Foreldrablaðið - 01.02.1943, Page 10

10
FORELDRABLAÐIÐ
líka önnur öfl að verki, sem hvorki
heimili né skóli nær til. Á ég þar eink-
um við félagsskap hinna eftirlitslausu
barna eða öllu heldur eftirlitslausan fé-
lagsskap barna. Til hans er stofnað á
götum úti. Það liggur í eðli og byggingu
þessa bæjar, að börn hafa óheppileg skil-
yrði til að iðka þá leiki og stunda þá
starfsemi, sem þau hafa hug á. En ein-
hvern veginn verða þau að svala at-
hafnaþörf sinni. Þau verða alls staðar
fyrir öðrum og þeim til ama, bílstjórum,
kaupmönnum, húsfreyjum, lögregluþjón-
um o. s. frv. Þetta fólk atyrðir þau og
eyðileggur þá starfsemi og leiki, sem þau
stunda. Það verður óvinir þeirra. Börnin
byggja á hefndir, og þau reyna að leika
á þetta fólk, og sá, sem djarfastur er og
hugkvæmastur í þessum „refsiaðgerð-
um“, hlýtur mesta virðingu, og önnur
börn lúta vilja hans. Hér skapast sem sé
siðferði, sem er á móti þjóðfélaginu.
Með þessu hugarfari koma mörg börn í
skólann. Og það siðferði, sem þau læra í
þessum félagsskap, verður til þess að
leiða mörg þeirra á glapstigu. Auðvitað
er þeim börnum, sem verstar eiga heim-
ilisástæður, langhættast, þeim er bein-
línis hrundið út í þetta, því að þau eiga
hvergi annars staðar höfði sínu að að
halla. — Á móti þessu vegur að vísu
leikvallastarfsemin og uppeldisheimili
Sumargjafar, en sú starfsemi þyrfti að
geta orðið miklu víðtækari.
Hér hefir verið drepið á ýmislegt, er
varðar uppeldismál þessa bæjar. Ég
vænti þess, að allir viðurkenni, að okk-
ur sé nokkur vandi á höndum, og að það
þurfi að bregðast mannlega við þeim
vanda. Ég hefi bent lauslega á nokkur
atriði, sem ég tel eigi að stefna að svo
Ekkert
heímíli
- hvorki börn né for-
eldrar - getur verid án
þess að lesa
Alþýðublaðið
sem: meiri hagnýtingu uppeldisfræði-
legrar þekkingar, aukinni starfsemi
skóla, auknu eftirliti og bættum skilyrð-
um til útileikja barna og auknu starfi
uppeldisheimila. Um þetta hefir verið
rætt og ritað oftsinnis áður, en það er
ekki úr vegi, að það sé rifjað upp. — Á
eitt vil ég benda að lokum. Það er allt
útlit á því, að sá undirbúningur, sem
við fáum hinni ungu kynslóð, þurfi að
endast henni til þess að lifa lífi sinu 1
miklu meiri samskiptum við umheim-
inn en eldri kynslóðir þessa lands hafa
þurft að gera. Það verður því mikið undir
þessum undirbúningi komið, hvernig
henni reiðir af 1 þessum samskiptum.
Ármann Halldórsson.