Bændablaðið - 31.08.2004, Blaðsíða 23

Þriðjudagur 31. ágúst 2004 23
Landssamband kúabænda
hefur ákveðið að kanna hvort
áhugi sé meðal bænda fyrir ferð
til Nýja-Sjálands í lok
nóvember. Hugmyndin hefur
þegar verið kynnt á vef
sambandsins, naut.is, og fengið
góðar undirtektir. Alls hafa á
annan tug bænda haft samband
og lýst áhuga á því að halda í
slíka ferð. Hugmyndin að
ferðinni kemur frá stjórn LK en
eins og flestir vita er Nýja-
Sjáland leiðandi í útflutningi á
bæði mjólkur- og
sauðfjárafurðum. Að sögn
Snorra Sigurðssonar,
framkvæmdastjóra LK, er
hugmyndin að fara í 10-12 daga
ferð þar sem heimsóttir yrðu
bæði mjólkur- og
sauðfjárbændur og fyrirtæki
tengd landbúnaði.
"Systursamtök okkar í
Danmörku eru einnig að
skipuleggja svipaða ferð til
Nýja-Sjálands á sama tíma og
við erum að skoða þessa dagana
hvort hægt sé að slá þessum
hugmyndum saman og fara
þannig í hópferð frá báðum
löndum. Þetta er reyndar allt
enn á frumstigi og of snemmt að
segja til um niðurstöðuna enn.
Að ferðast til Nýja-Sjálands er
gríðarlegt ferðalag, enda landið
svo til nákvæmlega hinum
megin á hnettinum og svo til
jafn langt að fljúga hvort heldur
sem er til vesturs eða austurs.
Eins og skipulagið lítur út ínú er
þó hugmyndin að fljúga til
Singapúr og gista þar í eina nótt
áður en haldið er til Nýja-
Sjálands og eins að gista í
Singapúr í bakaleiðinni.
Ferðakostnaðurinn er vissulega
meiri en í ferðunum sem við
höfum skipulagt á
landbúnaðarsýninguna í
Danmörku, en í svona ferð fer
maður væntanlega bara einu
sinni á ævinni og ég vænti þess
að ef af verður þá verði þetta
frábær viðburður og
eftirminnilegur. Á
fyrirhuguðum ferðatíma er
komið vor á Nýja-Sjálandi og
má gera ráð fyrir að hitastigið
sé á bilinu 15-20°C. Þeir sem
hafa áhuga á að fá nánari
upplýsingar um ferðina eru
beðnir að hafa samband við
Snorra í síma 896 1995 eða með
því að senda tölvupóst til LK:
lk@naut.is.
Nýja-Sjáland heillar!
V E R K I N T A L A
Gylfaflöt 24-30 • 112 Reykajavík • Sími 580 8200
Fax 580 8210 • velfang@velfang.is
Í Kverneland plóga
Kverneland
varahlutir í
plóga
Útvegum varahluti
í ungar og aldnar
dráttarvélar
www.bondi.is