Bændablaðið - 12.10.2004, Side 21

Þriðjudagur 12. október 2004 21
Markaskrár 2004 komu út í
öllum markaumdæmum fyrir
réttir, samtals 18 að tölu. Þær
eru með svipuðu sniði og fyrri
skrár nema að nú eru í fyrsta
skipti birt frostmörk hrossa og
allar gildandi fjallskilasam-
þykktir í landinu. Samtals voru
birt 14.158 mörk, þar af 309
frostmörk hrossa, en mörkum
hefur fækkað um tæp 14% síðan
1996 þegar markaskrárnar
komu síðast út. Markaverðir
annast dreifingu markaskráa og
er henni lokið en vanti einhverja
markaeigendur eintök skulu
þeir hafa samband við viðkom-
andi markaverði.
Hafinn er undirbúningur að út-
gáfu landsmarkaskrár, hinnar
þriðju, og er stefnt að útgáfu
hennar fyrir jól. Landsmarka-
skráin hefur notið vaxandi
vinsælda enda bæði gagnleg og
fróðleg, einkum þeim sem hafa
áhuga á mörkum og sauðfjár-
búskap. Enn eru eyrnamörk tölu-
vert notuð á hross og nú bætast
frostmörkin við. Skráin mun
einnig gagnast vel þegar kröfur
verða hertar um merkingu sauðfjár
og hrossa. Þar að auki er hún ein-
stök á heimsmælikvarða. Báðar
fyrri útgáfur seldust upp og tölu-
vert er spurt um þá nýju. Þar
verða öll mörkin úr markaskránum
auk marka sem bætast við nú á
haustnóttum.
Verði markaeigandi var við
einhverjar villur eða aðra ágalli í
markaskrá sinni bið ég hann vin-
samlegast að hafa samband við
viðkomandi markavörð sem fyrst
því að við viljum lagfæra það sem
betur má fara fyrir útgáfu lands-
markaskrárinnar. Þurfi að koma
marki á birtingu, þannig að það
komist með í skránni, þarf að hafa
strax samband við markavörð en
við mig beint ef um frostmark
fyrir hross er að ræða. Allir
markaverðir sem staðið hafa að
útgáfu markaskrár 2004 halda
áfram störfum sínum nema Þor-
steinn Oddson,markavörður Rang-
árvallasýslu. Honum þakka ég
farsæl störf og og býð velkominn
til starfa eftirmann hans, Kjartan
G. Magnússon, bónda í Hjallanesi.
/Ólafur Dýrmundsson.
Markaskrárnar
komnar út
-landsmarkaskrá í undirbúningi
Stíflurétt eftir lagfæringar sem gerðar voru á henni í haust. Mynd: ÖÞ
Bændur lagfærðu Stíflurétt
Eins og áður hefur komið fram
fór snjóflóð yfir Stíflurétt í Fljót-
um í janúar sl. og stórskemmdi
hana. Réttin var steinsteypt,
byggð árið 1959. Allir dilkar
skemmdust eitthvað og einnig
almenningurinn en suðurhluti
réttarinnar skemmdist minnst.
Eftir fundahöld bænda í
Austur-Fljótum með fulltrúum
sveitarfélagsins Skagafjarðar
var niðurstaðan sú að byggð var
ný rétt í sveitinni og kostaði
sveitarfélagið byggingu hennar.
Sú réttarbygging var raunar
komin á dagskrá áður og kom í
stað mjög gamallar réttar á
Holtsdal.
Nýja réttin stendur skammt
frá þar sem Ólafsfjarðar- og
Siglufjarðarvegur mætast við
Ketilás og er hún nú aðalrétt
sveitarinnar. Það varð hins
vegar niðurstaðan að bændur í
sveitinni kostuðu lagfæringar á
Stífluréttinni þannig að þar væri
hægt að rétta fé. Eftir þetta er
almenningurinn að vísu mun
minni en áður og við hann
aðeins sex dilkar í stað fjórtán.
Lagfæringin fólst í að steypa
að hluta þá veggi sem eftir stóðu
og setja timburveggi í stað
tveggja veggja sem alveg
brotnuðu niður. Til Stífluréttar
hefur um árabil verið rekið fé af
Lágheiði, Hvarfdal og Móa-
fellsdal. Svo var einnig nú en
gangnafyrirkomulagi í sveitinni
að öðru leyti talsvert breytt.
Þannig tóku aðeins bændur á
tveimur fremstu bæjunum fé sitt
í Stíflurétt en safninu að öðru
leyti sleppt út og það rekið
áfram niður sveitina daginn eftir
og það réttað í nýju réttinni. Þar
var mikill mannfjöldi saman
kominn á réttardaginn til að
skoða þetta nýja mannvirki og
fagna réttardeginum með
heimafólki í sveitinni.
Heimasíða Ferðaþjónustu
bænda - á meðal þeirra 10
bestu hjá Green Globe 21!
Þann 1. október veittu Green Globe 21
viðurkenningu, því fyrirtæki innan Green
Globe 21 sem gefur bestu upplýsingar
um Green Globe 21 á heimasíðu sinni (e.
"Best Practice Website"). Heimasíða
Ferðaþjónustu bænda
www.farmholidays.is var ein þeirra 10
sem komst á lista yfir 10 bestu.
Viðurkenninguna í ár fékk Bali Hilton
International fyrir www.balihilton.com.
