Bændablaðið - 31.08.2004, Blaðsíða 19

Þriðjudagur 31. ágúst 2004 19
Stjórn BÍ skorar á stjórnvöld
"Stjórn Bændasamtaka Íslands hefur kynnt sér "Tillögur og
kostnaðaráætlun vegna reglubundins eftirlits með nokkrum
smitsjúkdómum í búfé", sem unnar hafa verið á vegum yfirdýralæknis.
Það er grundvallarstefna Bændasamtaka Íslands að tryggja svo sem
kostur er hreinleika og hollustu íslenskra búvara. Sú skylda hvílir á
okkur gagnvart neytendum og í því felast jafnframt helstu sóknarfæri
bænda á matvælasviðinu.
Ein helsta forsenda þess að þetta megi takast er að treysta varnir gegn
búfjársjúkdómum og viðhalda því góða heilbrigðisástandi sem við
njótum og er með því besta í heiminum.
Vegna alþjóðlegra samninga, sem Ísland á aðild að (samningur um
heilbrigðisástand dýra og plantna (SPS) hjá WTO), verðum við að geta
sýnt fram á það vísindalega hvernig heilbrigðisástandi er hér háttað til
þess að mega viðhalda þeim vörnum sem nauðsynlegar eru til að
forðast innflutning alvarlegra sjúkdóma.
Ef við getum ekki staðfest hreinleikann með reglubundnu eftirliti
samkvæmt viðurkenndum aðferðum, eigum við það á hættu að
varúðarreglum okkar verði hnekkt þannig að við getum ekki staðið
gegn innflutningi lifandi dýra eða búfjárafurða, sem hætta getur
stafað af.
Stjórn Bændasamtaka Íslands skorar á stjórnvöld að veita fé til eftirlits
yfirdýralæknis samkvæmt þeirri áætlun, sem hann hefur lagt fram."
Í viðskiptum með lifandi dýr og
búfjárafurðir á milli landa er
upplýsinga um sjúkdómastöðu
landanna krafist og þurfa vottorð
um sjúkdómastöðu að byggja á
stöðlum Alþjóða dýraheilbrigðis-
málastofnunarinnar. Samkvæmt
þeim er vottun dýralækna-
yfirvalda, um að sjúkdómurinn sé
ekki til staðar í landinu, oft tekin
gild en í sumum tilfellum þarf
staðfestingin að byggja á rann-
sóknum. Þetta fer eftir eðli sjúk-
dómanna, m.a. hvort smitefnið
geti dulist í dýrunum án þess að
framkalla sjúkdómseinkenni.
Ekkert sértækt eftirlit er hér á
landi með nokkrum smitsjúk-
dómum í búfé.
Halldór Runólfsson yfirdýra-
læknir hefur undanfarin ár lagt
fram ákveðnar tillögur um auknar
fjárveitingar til embættisins um
reglubundnar sýnatökur vegna
sjúkdómanna, ásamt áætlun um
kostnað við rannsóknir á sýnunum.
Þrátt fyrir ítarlegan rökstuðning
hefur ósk um aukið fjármagn ekki
náð fram að ganga.
Fyrirsjáanlegt að
innflutningur eykst
Halldór leggur mikla áherslu á
að fjárveitingar fáist til þessa
verkefnis, sem þarf að vinna á
hverju ári, og koma þannig upp
upplýsingaskrá um hina góðu
stöðu Íslands hvað varðar
búfjársjúkdóma. "Í ljósi nýjustu
frétta af gangi mála hjá
Alþjóðaviðskiptastofnuninni WTO
um viðræður um viðskipti með
landbúnaðarvörur er ljóst að búast
má við auknum innflutningi á
landbúnaðarvörum. Þá verður
ákaflega brýnt að við getum
framvísað áreiðanlegum upplýs-
ingum um okkar góðu stöðu til
að hindra að hingað séu fluttar
vörur sem gætu borið með sér
búfjársjúkdóma og haft
hroðalegar afleiðingar fyrir
búfé okkar sem er mjög næmt
fyrir öllum erlendum
búfjársjúkdómum eftir
aldalanga einangrun," segir
Halldór.
Eftirlit með smitsjúkdómum
hér á landi byggist að miklu leyti á
alennri vöktun af hálfu dýraeig-
enda og dýralækna og
tilkynningarskyldu. Sýni eru
einnig tekin reglubundið vegna
nokkurra sjúkdóma og er þar helst
að nefna garnaveiki í jórturdýrum,
riðuveiki í sauðfé, campylobacter í
alifuglum, salmonella í alifuglum
og svínum, og fiskisjúkdómana
veirublæði, iðradrep, brisdrep,
taugadrep og nýrnaveiki.
