Bændablaðið - 31.08.2004, Blaðsíða 11

Þriðjudagur 31. ágúst 2004 11
Fjós eru okkar fag
Landstólpi ehf.
Lárus Pétursson Arnar Bjarni Eiríksson
s: 4370023 / 8694275 s: 4865656 / 8989190
Skipulag fjósa, hönnun og ráðgjöf
- Nýbyggingar, viðbyggingar, breytingar
- Hafið samband - við mætum á staðinn
Weelink - fóðrunarkerfi
Ametrac - innréttingar í fjós
Promat og AgriProm - dýnur
Zeus og Appel - steinbitar
Dairypower - flórsköfukerfi
PropyDos - súrdoðabrjóturinn
Urban - kjarnf.básar, kálfafóstrur
Uno Borgstrand - loftræsting
Ivar Haahr - opinn mænir
Lynx - eftirlitsmyndavélar
Carfed - plastgrindur í gólf
Algengt er að þingnefndir fari í
ferðalög um landið, einkum utan
þingtímans. Landbúnaðarnefnd
fór í ferð um Suðurland undir
forystu Drífu Hjartardóttur,
formanns nefndarinnar, dagana
18. og 19. ágúst sl. Hún sagði í
samtali við Bændablaðið að
ferðin hefði verið fróðleg og
mjög gagnlegt væri fyrir
nefndarmenn að komast í
snertingu við lífið og starfið í
sveitunum.
Drífa sagði að byrjað hefði
verið á að heimsækja Mjólkurbú
Flóamanna á Selfossi á morgni
miðvikudags. Næst var farið í
heimsókn að hrossaræktarbúinu í
Langholti þar sem ung hjón ráða
ríkjum og hafa m.a. breytt gömlu
refabúi í hesthús. Þá var farið að
tilraunabúinu að Stóra- Ármóti og
skoðuð starfsemin þar undir
leiðsögn Grétars Harðarsonar
dýralæknis. Þaðan var síðan haldið
að Þrándarholti til að skoða hið
mjög svo tæknivædda fjós þar.
Næst lá leiðin að Akri í
Laugarási þar sem framleitt er
lífrænt ræktað grænmeti. Síðan
bauð Drífa nefndarmönnum heim
til sín að Keldum þar sem gamli
bærinn og kirkjan voru skoðuð.
Um kvöldið var haldið á Hótel
Rangá þar sem hópurinn gisti.
Næsta dag var byrjað á því að
heimsækja Ólaf á Þorvaldseyri og
skoða korn- og hveitiakrana þar og
hina glæsilegu rafmagnsvirkjun
sem Ólafur hefur reist. Frá
Þorvaldseyri var haldið að
Gunnarsholti þar sem hlýtt var á
marga fyrirlestra starfsfólks
Landgræðslunnar. Síðan var farið í
vettvangsferð og þá kom í ljós að
nefndarmenn höfðu ekki gert sér
grein fyrir hversu umfangsmikil
starfsemi fer fram á vegum
Landgræðslunnar í Gunnarsholti
nema Drífa sem þekkir starfsemina
út og inn.
,,Það er að mínum dómi
nauðsynlegt fyrir nefndarmenn í
landbúnaðarnefnd að hitta fólkið
út í atvinnugreininni sjálfri og
kynna sér með eigin augum lífið
og starfið í sveitunum. Þess vegna
er svona ferð ómetanleg," sagði
Drífa Hjartardóttir.
Landbúnaðarnefnd Alþingis á ferð um Suðurland
Nauðsynlegt fyrir nefndarmenn að hitta bændur
-segir Drífa Hjartardóttir,
formaður landbúnaðarnefndar
Landbúnaðarnefnd í heimsókn að Þorvaldseyri - og þarna eru þau stödd í aldingarði ábúenda. Frá vinstri: Elín
Valdís Þorsteinsdóttir, ritari nefndarinnar, Magnús Stefánsson, Dagný Jónsdóttir, Drífa Hjartardóttir, formaður
landbúnaðarnefndar, Þórunn Sveinbjarnardóttir og Anna Kristín Gunnarsdóttir./Bændablaðsmynd: ÓE.