Berglind Viktorsdóttir, gæðastjóri
Ferðaþjónustu bænda segir þetta gott
framtak hjá Green Globe 21 sem hvetji
eflaust fleiri fyrirtæki til að gera betur í
að upplýsa almenning um hvernig hægt
er að stuðla að sjálfbærari ferðaþjónustu
með þátttöku í Green Globe 21.
Lánaflokkur Lánað Vextir Veð Láns- Láns- Afb.
vegna tími hlutfall frestur
Jarðakaupalán Jarðakaup 3,85% Í jörð 40 ár 65% Já
Jarðakaupalán Jarðakaup 6,25% Í jörð 25 ár 65% Já
Bústofnsk.lán Bústofnskaup 3,85% Í jörð 10 ár Sjá lánareglur Nei
Vélakaupalán Skráðar vélar 6,25% Í jörð/vél 8-10 ár 65% Nei
Vélakaupalán Óskráðar vélar 6,25% Í jörð 10 ár 65% Nei
Framkvæmdalán Fjós 3,85-6,25% Í jörð 20-30 ár 65% Já
Framkvæmdalán Búnaður í fjós 3,85-6,25% Í jörð 12 ár 65% Nei
Framkvæmdalán Fjárhús 3,85-6,25% Í jörð 20-30 ár 65% Já
Framkvæmdalán Búnaður í fjárhús 3,85-6,25% Í jörð 12 ár 65% Nei
Framkvæmdalán Svínahús 3,85-6,25% Í jörð 20-30 ár 65% Já
Framkvæmdalán Bún. í svínahús 3,85-6,25% Í jörð 12 ár 65% Nei
Framkvæmdalán Alifuglahús 3,85-6,25% Í jörð 20-30 ár 65% Já
Framkvæmdalán Bún. í alif.hús 3,85-6,25% Í jörð 12 ár 65% Nei
Framkvæmdalán Hesthús 3,85-6,25% Í jörð 20-30 ár 65% Já
Framkvæmdalán Reiðskemmur 6,25% Í jörð 25 ár 65% Nei
Framkvæmdalán Gróðurhús 3,85-6,25% Í jörð 20-30 ár 65% Já
Framkvæmdalán Bún. í gróðurhús 3,85-6,25% Í jörð 12 ár 65% Nei
Framkvæmdalán Garðáv.geymslur 3,85-6,25% Í jörð 20-30 ár 65% Já
Framkvæmdalán Bún. í garðáv.g. 3,85-6,25% Í jörð 12 ár 65% Nei
Framkvæmdalán Loðdýrahús 3,85-6,25% Í jörð 20-30 ár 65% Já
Framkvæmdalán Bún. í loðd.hús 3,85-6,25% Í jörð 12 ár 65% Nei
Framkvæmdalán Hlöður 3,85-6,25% Í jörð 25-30 ár 65% Já
Framkvæmdalán Búnaður í hlöður 3,85-6,25% Í jörð 12 ár 65% Nei
Skuldbr.lán Endurfjármögnun 6,25% Í jörð 15 ár Sjá lánareglur Nei
Skuldbr.lán Sk.br. höfuðstóls 6,25% Í jörð 15 ár Sjá lánareglur Nei
Önnur lán Leitarm.hús og fjárréttir 6,25% Sv.sj. 15-20 ár 65% Nei
Önnur lán Veiðihús 6,25% Fasteign 15-20 ár 65% Nei
Önnur lán Veituframkvæmdir 6,25% Í jörð 20 ár 65% Nei
Önnur lán Rafstöðvar 6,25% Í jörð 40 ár 65% Nei
Afurðastöðvar Afurðastöðvar 6,25% Fasteign 20 ár 65% Nei
Lántökukostnaður er samtals 2,5% (stimpilgjald 1,5% og lántökukostnaður 1,0%).
Þar við bætist þinglýsingarkostnaður kr. 1.200 fyrir hvert lán.
Gjalddagar eru 12 á ári nema óskað sé eftir færri gjalddögum.
Lánasjóður landbúnaðarins
Lánatafla 2004
Yfirlit yfir helstu lánaflokka og lánskjör
Öll ný lán eru verðtryggð miðað við vísitölu neysluverðs
Í gildi frá 1. október 2004
Lánstími framkvæmdalána er almennt 30 ár vegna nýbygginga,
25 ár vegna viðbygginga og 20 ár vegna endurbóta.
Nánari upplýsingar er að finna í lánareglunum á vefsíðu Lánasjóðsins, www.llb.is,
eða með því að hafa samband við skrifstofu sjóðsins, sími: 480 6000, fax: 480 6001, netfang: llb@llb.is
Lækkun
vaxta
Lánasjóður landbúnaðarins hefur lækkað breytilega vexti
skuldabréfa sem eru 6,50% eða hærri um 0,25 %-stig.
Vextir sem voru 6,50% verða því 6,25% o.s.frv.
Þá verða vextir nýrra bústofnskaupalána 3,85% og vextir nýrra
endurfjármögnunar og skuldbreytingalána verða 6,25%.
Vextir lána til vélakaupa verða 6,25% óháð veði, en sjóðurinn mun
veita lán til kaupa á allt að fimm ára gömlum vélum með veði
í jörð eða skráningarskyldri vél.
Þessar breytingar tóku gildi 1. október 2004. Yfirlit um vexti og lánakjör
er að finna í lánatöflu sjóðsins, en nánari upplýsingar er hægt að fá
á vefsíðu sjóðsins www.llb.is og á skrifstofu sjóðsins
Austurvegi 10, Selfossi. Sími 480 6000, netfang llb@llb.is
Lánasjóður landbúnaðarins