Bændablaðið - 09.12.2003, Side 38

38
Bændabloðið
eítir að aukast
Radisson SAS Hótel Saga er þriðja stærsta
hótel landsins og er í eigu
Bændasamtakanna sem og Hótel Island við
Armúla. Þetta munu vera einu hótelin í
heiminum sem eru í eigu bændasamtaka.
Það gefur augaleið að það hlýtur að vera
afskaplega yfirgripsmikið og vandasamt
starf að stýra þessu fyrirtœki. Hins vegar
má segja að það sé í takt við tíðarandann
að hótelstjórinn er ung kona. Hún heitir
Hrönn Greipsdóttir og hefur stýrt
fyrirtækinu með glœsibrag undanfarin 5 ár.
Hún er fœdd og uppalin að Geysi í
Haukadal, þar sem alltaf hefur verið mikill
ferðamannastraumur og rík hefð fyrir
þjónusta við ferðamenn.
„Það er rétt að ég er komin af
miklu hótelfólki. Eg bjó í nábýli
við afa minn og ömmu, Sigurð
Greipsson og Sigrúnu
Bjamadóttur, en þau ráku
sumarhótel á Geysi og raunar ráku
þau líka hótel með
íþróttaskólanum en hann var
starfandi fram til ársins 1973.
Síðar var farið að reka hótel allan
ársins hring á Geysi. Eg kom því
mjög ung að hótelstörfum og
kynntist þeim rekstri vel án þess að
það væri markmið mitt að leggja
hótelstörf fyrir mig. Eiríkur
Bjamason, ömmubróðir minn, bjó
í Hveragerði og starffækti Hótel
Hveragerði um langt árabil. Þau
vom bara tvö systkinin og störfuðu
bæði í hótelrekstri sem hefur án
vafa verið sérstakt á þeim tíma því
þau vom bændafólk en lenda bæði
í þessari starfsgrein. Foreldrar
mínir störfuðu hins vegar fyrir
Landgræðsluna og Skógræktina og
komu ekki að hótelrekstri.
Föðurbróðir minn tók við hótelinu
og rekur það núna og ég vann alla
mína skólatíð hjá honum við
ferðaþjónustu yfir sumartímann,"
segir Hrönn þegar hún var spurð
hvemig það hefði komið til að hún
valdi sér þetta lífsstarf.
-Lœrðir þú eitthvað sérstaklega
til hótelstjórnar?
„Nei, ég gerði það ekki. Ég fór
í menntaskóla í Reykjavík og að
loknu stúdentsprófi fór ég
viðskiptaffæði í Háskóla Islands.
Að stúdentsprófi loknu var það
fyrir tilviljun að ég hóf störf hjá
Ferðaskrifstofunni Utsýn; sem
síðar varð Úrval-Útsýn. Ég var sett
yfir innanlandsdeildina hjá Útsýn
og starfaði þar um tíma. Síðar flutti
ég til London með eiginmanni
mínum sem tók við starfi
svæðisstjóra Flugleiða þar í borg.
Ég notaði aftur á móti tækifærið til
að mennta mig ffekar og var þá
með hugann við að koma mér út úr
ferðaþjónustunni. Þetta var á þeim
tíma sem hlutabréfamarkaðurinn
var að verða til hér á landi og mig
langaði til að starfa í
fjármálaumhverfinu. Þess vegna
tók ég mastersgráðu í fjármálum.
En svo gerðist það að ég sá
hótelstjórastarfið á Hótel Sögu
auglýst, stóðst ekki freistinguna og
sótti um það og fékk starfið."
Miklar breytingar
-Efvió snúum okkur að
deginum í dag, hvernig gengur
hótelrekstur í Reykjavík um þessar
mundir?
„Segja má að hann gangi
bærilega. Við hér á Radisson SAS
Hótel Sögu höfúm staðið í miklum
hagræðingaraðgerðum sl. 5 ár. Það
má eiginlega segja að hér hafi öllu
verið snúið við í rekstrinum á
þessum tíma. Með því er ég síður
en svo að kasta rýrð á forvera mína
héma, öðru nær. Það var bara
komið að þeim tímapunkti að það
þurfti að taka hér til og breyta. Við
tókum upp ýmsar nýjar
starfsaðferðir og nýtt fólk kom til
starfa. Það var meðal annars vegna
þessara aðgerða að við fórum í
samstarf við Radisson SAS
keðjuna. Við sáum fyrir að
samkeppnin myndi aukast á
komandi árum og það gæfí okkur
forskot í samkeppninni að vera
hluti af einhverju alþjóðlegu
vörumerki. Það sem við höfúm
upp úr þessu samstarfi er að fá
aðgang að sölu- og markaðsefni
þeirrasem og söluneti. Auk þess
fáum við ákveðna ráðgjöf í
rekstrinum og stranga yfirstjóm
um hvemig reksturinn eigi að
vera. Ég hygg að breytingamar hjá
okkur hafí gengið hraðar fyrir sig
vegna þessa samstarfs og þeirrar
pressu sem er á okkur vegna þess.
