsins, Sigur-
jón Friðriksson í Ytri-Hlíð, gerður
að heiðursfélaga fyrir vel unnin
störf um 30 ára skeið og honum
afhent viðurkenningarskjal. Að
loknu borðhaldi var stiginn dans
lengi nætur við undirleik harmó-
níkuhljómsveitar.
Núverandi stjórn félagsins skipa:
Sigríður Bragadóttir Síreksstöum,
Emil Sigurjónsson Ytri-Hlíð og
Álfhildur Ólafsdóttir Akri.
Stjórn Bf Vopnafjarðar, talin f.v.: Álfhildur Ólafsdóttii; Akri; Sigríður Bragadóttii;
Síreksstöðum, formaður; og Emil Sigurjónsson, Ytri-Hlíð. Á borðinu fyrir framari
þau eru gjafir sem félaginu bárust í tilefni afinœlisins. (Ljósm. tók Metlmsalem
; Einarsson).
Meðal skemmtiatriða á afmœlinu var reiptog kvenna milli sveitarhluta í Vopnafirði.
Fremst á myndinni er iið norðurhluta sveitarinnar, taldar f.v.: Þórunn Egilsdóttir,
Hauksstöðum; Ingileif Bjarnadóttii; Hámundarstöðum; Alda Sigurðardóttir, Ytra-
Nýpi; Sigurbjörg Guðmundsdóttii; Vakursstöðum II; og Hólmfríður Kristmanns-
dóttir, Fremra-Nýpi. Karlar kepptu hins vegar íþrautahlaupi.
510 FREYR - 12 '95