Helstu
smitsjúkdómarHelstu smitsjúkdómar í búfé semekkert sértækt eftirlit er haft meðnúhér á landi, en krafist er vottunar áí alþjóðlegum viðskiptum, ásamtsjúkdómum sem samkvæmt matiíslenskra sérfræðinga er taliðmikilvægt að skima eftir meðsýnatökum, eru eftirfarandi: Ínautgripum er um að ræðasjúkdómana smitandi fósturlát,smitandi hvítblæði, smitandibarkarbólgu/fósturlát, smitandislímhúðarpest og kúariðu; ísvínum Aujeszkys veiki, smitandimaga- og garnabólgu, PRRS veikiog svínainflúensu; í hrossumsmitandi blóðleysi, hestainflúensuog smitandi háls- oglungnakvef/fósturlát; í alifuglumsmitandi Newcastleveiki, smitandikverka- og barkabólga ogfuglakregða og kanínufár íkanínum.
Fjárskortur Embættis
yfirdýralæknis gæti haft
alvarlegar afleiðingar
Þarftu að byggja, breyta eða bæta?
Nýbyggingar • Hönnun
Tek að mér alla almenna hönnun
og teiknivinnu
Þekking og reynsla í hönnun
mannvirkja til sveita
Ívar Ragnarsson,
byggingafræðingur og fyrrv. bóndi
Hrafnagili II, 601 Akureyri
Símar 462 5205 & 898 3311
Sigurður Jónsson, forstöðumað-
ur Svæðismiðlunar á Suður-
landi, segir að ástandið í at-
vinnumálum á svæðinu sé gott
um þessar mundir. ,,Það hefur
verið auðvelt að fá vinnu á
Suðurlandi og þá sérstaklega í
vestari hlutanum. ,“ sagði
Sigurður.
Hann segir að gott ástand sé
Þorlákshöfn og öflug fiskvinnsla
þar. Í uppsveitum Árnes- og
Rangárvallasýslna er gott
atvinnuástand á þessum tíma árs,
ferðaþjónusta mikil og síðan hinar
fjölmörgu garðyrkjustöðvarnar.
Sigurður bendir á að allt landið
sé eitt atvinnusvæði og margir
íbúar á Suðurlandi sæki atvinnu til
höfuðborgarsvæðisins. Sunnlensk
verktakafyrirtæki bjóða í verk út
um allt land og eru með sinn
mannskap í því. Framundan er
bygging virkjunar á Hellisheiði.
,,Hún er að mínum dómi
vísbending um að menn ættu að
huga að orkufrekri
atvinnustarfsemi á Suðurlandi
enda nauðsynlegt að fjölga þar
störfum. Í Þorlákshöfn eru lausar
lóðir við höfnina sem eru hentugar
fyrir orkufrekan iðnað og þar er
því tækifæri fyrir þá sem hafa hug
á slíkri starfsemi,“ segir Sigurður.
Varðandi landbúnaðinn á
Suðurlandi sagði Sigurður að öðru
hvoru væri óskað eftir fólki í vinnu
á sveitabæjum og þá sé það
yfirleitt þannig að fólkið þurfi að
búa á staðnum. Þau störf segir
hann erfitt að manna. ,,Þá koma
inn umsóknir um atvinnuleyfi fyrir
útlendinga. Sömu sögu er að segja
varðandi gróðrarstöðvarnar. Það
hefur gengið illa að manna störf í
þeim. Þess vegna hafa
garðyrkjubændur sótt um
atvinnuleyfi fyrir útlendinga og
þeir eru margir í garðyrkjunni,“
segir Sigurður Jónsson.
Gott ástand í atvinnumálum á Suðurlandi
Níðsterkar fötur • Endingarbetri túttur • Auðveld þrif • Minni
vinna • Fást nú hjá Mjólkurbúi Flóamanna á Selfossi.
Munið einnig hinar frábæru Cow Comfort básamottur
sem sameina bæði mikil gæði og gott verð.
Elvar Eyvindsson - Skíðbakka 2
S: 487-8720, 899-1776 - Tölvup.: elvarey@eyjar.is
Látið mjólkurbarinn létta störfin!
Æðardúnn óskast
Okkar vantar æðardún til útflutnings
Vinsamlegast hafið samband
Xco ehf.
Inn og útflutningur
Vatnagörðum 28
104 Reykjavík
Sími: 581-2388
Netfang: xco@xnet.is