Bændablaðið - 31.08.2004, Blaðsíða 13

Þriðjudagur 31. ágúst 2004 13
Austurvegi 69 - Selfossi - Sími 4 800 400
buvelar.is
Mikið úrval
plógvarahluta
Einnig spjót og
tindar í kvíslar,
greipar og fl.
Bændur fá í fyrsta lagi vit-
neskju um frumutölu einstakra kúa
en með hertum reglum um frumu-
tölu tankmjólkur verða upplýs-
ingar um þennan þátt fram-
leiðslunnar mikilvægari en nokkru
sinni fyrr. Í öðru lagi fást upp-
lýsingar um efnainnihald mjólkur-
innar; prótín, fita og úrefni. Prótín-
og fituhlutfall segir til um verð-
mæti afurða gripsins, úrefnið gefur
hugmynd um stöðu prótínfóðrunar
í hjörðinni. Úrefnistöluna ber þó
að taka með nokkrum fyrirvara
fyrir hvern einstakan grip þar sem
hún getur sveiflast talsvert milli
daga. Því er betra að taka hliðsjón
af meðaltali hjarðarinnar sem fram
kemur á niðurstöðublaðinu sem
bændur fá í hendur.
Allar upplýsingar sem aflað er
með töku kýrsýna eru síðan
notaðar í ræktunarstarfinu, þar sem
þær eru undirstaða eiginleika sem
vega yfir 60% í ræktunarmark-
miðunum, þ.e. afurðamat og júgur-
hreysti. Eins og staðan er nú not-
færa ríflega 2/3 skýrsluhaldara sér
þjónustu RM á þessu sviði. Full
ástæða er til að hvetja þá sem út af
standa til að gera slíkt hið sama.
Aukinn fjöldi sýna treystir t.d. enn
frekar öryggi kynbótamats fyrir
frumutölu þar sem sá eiginleiki
hefur fremur lágt arfgengi.
Gæði þessarar þjónustu eru
mikil, undantekningalítið eru
niðurstöður tiltækar sama dag og
sýni berast. Þá eru þær sendar um
leið til bænda í tölvupósti. Þeir
sem ekki eru svo tæknivæddir fá
niðurstöðublað með mjólkur-
bílnum. Skjót skil niðurstaðna eru
enda mjög mikilvæg þar sem þær
eru undirstaða margvíslegra
ákvarðana í búrekstrinum. Í raun
má segja að sú vitneskja sem þeim
fylgir sé lykillinn að arðsamari bú-
rekstri. Þeir bændur sem hafa hug
á að hefja töku kýrsýna er bent á
að hafa samband við sitt búnaðar-
samband, sem sér um að koma
þeim upplýsingum áfram til Rann-
sóknastofu mjólkuriðnaðarins.
/BHB
Bændur sem taka þátt í
skýrsluhaldsmælingum RM geta
vænst meiri arðs af búum sínum
Stjórn Rannsóknastofu mjólkuriðnaðarins (RM) hefur ákveðið að
bjóða bændum upp á aukna tíðni mjólkursýnatöku úr einstökum
kúm. Til þessa hafa slík sýni verið tekin að jafnaði 8 sinnum á ári, en
bændum býðst nú að senda sýni 10 sinnum á ári. Um mikilvægi
þessarar sýnatöku þarf vart að fjölyrða, þar sem með þessu fást upp-
lýsingar sem eru kúabændum mjög mikils virði. Fullyrða má að þeir
bændur sem senda reglulega mjólkursýni til RM fái meiri arð af
sínum búrekstri en hinir sem láta það ógert.
Aukin tíðni mjólkursýnatöku úr einstökum kúm
Ágúst Sigurðsson
skipaður rektor
Landbúnaðarháskóla
Íslands
Landbúnaðarráðherra hefur
skipað dr. Ágúst Sigurðsson í
stöðu rektors Landbúnaðar-
háskóla Íslands til næstu
fimm ára.
Ágúst lauk doktorsprófi í
búfjárerfðafræði við Sænska
landbúnaðarháskólann árið
1996 og hlaut viðurkenningu
fyrir framúrskarandi árangur í
doktorsnámi frá Konunglegu
sænsku akademíunni. Ágúst
hefur starfað frá
árinu 1996 sem
ráðunautur í
erfða- og kyn-
bótafræði hjá
Bændasam-
tökum Íslands og
sem lands-
ráðunautur í
hrossarækt hjá
sömu stofnun síðan í ársbyrjun
1999. Sem slíkur hefur hann
verið leiðandi á sviði
hrossaræktar og hestamennsku
hér á landi og starfað sem
kynbótadómari og fyrirlesari í
aðildarlöndum Alþjóðasamtaka
eigenda íslenskra hesta. Þá hefur
hann stýrt ýmsum
umfangsmiklum rannsóknar-
verkefnum, m.a. varðandi
ræktun íslensku kýrinnar. Ágúst
er hrossaræktandi og bóndi á
Kirkjubæ á Rangárvöllum.
Ágúst tekur við nýja
starfinu um næstu áramót og
sagði hann í samtali við
Bændablaðið að tímann fram
að því myndi hann nota til að
huga að mótun þessarar nýju
stofnunar, a.m.k. hvað fyrstu
skrefin varðar.
Hann var spurður hvort
hann ætti von á miklum breyt-
ingum á Landbúnaðarháskólan-
um á Hvanneyri og Garðyrkju-
skóla ríkisins sem þarna verða
sameinaðir ásamt RALA.
Ágúst sagði að sameiningin
hljóti að leiða til þó nokkurra
breytinga þar sem þrjár
stofnanir eru sameinaðar og þar
af tveir skólar. Hann sagðist
telja að þær breytingar yrðu að-
eins til góðs. Sameining
þessara stofnana væri gerð með
það í huga að efla þær og bæta
og búa til öfluga stofnun.
Ágúst er sem fyrr segir
bóndi og hrossaræktandi á
Kirkjubæ á Rangárvöllum.
Hann sagði búið halda sínu
striki en hann sagðist eiga eftir
að hugsa það hvernig fram-
haldið á hrossaræktinni hjá sér
verður. ,,Við höfum til þessa
eytt frístundum okkar í þetta og
ég hygg að við getum það hér
eftir sem hingað til," sagði
Ágúst Sigurðsson.