Varðandi hótelrekstur almennt
Þriðjudagur 9. desember 2003
á íslandi þá þarf enn að glíma við
þessa miklu árstíðasveiflu sem
gerir reksturinn dálítið erfiðan en
samt hefur orðið mikil breyting þar
á. Það eru ekki mörg ár síðan
veturinn var algerlega dauður. Nú
hefúr þetta teygst í báða enda - vor
og haust - og í raun koma
ferðamenn til Islands allan ársins
hring."
-Heldurðu að það sé þörf fyrir
meira hótelrými í Reykjavík en nú
er til staðar?
„Það er erfitt að segja til um
það. Það sem hefur alltaf gerst hér
á landi er að þetta kemur inn í
stómm stökkum. Til mynda hefúr
orðið 20 til 25% aukning á
hótelrými á einu ári sem er nokkuð
mikið í einu. Bæði hafa ný hótel
verið opnuð og á eldri hótelum
hefúr verið bætt við herbergjum.
Við þurfum í þessu sambandi að
líta til hótela í 150 km fjarlægð ffá
Reykjavík vegna þess að aukning á
hótelrými hér hefúr áhrif á þeirra
rekstur."
Hœgt að fá fleiri ráðstefnur til
landsins
-Hefurðu trú á því að hægt sé
að auka ferðamannastrauminn til
Islands yfir vetrarmánuðina?
„Ég er ekki í nokkrum vafa um
að það er hægt. Við skulum ekki
gleyma því að ekki eru mörg ár
síðan mjög lítið var um erlenda
ferðamenn á Islandi í september og
október Nú var októbermánuður
mjög góður hjá okkur. Það var
mikið um ráðstefnur og fjölmargir
ferðamannahópar sem komu til
T.v. Meðal þeirra sem sjá má á
þessari mynd, sem tekin var við
vígslu Bændahallarinnar, eru
Hjalti Gestsson ráðunautur, Karen
Gestsdóttir, Jóhannes Eiríksson
ráðunautur, Jóhann Hafstein,
fyrrum forsætisráðherra,
Þorvaldur Guðmundsson i Síld og
fiski, Margrét Garðarsdóttir og
eiginmaður hennar Halldór H.
Jónsson, Guðlaugur Rósenkrans,
þáverandi þjóðleikhússtjóri,
Hákon Guðmundsson
hæstaréttarritari, Einar Ólafsson
frá Lækjarhvammi og Berta
Sveinsdóttir frá Lækjarhvammi.
T.h. Bændahöilin komin vel á veg í
byggingu sem hófst árið 1956 en
húsið var tekið í notkun 1962.
Hrönn Greipsdóttir, hótelstjóri Radisson SAS Hótel
Sögu, segir að Bændasamtök íslands séu einu
bændasamtökin í heiminum sem eiga hótel og ekki bara
eitt heldur tvö því samtökin eiga líka Hótel ísland við
Armúla í Reykjavík. Ásgeir Ásgeirsson, þáverandi forseti
Islands, lagði homstein að Hótel Sögu 11. mars 1961. Þá
hafði undirbúningur hótelsins staðið yfir í nokkur ár en
hótelið var síðan tekið í notkun árið 1962.
Sigurgeir Þorgeirsson, framkvæmdastjóri
Bændasamtaka íslands, segir svo frá aðdraganda þess að
Bændahöllin og hótelið var byggt í 40 ára afmælisriti
hótelsins 2001.
„Á þriðja og fjórða áratugnum var farið að ræða það
hjá Búnaðarfélaginu að endurnýja húsnæði félagsins. Þá
kom fram sú hugmynd að byggja skrifstofuhúsnæði með
gisti- og samkomuaðstöðu fyrir bændur utan af landi eða
eins og segir um samþykkt búnaðarþings 1941: „að reisa
bændahús í Reykjavík fyrir búnaðarsamtökin í landinu,
skrifstofúr og gistiheimili." Árið 1948 fékkst lóðin við
Hagatorg og framkvæmdir við Bændahöllina hófúst 1956.
Þannig má segja að upphaflega hugmyndin um að reisa
skrifstofúhúsnæði með gistiaðstöðu hafi þróast yfir í þessa
glæsilegu hótelbyggingu með skrifstofúaðstofu."
Hótel Saga hefur alla tíð verið í eigu Búnaðarfélags
íslands og Stéttarsambands bænda sem síðar varð að
Bændasamtökum Islands. Sigurgeir segir að bændur hafí
skattlagt sig í 12 ár til að standa straum af kostnaði við
byggingu Bændahallarinnar og vissulega hafí staðið deilur
um bygginguna á sínum tíma.
Hótelið var síðan stækkað um nær helming á níunda
áratugnum. Bændasamtökin eru til húsa á 3. hæðinni og í
suðurenda 2. hæðar.
„Bændahöllin hefúr komið íslenskri bændastétt að
góðum notum og hefúr bætt aðstöðu þeirra er fyrir hana
vinna. Bændasamtökin hafa alla tíð átt afar farsæl
samskipti við stjómendur og starfsfólk Hótel Sögu," sagði
Sigurgeir Þorgeirsson.
Árið 1991 keypti Hótel Saga Hótel ísland af
Búnaðarbankanum og þann 1. janúar 1999 hófu hótelin
samstarf við Radisson SAS, alþjóðlegu hótelkeðjuna og er
sú samvinna með miklum ágætum.