Unga Ísland - 01.11.1955, Síða 16

ert af slíku. Það er hrópleg synd af þeim,
sem hafa nægtir, að hjálpa þeim ekki, sem
skortir allt. Albert Schweitzer vildi fara
sjálfur og verja lífi sínu til þess að bæta
fyrir eitthvað af því, sem hvítir menn hafa
vanrækt eða brotið af sér gagnvart svört-
um mönnum.
Hann settist að á stað, sem heitir Lam-
barene. Þar var kristniboðsstöð, kristnir
menn frá Evrópu höfðu setzt þar að til
þess að geta hjálpað landsmönnum, frætt
þá um Jesú Krist og veitt þeim aðstoð í
ýmsum efnum.
Þú veizt sjálfsagt, að nýlega hafa ís-
ienzkir kristniboðar byrjað að starfa í
Afríku, í landi, sem hetir Eþíópía.
í Lambarene er afskaplega heitt, því að
staðurinn er rétt við miðjarðarlínu. Loftið
er mjög óhollt. Frumskógur umlykur þorp-
ið, en fljót er á eina hlið. Krökt er af eitur-
slöngum í skóignum, hlébörðum og öðrum
rándýrum, fílum og öpum. í fljótinu eru
krókódílar og nílhestar.
Fólkið, sem þarna býr, á að mörgu leyti
f jarska bágt. Það þekkir ekki Guð og hugs-
ar, að illir andar og ófreskjur séu allt í
kring. Til dæmis, ef móðir deyr frá barni
sínu ungu, þorir engin kona að gefa því að
sjúga, því að þá halda menn að andamir
verði reiðir. Kýr eru ekki til í þessu landi
og börn, sem ekki eru höfð á brjósti, geta
varla lifað, því að þau geta ekki fengið
mjólk. Albert Schweitzer hefur tekið að sér
mörg börn, sem hafa misst móður sína og
hefðu dáið úr hungri og vesöld, ef hann
hefði ekki tekið þau. Margir hættulegir og
hryllilegir sjúkdómar þjaka menn. Enginn
læknir var fyrir, þegar Schweitzer kom, í
landi, sem er miklu stærra en ísland. Hann
hefur nú í marga áratugi dvalizt þarna,
gert að sárum, hjúkrað, kennt. Hann hefur
reist sjúkrahús fyrir nokkur hundruð sjúk-
linga og smátt og smátt ráðið til sín marga
lækna og hjúkrunarkonur frá Evrópu. Fjár
til þess líknarstarfs hefur hann aflað með
því að halda hljómleika og flytja fyrir-
lestra í Evrópu. En margt fólk hefur líka
gefið fé til starfsins. 1 hitteðfyrra hlaut
hann friðarverðlaun Nóbels. Fyrir þá pen-
inga byggir hann holdsveikrahæli.
Nú er ekki rúm fyrir meira um Albert
Schweitzer í þessu blaði. En það er mikið
rúm fyrir hugarfar hans í þessum heimi,
brýn þörf fyrir sama hjartalag, á íslandi
og alls staðar. Fáir eru kallaðir til eins
mikilla afreka og hann. En ég hugsa, að
Guð hafi gefið þér eins gott hjarta og hon-
um. Og hann hefur áreiðanlega gefið þér
sömu fyrirmynd og sama leiðtoga, Krist,
konung kærleikans. Meiri tign er engin til
en sú að líkjast honum.
SIGURBJÖRN EINARSSON.
Elzta blað í heimi.
eru vikutíðindin kínverzku. Þau heita
„King Coo). Þau hófu göngu sína árið 911
og eru nú yfir 1000 ára gömul. Blaðið er
allt til frá upphafi og er geymt í ríkis-
skjalasafni í Peking.
Einkennilegt er, að fyrsta blaðir lítur
eins út og það síðasta. Aldrei hefur orðið
nein breyting á því hvorki smá né stór.
En 15 ritstjórar þess hafa misst höfuðið
fyrir að hafa sett eitthvað í það, sem
stjórnendunum líkaði ekki.
(Unga ísland 1925)
B réfaviðskipti óskast
Brynja Ágústsdóttir, Austurvegi 61, Sel-
fossi, við telpur 11—12 ára.
Margrét Björgvinsdóttir, Krossgerði, pr.
Djúpavogi, S.-Múl., við dreng eða telpu 9—
11 ára. Margrét safnar frímerkjum.
Emelía Úlfarsdóttir, Austurvegi 44, Seyð-
isfirði, við telpu 13—15 ára. Emelía safnar
frímerkjum og er útsölumaður Unga ís-
lands á Seyðisfirði.
Kristín Jónsdóttir, Herríðarhóli, Ása-
hreppi, Rang, við stúlku 13—14 ára.
Guðrún Tyrfingsdóttir, Lækjartúni, Ása-
hreppi, Rang., við dreng eða telpu 12—14
ára.
14
UNGA ÍSLAND