Bændablaðið - 31.08.2004, Blaðsíða 28

28 Þriðjudagur 31. ágúst 2004
Lifandi steinar er nafn á litlu
galleríi að Hlégarði í Aðaldal þar
sem hjónin Bergljót
Benediktsdóttir og Hálfdan
Ármann Björnsson búa. Skiltið
lætur ekki mikið yfir sér séð frá
veginum en þegar beygt er heim
þá birtast vegfarandanum
persónugerðir steinar af ýmsum
stærðum sem eru uppstilltir fyrir
framan húsið og einnig má sjá
dansandi timburmenn sem
húsbóndinn hefur búið til úr birki.
Lífgar þetta mjög upp á og um leið
lifnar yfir galleríinu og forvitnin
eykst.
Litla húsið sem hýsir
listmunina er garðhús og settu
Bergljót og Hálfdan það upp við
hlið íbúðarhússins. Inni eru hillur
þar sem margt er að sjá og rúmast
þar ótrúlega margir talandi steinar,
hver á sína vísu.
Þau Bergljót og Hálfdan
byrjuðu fyrir 10 árum að huga að
steinum í því augnamiði að mála á
þá og eru nú að uppskera í vinnu
sinni góðan árangur því þau unnu
til verðlauna á
handverkssýningunni að
Hrafnagili í fyrra.
Þetta er árátta mannsins að
skapa eitthvað og sjá út úr
náttúrunni möguleika sem margir
aðrir sjá ekki, en saman fara þau
út og ganga í fjörum og við
árfarvegi, jafnvel í vegköntum og
finna sér steina. Ekki geta þau
tekið allt sem þau sjá því ekki er
hægt að taka steina nema í þeim
búi einhverjir möguleikar. Á
þessum gönguferðum vakna því
margar hugmyndir sem aðrir fá
augljóslega ekki því í galleríi
þeirra má sjá ótrúlegan fjölda
steina sem hafa verið gæddir
persónum manna og dýra á mjög
skemmtilegan hátt. Síðan er farið
heim og glímt við sköpunina og
gaman segja þau að sé að láta
steinana vinna með sér og enginn
steinn sé eins.
Þarna er fólk af ýmsum toga
að fást við ýmislegt, húsdýr í
röðum, fuglar, blóm og bæir svo
eitthvað sé nefnt. Það eru stór dýr
og lítil og á tröppum hússins eru
gæludýrin, hundur og köttur, stórir
steinar sem hafa verið gæddir lífi.
Formlegt listnám hafa þau
hjón ekki stundað en þau fóru fyrir
áratug á taumálunarnámskeið og
telja sig þar hafa lært mikið um
meðferð lita og pensla. Þá hafa
þau kynnt sér grunnteikningu en
með árunum og í því að fást við
steinana sjálfa hafa þau lært hvað
mest.
Bergljót og Hálfdan stunduðu
búskap í áratugi á Hjarðarbóli,
fluttu í Hlégarð þegar þau fóru að
minnka við sig en taka enn þann
dag í dag þátt í því sem er að
gerast á búinu. Á síðasta ári varð
Hálfdan sjötugur og gaf út af því
tilefni ljóðabókina Fjóshendur,
sem inniheldur kveðskap frá 40
ára tímabili við hin daglegu störf,
mest í fjósinu á Hjarðarbóli, og
var hripaður niður á
innvigtunarseðla mjólkurbílsins,
fóðurblöndupoka eða á annað sem
til féll. Þá skal geta þess að
Bergljót er mikil garðyrkjukona
og í þessu lífstarfi hjónanna er
ljóst að saman hefur safnast mikil
þekking á dýrum og náttúru sem
hjálpar mikið við þá listsköpun
sem þau fást við nú þar sem litir
og form eru svo nálæg.
Í vinnuherbergi þeirra hjóna er
margt að sjá og persónurnar sem
þar eru á hillunum gleðja augað.
Nýjast framleiðslan er dansfólkið
sem dansar við undirleik nokkurra
harmoníkuleikara og er það
reyndar mjög athyglisverð sería.
Þá koma við sögu fuglar sem
Hálfdan hefur skapað úr m.a. úr
ýsubeinum og teygja þar kríur
vængina, tilbúnar í flugið.
Hálfdan segir að Bergljót sé
duglegri en hann í steinamáluninni
en hún talar ekki mikið um það.
Hins vegar fór hún að hugsa um
listsköpun á sínum tíma sem
hugsanlega atvinnu kvenna í
sveitum en hvað sem má segja um
atvinnumöguleika á þessu sviði þá
er víst að hjónin í Hlégarði hafa
fundið sér farveg sem gefur lífinu
skemmtileg gildi.
Við endum þetta með síðasta
erindinu í ljóðinu Maínótt eftir
Hálfdan sem er í ljóðabók hans og
hljóðar svo:
Svo tekur hún fram litakassa
og litapensil sinn
og leitar uppi stað,
þar sem ríkir friðurinn.
Hún léreftir sitt strengir
á víkur,voga og ála,
með vatnslitum svo myndir
á sléttan flötinn málar.
Lifandi steinar
Nokkur þeirra dýra sem koma úr
smiðju þeirra hjóna. Bbl/Atli.
Um þessar mundir eru að
hefjast tökur á kvikmynd
byggðri á Bjólfskviðu og verður
hún tekin upp við Höfn í
Hornafirði og nærri Vík í
Mýrdal. Þetta er ein dýrasta
kvikmynd sem tekin hefur verið
upp alfarið hér á landi en
kostnaðaráætlunin nemur um
900 milljónum króna. Um 170
manns koma að gerð mynd-
arinnar. Það eru kanadískir
aðilar sem standa að gerð
hennar og Vestur-Íslendingur-
inn Sturla Gunnarsson verður
leikstjóri.
Sem kunnugt er hafa útisenur
margra kvikmynda, bæði inn-
lendra og erlendra, verið teknar
upp á Suður og S-Austurlandi og
hefur þetta skapað umtalsverða
atvinnu við ýmis þjónustustörf við
kvikmyndatökurnar. Frumkvöðla-
setur Austurlands hefur því
áformað að stofna þjónustu-
fyrirtæki við kvikmyndaiðnaðinn á
Suður- og S-Austurlandi í tengsl-
um við tökur á Bjólfskviðu. Þegar
hafa safnast um 15 milljónir króna
í hlutafé frá ýmsum aðilum.
Atvinnuþróunarsjóður Suður-
lands hefur ákveðið að leggja 7
milljónir króna í kvikmynda-
verkefnið Bjólfskviðu og stofnað
einkahlutafélagið Gjöll ehf. til að
halda utan um þetta mál.
Orri Hlöðversson, bæjarstjóri í
Hveragerði ogformaður stjórnar
Atvinnuþróunarsjóðs Suðurlands,
sagði í samtali við Bændablaðið að
sjóðurinn hefði verið beðinn um
það í fyrra að taka þátt í þessu
verkefni. Óskin kom frá Ný-
sköpunarsjóði en auk hans koma
að þessu Frumkvöðlasetur Austur-
lands, iðnaðarráðuneytið og
Byggðastofnun.
Hann sagði að stjórn sjóðsins
hefði ákveðið að taka þátt í
uppbyggingu félags sem mun
einbeita sér að því að markaðssetja
Suður- og S-Austurland sem svæði
fyrir kvikmyndatökur sem gæti
orðið mjög atvinnuskapandi. Hann
segir að Gjöll ehf. hafi verið
stofnað m.a. vegna þess að
Atvinnuþróunarsjóðurinn hafi lítið
sem ekkert verið í hlutafjárkaupum
undanfarin ár. Hann segir þetta
millileik því þegar stóra félagið
hefur verið stofnað mun Gjöll ehf.
að öllum líkindum vera lagt inn í
það félag.
,,Við vildum hafa þetta sér í
okkar bókum vegna þess að hér er
um hlutafé og áhættufjárfestingu
að ræða en Atvinnuþróunarsjóð-
urinn er hins vegar að mestu leyti í
hefðbundinni veðlánastarfsemi,"
sagði Orri Hlöðversson.
Áformað að stofna félag um
þjónustu við kvikmyndagerð
Hér hafa brugðið á leik þeir
Steindór Gunnarsson vestur-
íslenski leikstjóri myndarinnar og
Ingvar E. Sigurðsson sem leikur
Grenli jötun. /Bbl. Jónas Erlendsson
AUGLÝSING
um breytingu á auglýsingu nr. 545/2004 um
útflutningshlutfall kindakjöts 2004 - 2005.
1. gr.
Með vísan til auglýsingar nr. 545/2004 hefur
landbúnaðarráðherra ákveðið að útflutningshlutfall
kindakjöts fyrir neðangreint tímabil verði sem hér segir:
Dilkakjöt:
Tímabil: Útflutningshlutfall:
13. sept. 2004 - 28. nóv. 2004 36%
2. gr.
Auglýsing þessi er sett í samræmi reglugerð nr.
524/1998 um útflutning á kindakjöti með síðari
breytingum og með heimild í 4. mgr. 29. gr. laga nr.
99/1993 um framleiðslu, verðlagningu og sölu á
búvörum, með síðari breytingum og öðlast þegar gildi.
Landbúnaðarráðuneytinu, 27. ágúst 2004.
F.h.r.
Ólafur Friðriksson.